Akhanda: నందమూరి నటసింహం బాలకృష్ణ నటించినా “అఖండ” చిత్రం విడుదలైన అప్పటి నుండి బాక్సాఫీస్ వద్ద కనకపు వర్షం కురిపిస్తూనే ఉంది. డిసెంబర్ 2న విడుదలైన ఈ చిత్రం ప్రేక్షకుల్లో మంచి స్పందన అందుకుంది. బోయపాటి శ్రీనివాస్ – బాలయ్య కాంబినేషన్ లో హైట్రిక్ విజయం అందుకోవడంతో నందమూరి అభిమానులు సంబరాలు చేసుకుంటున్నారు. దీంతో బోయపాటి శ్రీను మళ్లీ ఫామ్లోకి వచ్చినట్లైంది. వినయ విధేయ రామ సినిమాతో డిజాస్టర్ అందుకున్న బోయపాటి.. చాలా గ్యాప్ తర్వాత భారీ విజయాన్ని దక్కించుకున్నారు. ఈ క్రమంలోనే తన కసిని మాస్ యాక్షన్గా మలిచి అఖండలో చూపించాడు. దీంతో స్టార్ హీరోలంతా ప్రస్తుతం బోయపాటివైపు చూడటం మొదలుపెట్టారు.
ఇప్పటికే బోయపాటి తర్వాత సినిమాలో పలు హీరోలు వరుస లిస్ట్లో ఉండగా.. ఇప్పుడు ఈ లైన్లో మెగాస్టార్ చిరంజీవి చేరిపోయారు. రామ్ చరణ్ – బోయపాటి కాంబోలో వచ్చిన వినయ విధేయ రామ స్క్రిప్ట్ చదివినప్పుడే ఆయనలోని మాస్ నాకు నచ్చిందని చిరు ఒకానొక సందర్భంలో చెప్పారు. ఈ క్రమంలోనే ఆయనతో కలిసి సినిమా తీయడానికి తానెప్పుడూ రెడీగా ఉన్నానని ఓపెన్ స్టేట్మెంట్ చెప్పేశారు.
ఇప్పుడు అఖండ సినిమా బంపర్ హిట్ అందుకోవడంతో మెగాస్టార్ బోయపాటితో సినిమా తీసేందుకు ఆసక్తిగా ఎదురుచూస్తున్నట్లు తెలుస్తోంది. వీరిద్దరి కలయికలో సినిమా కానీ కన్ఫర్మ్ అయితేే.. ఇక మరో ఊర మాస్ కాంబోకు రంగం సిద్ధమైనట్లే. మెగాస్టార్ హీరో మేనరిజం.. బోయపాటి మాస్ యాక్షన్ కలిస్తే ఇక ఇండస్ట్రీ షేక్ కాక తప్పదని అభిమానులు అంటున్నారు. మరి ఈ విషయంపై క్లారిటీ తెలియాలంటే అధికారిక ప్రకటన వచ్చేవరకు ఎదురుచూడాల్సిందే.
