Bigg Boss Telugu 8(249)
Bigg Boss Telugu 8: నిన్న బిగ్ బాస్ హౌస్ లో ‘టికెట్ టు ఫినాలే’ టాస్కులు నిర్వహించడానికి సీజన్ 4 కంటెస్టెంట్స్ అఖిల్, హారికలు వచ్చిన సంగతి అందరికీ తెలిసిందే. హౌస్ లో ఉన్న కంటెస్టెంట్స్ అందరితో చాలా తొందరగా కనెక్ట్ అయిపోయిన వీళ్లిద్దరు, ఆ తర్వాత టాస్కులు కూడా ఎలాంటి గొడవలు జరగకుండా నిర్వహించారు. వాస్తవానికి గొడవలు జరగాల్సింది, విష్ణు ప్రియ స్థానంలో ఎవరు ఉన్నా గొడవలు పడుతారు. ఆమె రెండు టాస్కులు కూడా చాలా బాగా ఆడింది. గౌతమ్, రోహిణి లతో పోలిస్తే కాస్త నిదానంగానే ఆడింది కానీ, టేస్టీ తేజ తో పోలిస్తే మాత్రం చాలా అద్భుతంగా ఆడింది. ‘లిమిట్ లెస్’ టాస్కులో ఈమె మూడవ స్థానంలో టాస్కుని పూర్తి చేస్తుంది. కానీ తేజ మాత్రం టాస్కుని ఫినిష్ చేయలేకపోతాడు. ఎంత కష్టపడి ఆడినా అదృష్టం కలిసి రావడం లేదు అన్నా అంటూ అవినాష్ తో తేజ బాధపడుతూ చెప్పడం మనమంతా గమనించే ఉంటాము.
తేజ కష్టపడి ఆడదానికి చాలా ప్రయత్నమే చేసాడు కానీ, విష్ణు ప్రియ అతనికంటే బాగా ఆడింది అనేది మాత్రం ఎవ్వరూ మార్చలేరు. ఇదంతా పక్కన పెడితే రెండవ టాస్కుని కూడా విష్ణు ప్రియ చాలా బాగా ఆడుతుంది. కానీ సంచాలక్స్ ఇవేమి గుర్తించలేదు. ఈ రెండు టాస్కులలో సరిగా ఆడని కంటెస్టెంట్ కి బ్లాక్ స్టార్ ఇచ్చి, ‘టికెట్ టు ఫినాలే’ టాస్కుల నుండి పూర్తిగా తప్పించాలని బిగ్ బాస్ అఖిల్, హారికలకు ఒక పవర్ ఇస్తాడు. ముందుగా వీళ్లిద్దరు తేజ పేరు పిలుస్తారు. తేజ ఎలాగో నేను బాగా ఆడలేదు కదా అనే ఉద్దేశ్యంతో ఆ బ్లాక్ స్టార్ ని తగిలించుకోడానికి ముందుకి వస్తాడు. కానీ అఖిల్ ‘మేము నీకు ఈ బ్లాక్ స్టార్ ఇవ్వడం లేదు..కంగారు పడకు..మేము దీనిని విష్ణు ప్రియ కి ఇస్తున్నాము’ అని అంటాడు. దీనికి తేజానే షాక్ కి గురి అవుతాడు.
పాపం విష్ణు ప్రియ అని ఈ సందర్భంలో చూసే ఆడియన్స్ మొత్తానికి అనిపించింది. అఖిల్, హారికలు కేవలం ఈ రెండు టాస్కులను బేస్ చేసుకొని విష్ణు ప్రియకి ఇవ్వలేదు. సీజన్ మొత్తం మీద వీళ్ళిద్దరిలో ఎవరు బాగా ఆడారు అనే విషయాన్ని బేస్ చేసుకొని ఇచ్చారు. టేస్టీ తేజ హౌస్ లో అడుగుపెట్టిన రోజు నుండి టాస్కులు తన నుండి నూటికి నూరు శాతం బెస్ట్ ఇచ్చాడు. అతనిలో ఆడాలి,గెలవాలి అనే తపన ఒక రేంజ్ లో ఉంది. కానీ విష్ణు ప్రియ లో ఆ ఫైర్ లేదు. ఈ పాయింట్స్ ని బేస్ చేసుకొనే అఖిల్, హరికలు విష్ణు ప్రియ కి ఆ బ్లాక్ స్టార్ ఇచ్చారు. ఈ వారం ఆడిన టాస్కులను చూసి నిర్ణయం తీసుకోవాలి కానీ, ఇంత చెత్త నిర్ణయం తీసుకున్నారేంటీ అని హౌస్ లో ఉన్న కంటెస్టెంట్స్ కూడా బాధపడ్డారు. నేనేమి తిరిగి మాట్లాడను, నవ్వుతూ సైలెంట్ గా ఉంటానని, నాలో ఎమోషన్స్ లేవు అనుకుంటున్నారు అంటూ విష్ణు ప్రియ కన్నీళ్లు పెట్టుకొని పృథ్వీ తో మాట్లాడడం చూసి అయ్యో పాపం అని అనిపించింది.
