Pushpa: ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న తాజా చిత్రం పుష్ప. ఈ చిత్రం రెండు భాగాలుగా విడుదల కానున్న సంగతి అందరికీ తెలిసిందే. ఈ చిత్రం మొదటి పార్ట్ పుష్ప ది రైజ్ డిసెంబర్ 17 వ తేదీన ప్రపంచ వ్యాప్తంగా విడుదల కాబోతుంది. ఈ చిత్రం కి సంబంధించిన ప్రచార చిత్రాలు, వీడియో లు, పాటలు విడుదలై ప్రేక్షకులను అభిమానులను విశేషంగా ఆకట్టుకుంటున్నాయి.
ఇటీవలే ట్రైలర్ రిలీజ్ కాగా.. స్టన్నింగ్ విజువల్స్తో ప్రేక్షకుల్లో అంచనాలు మించిపోయాయి. కాగా, మరోవైపు సమంత డాన్స్ చేసిన ఊ అంటావా మావ పాట విడుదైలన కొన్ని గంటల్లోనే మిలియన్ల వ్యూస్తో దూసుకెళ్లిపోయింది. సౌత్ ఇండియా చరిత్రలోనే ఫాస్టెస్ట్ వ్యూస్ రాబట్టిన పాటగా రికార్డు నెలకొల్పింది. ముఖ్యంగా సమంత హాట్లుక్స్కు నెటిజన్లు ఫిదా అవుతున్నారు. తాజాగా, బిగ్బాస్తో మంచి పాపులారిటీ తెచ్చుకున్న ఆర్జీవీ బోల్డ్ బ్యూటీ అరియానా గ్లోరీ ఈ పాటకు తనదైన స్టైల్లో స్టెప్పులేసి అలరించింది. ఆ వీడియోను ఇన్స్టా వేదికగా పోస్ట్ చేసింది. ప్రస్తుతం ఈ వీడియో నెట్టింట వైరల్గా మారింది.
అల్లు అర్జున్- సుకుమార్ కాంబోలో వస్తోన్న మూడో సినిమా ఇది. ఇందులో రష్మిక హీరోయిన్గా నటిస్తుండగా.. సునీల్, అనసూయ కీలక పాత్రల్లో కనిపించనున్నారు. ఎర్రచందనం స్మగ్లింగ్ నేపథ్యంలో ఈ సినిమా తెరకెక్కింది. ఎన్నో అంచనాలు నెలకొల్పిన ఈ సినిమా డిసెంబరు 17న అలరించేందుకు సిద్ధమైంది.
