Bigg Boss Telugu 8(132)
Bigg Boss Telugu 8: ఈ సీజన్ బిగ్ బాస్ హౌస్ లో టైటిల్ కొట్టేందుకు అన్ని విధాలుగా అర్హతలు ఉన్న ఇద్దరు ముగ్గురు కంటెస్టెంట్స్ లో ఒకరు గౌతమ్. సీజన్ 7 లో ఈయన ఆడిన ఆట తీరుకి కోట్లాది మంది అభిమానులు ఏర్పడ్డారు. బయటకు వెళ్లిన తర్వాత ఈయన పలు ఎంటర్టైన్మెంట్ షోస్ లో కనిపించాడు, అదే విధంగా ‘సోలో బాయ్’ అనే చిత్రంలో హీరోగా కూడా చేసాడు. అలా కెరీర్ ని సాగదీస్తున్న గౌతమ్ బిగ్ బాస్ సీజన్ 8 లోకి వైల్డ్ కార్డు ఎంట్రీ ద్వారా అడుగుపెట్టే అవకాశం వచ్చింది. సీజన్ 7 ప్రభావం కారణంగా గౌతమ్ మీద అంచనాలు ఆడియన్స్ లో భారీ గా ఉండేవి. ఆ అంచనాలకు తగ్గట్టుగా ఈయన గత వారం ఆడకపోవడం తో ఆయన అభిమానులు కాస్త నిరాశకు గురయ్యారు. కానీ ఈ వారం మాత్రం ఆయన ఎంతో దమ్ముగా టాస్కులు ఆడి మెగా చీఫ్ అయ్యాడు.
ఇదంతా బాగానే ఉంది, కానీ ఆయన ఒక్క యష్మీ విషయం లో భవిష్యత్తులో బలహీన పడే అవకాశాలు ఉన్నట్టుగా కనిపిస్తుంది. ఈమధ్య కాలంలో ఈయన యష్మీ వెంట పడుతున్నాడు. ఆమెతో పులిహోర కలపడమే కాకుండా, క్యూట్ గా బుజ్జగించడాలు, ఆట పట్టించడాలు వంటివి చేస్తున్నాడు. యష్మీ అతని ముందు ఇష్టం గా ఉన్నట్టుగానే నవ్వుతూ తీసుకుంటుంది కానీ, పృథ్వీ, విష్ణు ప్రియ ముందు నాకు అతను అలా చేయడం నచ్చట్లేదు, ఎవరైనా ఇష్టమైన వాళ్ళు అలా చేస్తే చాలా క్యూట్ గా ఉంటుంది, కానీ గౌతమ్ చేస్తే చాలా ఇబ్బందిగా ఉంటుంది అని చెప్పుకొచ్చింది. అన్ని విషయాల్లో బోల్డ్ గా ఉండే యష్మీ, గౌతమ్ కి అలా చేయడం నాకు నచ్చడం లేదు అని చెప్పేస్తే, అతను మళ్ళీ అలా పులిహోర కలిపే కార్యక్రమాలు చేయకుండా సైలెంట్ గా ఉంటాడు కదా అని సోషల్ మీడియా లో నెటిజెన్స్ అభిప్రాయపడుతున్నారు. హౌస్ లో ప్రస్తుతం పరిస్థితి ఎలా ఉందంటే, గౌతమ్ యష్మీ వెంట తిరుగుతుంటే, యష్మీ మాత్రం నిఖిల్ వెంట తిరుగుతుంది.
మొదటి నుండి నిఖిల్ అంటే చాలా ఇష్టం అంటూ చెప్పుకొచ్చిన ఈమె ప్రవర్తన ఇటీవల కాలం లో చూస్తుంటే, అతని పై ఫీలింగ్స్ ఉన్నట్టుగా సోషల్ మీడియా లో మాట్లాడుకుంటున్నారు. ఈ ట్రైయాంగులర్ లవ్ స్టోరీ చూస్తుంటే బిగ్ బాస్ సీజన్ 4 గుర్తుకు వస్తుంది. ఆ సీజన్ లో కూడా ఇంతే, అభిజిత్, మోనాల్, అఖిల్ మధ్య లవ్ ట్రాక్ నడిచింది. అదే ట్రాక్ ఈ సీజన్ లో కూడా కొనసాగుతుంది అనడంలో ఎలాంటి అతిశయోక్తి లేదు. అయితే యష్మీ తో మామూలుగా ఉండదు అనే విషయం అందరికీ తెలిసిందే, ఆమె మరీ ఇబ్బంది పడితే గౌతమ్ ని నామినేట్ చేసి నాకు ఇష్టం లేదు అని చెప్పినా చెప్తుంది. ఆ పరిస్థితి వరకు తెచ్చుకోకుండా యష్మీ కి దూరంగా ఉంటూ, గేమ్ మీద ఫోకస్ చేసి టైటిల్ కొట్టాల్సిందిగా ఆయన అభిమానులు సోషల్ మీడియా ద్వారా కోరుకుంటున్నారు.