Bigg Boss Manas
Bigg Boss Manas : మానస్ నాగులపల్లి 2023 నవంబర్ నెలలో వివాహం చేసుకున్నాడు. మానస్ భార్య పేరు శ్రీజ. కాగా శ్రీజ పండంటి బిడ్డకు జన్మనిచ్చింది. మానస్ కి కొడుకు పుట్టాడు. ఈ విషయాన్ని ఆయన సోషల్ మీడియా వేదికగా తెలియజేశాడు. దాంతో అభిమానులు, కుటుంబ సభ్యులు శుభాకాంక్షలు తెలియజేస్తున్నారు. పవన్ కళ్యాణ్ ఫ్యాన్ అయిన మానస్.. తన కొడుకు పేరును ధ్రువ అని పెట్టాడు. ధృవ రామ్ చరణ్ హిట్ మూవీ టైటిల్ కావడం విశేషం. ఈ న్యూస్ సోషల్ మీడియాలో వైరల్ అవుతుంది.
మానస్ చైల్డ్ ఆర్టిస్ట్ గా కెరీర్ స్టార్ట్ చేశాడు. అనంతరం హీరోగా ఎంట్రీ ఇచ్చి పలు చిత్రాల్లో నటించాడు. అయితే మానస్ కి బ్రేక్ రాలేదు. 2021లో ప్రసారమైన బిగ్ బాస్ సీజన్ 5 లో మానస్ కంటెస్ట్ చేశాడు. ఈ షో ఆయనకు పాపులారిటీ తెచ్చింది. స్ట్రాంగ్ కంటెస్టెంట్ గా మానస్ ఫైనల్ కి వెళ్ళాడు. టైటిల్ రేసులో నిలిచాడు. కానీ ఆయనకు నిరాశ ఎదురైంది. సీజన్ 5 విన్నర్ గా వీజే సన్నీ నిలిచాడు. షణ్ముఖ్ రన్నర్ అయ్యాడు.
ట్రాన్స్ జెండర్ ప్రియాంక మానస్ అంటే అత్యంత ప్రేమ కనబరిచింది. మానస్ కి ఆమె సేవలు చేసేది. ఆమెతో స్నేహం చేసిన మానస్ ఒక లైన్ మైంటైన్ చేశాడట. అనంతరం కార్తీకదీపం సీరియల్ లో హీరోగా చేశాడు. ప్రస్తుతం మానస్ బ్రహ్మముడి సీరియల్ చేస్తున్నాడు. స్టార్ మా లో ప్రసారమయ్యే ఈ సీరియల్ టాప్ రేటెడ్ షోగా ఉంది. అయితే రాత్రి నుండి మధ్యాహ్నం కి షిఫ్ట్ చేశారు. దాంతో టీఆర్పీ భారీగా పడిపోయింది. టాప్ టెన్ లో కూడా లేదని సమాచారం.
కాగా యూట్యూబ్ లో కొన్ని ఆల్బమ్స్ కూడా చేశాడు మానస్. యాంకర్ విష్ణుప్రియ తో కలిసి ఒక సాంగ్ చేశాడు. ఈ సాంగ్ లో గ్రేస్ఫుల్ స్టెప్స్ తో ఆకట్టుకున్నాడు. సిల్వర్ స్క్రీన్ కి దూరమైన మానస్ సీరియల్ నటుడిగా సెటిల్ అయ్యాడు. బుల్లితెరపై సందడి చేస్తున్నాడు.
