Buchibabu Peddi Movie: తెలుగు సినిమా ఇండస్ట్రీలో మెగా ఫ్యామిలీకి సపరేట్ ఫ్యాన్ బేస్ ఉంది. మెగా హీరోలతో సినిమాలు చేయాలని ప్రతి ఒక్కరు కలగంటూ ఉంటారు. ఇక మొదటి సినిమాతోనే మెగా హీరోతో సినిమా చేసే అవకాశాన్ని దక్కించుకున్న దర్శకుడు బుచ్చిబాబు… ఉప్పెన సినిమాతో మెగా హీరోని ఇండస్ట్రీకి పరిచయం చేయడమే కాకుండా మొదటి సినిమాతోనే 100 కోట్ల క్లబ్ లో చేరిపోయిన దర్శకుడిగా బుచ్చిబాబు మంచి పేరు సంపాదించుకున్నాడు. ఇక ఆ తర్వాత రాంచరణ్ ను హీరోగా పెట్టి చేస్తున్న పెద్ది సినిమాతో మరోసారి పెను ప్రభంజనాన్ని సృష్టించడానికి రెడీ అవుతున్నాడు. అయితే పెద్ది సినిమా ద్వారా బుచ్చిబాబు చాలా వరకు నష్టపోయాడు అంటూ కొన్ని వార్తలైతే వస్తున్నాయి. కారణం ఏంటి అంటే పెద్ది సినిమా స్టార్ట్ చేసిన తర్వాత సినిమా షూటింగ్ కొంతవరకు లేటయింది. దానికి తగ్గట్టుగానే గేమ్ చేంజర్ సినిమా రిలీజ్ అయి డిజాస్టర్ అవ్వడంతో ఈ సినిమాకు సంబంధించిన అన్ని విషయాల్లో పూర్తి జాగ్రత్తలు తీసుకుంటూ సినిమా షూటింగ్ చాలా వరకు లేట్ చేస్తూ వచ్చారు. దానివల్ల ఆయన సినిమా షూటింగ్ లేటవ్వడమే కాకుండా ఇండస్ట్రీకి వచ్చి దాదాపు 6 సంవత్సరాలు అవుతున్నప్పటికి ఇప్పటివరకు ఒక్క సినిమానే డైరెక్షన్ చేశాడు. ఇక ఇప్పుడు రెండో సినిమా రిలీజ్ అవుతుంది. ఇలా మూడు సంవత్సరాలకు ఒక సినిమా చేసుకుంటూ వెళ్తే యంగ్ డైరెక్టర్లు ఎప్పుడు ఎక్కువ సినిమాలను చేస్తారు అంటూ మరి కొంతమంది కామెంట్స్ చేస్తున్నారు. నిజానికి తక్కువ సమయంలో ఎక్కువ సినిమాలు చేయగలిగితే ఇండస్ట్రీ బాగుపడుతుంది. అలాగే ప్రొడ్యూసర్లు సేఫ్ జోన్ లో ఉంటారు.
సినీ కార్మికులందరికి పని దొరుకుతుంది. వాళ్ళందరు ఎక్కువ పని చేసి ఎక్కువ డబ్బులు అర్జించడానికి అవకాశం దొరుకుతుంది. తద్వారా మార్కెట్ కూడా విపరీతంగా పెరిగే అవకాశాలైతే ఉంటాయి. బుచ్చిబాబు రాబోయే రోజుల్లో సంవత్సరంలోపే ఒక సినిమాని చేసి రిలీజ్ చేయాలని సన్నాహాలు చేసుకుంటున్నాడట.
వీలైనంత తొందరగా సినిమాలు చేస్తే బాగుంటుందని తన సన్నిహితుల దగ్గర కూడా చెబుతున్నాడట. ఇక ఏది ఏమైనా కూడా సుకుమార్ తన వెనకాల ఉన్నాడు కాబట్టి బుచ్చిబాబు ఈరోజు టాప్ డైరెక్టర్ గా మారాడు. లేకపోతే మాత్రం తను మామూలు దర్శకుడిగా మిగిలిపోయేవాడు అంటూ మరి కొంతమంది కామెంట్స్ చేస్తున్నారు.
ఇక ఏది ఏమైనా కూడా బుచ్చిబాబు లాంటి దర్శకుడు ఇండస్ట్రీకి అవసరమని మరి కొంతమంది చెబుతున్నారు. పెద్ది సినిమా తర్వాత బుచ్చిబాబు షారుక్ ఖాన్ తో ఒక సినిమా చేయబోతునాడంటూ కొన్ని వార్తలు వస్తున్నాయి. మరి వాటిలో ఎంతవరకు నిజం ఉంది అనేది తెలియాలంటే మాత్రం పెద్ది సినిమా రిలీజ్ అయితే గాని వీటన్నింటి మీద ఒక క్లారిటీ వచ్చే అవకాశామైతే లేదు…
