Avinash
Bigg Boss Telugu 8 : అవినాష్ అంటే కేవలం ఎంటర్టైనర్, కమెడియన్ మాత్రమే కాదు, అతను ఒక గేమర్ అని ఈ సీజన్ లో తనని తాను నిరూపించుకున్నాడు. ఒక్కమాటలో చెప్పాలంటే అవినాష్ లేని బిగ్ బాస్ సీజన్ 8 ని అసలు ఊహించుకోలేము అన్నట్టుగా తయారైంది పరిస్థితి. ఎంటర్టైన్మెంట్ ని అందించడంలో కానీ, తోటి కంటెస్టెంట్స్ తో మెలిగిన తీరు కానీ, టాస్కులు ఆడే విధానంలో కానీ అవినాష్ ని మించిన తోపు ఈ సీజన్ లో ఎవ్వరూ లేరని నిరూపించుకున్నాడు. అయితే వైల్డ్ కార్డు ఎంట్రీ గా రావడంతో పాటు, అవినాష్ మిగిలిన కంటెస్టెంట్స్ లాగా ఆడియన్స్ తో ఎమోషనల్ బాండ్ ని ఏర్పాటు చేసుకోవడంలో విఫలం అవ్వడం వల్లే ఆయనకి ఓటింగ్ భారీ స్థాయిలో పడడంలేదు. అయితే తన వైపు నుండి ప్రతీ విషయంలోనూ నూటికి నూరు శాతం అందిస్తున్నాడు. ఈరోజు జరిగిన ‘టికెట్ టు ఫినాలే’ చివరి టాస్కులో అవినాష్ ఏకంగా అపజయం ఎరుగని నిఖిల్ ని మరోసారి ఓడించి సంచలనం సృష్టించాడు.
ఈ సీజన్ లో అవినాష్ ఎంట్రీ కి ముందు నిఖిల్ ఆడిన ప్రతీ టాస్కులో వంద శాతం స్ట్రైక్ రేట్ తో దూసుకుపోయాడు. కానీ ఎప్పుడైతే ఆయన అవినాష్ తో తలపడ్డాడో అప్పటి నుండి ఆయన స్ట్రైక్ రేట్ వంద శాతం నుండి 97 శాతానికి పడిపోయింది. మెగా చీఫ్ టాస్కులో హౌస్ మేట్స్ అందరికంటే ముందు ముడులు విప్పి మెగా చీఫ్ అయిన అవినాష్, నేడు అతి క్లిష్టమైన టాస్కులో నిఖిల్ తో తలపడి గెలిచి ఫినాలే కి టికెట్ గెలిచాడు. ఈ ఫినాలే టికెట్ పొందే అదృష్టం కూడా ఆయనకి తన స్నేహితురాలు శ్రీముఖి ద్వారా దక్కడంతో అవినాష్ ఆనందానికి హద్దులే లేకుండా పోయింది. అవినాష్ ఈ సీజన్ లో నిఖిల్ తర్వాత మరో అరుదైన రికార్డుని కూడా అందుకున్నాడు.
అదేమిటంటే మొదటి నాలుగు వారాలు, నాలుగు సార్లు మెగా చీఫ్ టాస్కులు గెలిచి హౌస్ కి నాలుగు సార్లు చీఫ్ అయిన కంటెస్టెంట్ గా నిఖిల్ నిలిచాడు. అవినాష్ కూడా ఏ కంటెస్టెంట్ అవ్వని విధంగా రెండు సార్లు మెగా చీఫ్ అయ్యి రికార్డుని నెలకొల్పాడు. ఈ రెండు టాస్కుల్లో కూడా ఆయన ఎవరి సపోర్టుని తీసుకోలేదు. కేవలం టాస్కులు ఆడి గెలుచుకున్నాడు. ఇది సాధారమైన విషయం కాదు. కమెడియన్స్ ని హౌస్ లోపల పృథ్వీ లాంటి వాళ్ళు ఎంత చిన్న చూపు చూసేవారో ప్రత్యేకించి చెప్పనవసరం లేదు. అలాంటి సమయంలో హౌస్ లో టాస్కులు బాగా ఆడే పృథ్వీ ని ఓడించి అతని ఈగో ని అణిచివేసింది రోహిణి. ఈ వారం కూడా నామినేషన్స్ లో అవినాష్ ని పృథ్వీ దారుణంగా అవమానిస్తాడు. ఇప్పుడు అతనికి కూడా అవినాష్ తన ఆట తీరుతో బలమైన సమాధానం చెప్పి మొట్టమొదటి ఫైనలిస్ట్ అయ్యాడు అవినాష్.
