Bro Collections: బ్రో 6వ రోజు కలెక్షన్స్…. ఇంకా ఎన్ని కోట్లు రావాలంటే!

Bro Collections: పవర్ స్టార్ పవన్ కళ్యాణ్ లేటెస్ట్ మూవీ బ్రో. సాయి ధరమ్ తేజ్ మరొక హీరోగా నటించారు. సోషియో ఫాంటసీ బ్యాక్ డ్రాప్ లో ఎమోషనల్ ఫ్యామిలీ డ్రామాగా తెరకెక్కింది. పాజిటివ్ టాక్ తెచ్చుకున్న బ్రో మంచి ఓపెనింగ్స్ రాబట్టింది. ఆదివారం వరకు బ్రో వసూళ్ల జోరు కొనసాగింది. వరల్డ్ వైడ్ బ్రో రూ. 100 కోట్ల గ్రాస్ రాబట్టింది. పవన్ కళ్యాణ్ నటించిన మూడు చిత్రాలు వరుసగా వంద కోట్ల వసూళ్లు సాధించాయి. వకీల్ సాబ్, భీమ్లా నాయక్ తాజాగా బ్రో వంద కోట్ల మ్యాజిక్ ఫిగర్ చేరుకున్నాయి. ఇదో అరుదైన రికార్డు.

అయితే బ్రో బ్రేక్ ఈవెన్ కావాలంటే ఈ వసూళ్లు సరిపోవు. వంద కోట్ల షేర్ వసూలు చేస్తే కానీ మూవీ నష్టాల నుండి బయటపడ్డట్లు. సోమవారం నుండి బ్రో వసూళ్లు నెమ్మదించాయి. తెలుగు రాష్ట్రాల్లో 4వ రోజు బ్రో కేవలం రూ. 2 కోట్ల షేర్ మాత్రమే సాధించింది. ఇక 5వ రోజు బ్రో వసూళ్లు మరింతగా తగ్గాయి. ఏపీ/తెలంగాణాల్లో బ్రో రూ. 1.60 నుండి 1.70 కోట్లు మాత్రమే రాబట్టినట్లు సమాచారం. ఇక వరల్డ్ వైడ్ చూసుకుంటే బ్రో రూ. 2 కోట్ల షేర్ వసూలు చేసింది.

6వ రోజు కూడా పరిస్థితి అలానే ఉంది. ఏపీ/తెలంగాణా రాష్ట్రాల్లో కలిపి బ్రో దాదాపు రూ. 1.20 కోట్ల షేర్ వసూలు చేసింది. ఇక వరల్డ్ వైడ్ చూసుకుంటే రూ.1.45 కోట్ల షేర్ రాబట్టినట్లు ట్రేడ్ వర్గాలు అంచనా వేశాయి. మొత్తంగా ఆరు రోజులకు వరల్డ్ వైడ్ రూ. 62 కోట్ల షేర్ వసూలు చేసింది.

పవన్ కళ్యాణ్ క్రేజ్ రీత్యా బ్రో భారీగా ప్రీ రిలీజ్ బిజినెస్ చేసింది. ఏరియా వైజ్ ప్రీ రిలీజ్ బిజినెస్ లెక్కలు చూస్తే… నైజాం రూ. 30 కోట్లు. ఆంధ్రా రూ. 37.30 కోట్లు. సీడెడ్ రూ. 13.3 కోట్లకు అమ్మారు. మొత్తంగా తెలుగు రాష్ట్రాల్లో బ్రో రూ. 80 నుండి 81 కోట్ల ప్రీ రిలీజ్ బిజినెస్ చేసింది. రెస్టాఫ్ ఇండియా, ఓవర్సీస్ కలుపుకుంటే రూ. 97 కోట్లకు పైగా వరల్డ్ వైడ్ బిజినెస్ జరిగింది.

వంద కోట్ల షేర్ వసూలు చేస్తే కానీ బ్రో హిట్ స్టేటస్ అందుకోదు. మరి పెద్ద చిత్రాల విడుదల లేని నేపథ్యంలో నెక్స్ట్ వీక్ ఎండ్ సత్తా చాటుతుందేమో చూడాలి. ఇక బ్రో వినోదాయసితం రీమేక్ గా తెరకెక్కింది. త్రివిక్రమ్ స్క్రీన్ ప్లే, మాటలు అందించారు. ప్రియా ప్రకాష్ వారియర్, కేతిక శర్మ హీరోయిన్స్ గా నటించారు. థమన్ సంగీతం అందించారు. పీపుల్స్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మించారు.