Bheemla nayak: పవర్ స్టార్ పవన్ కళ్యాణ్, దగ్గుబాటి రానా కలిసి నటిస్తున్న చిత్రం ‘భీమ్లా నాయక్’. సాగర్ కె చంద్ర దర్శకత్వంలో తెరకెక్కిస్తున్న ఈ సినిమాకి … తమన్ సంగీతం అందిస్తున్నారు. మలయాళంలో సూపర్ హిట్ గా నిలిచిన ‘అయ్యప్పనుమ్ కోశియుమ్’ సినిమాకి రీమేక్ గా ఈ మూవీని నిర్మిస్తున్నారు. సితార ఎంటర్ టైన్ మెంట్స్ పతాకంపై ఈ చిత్రాన్ని రూపొందిస్తున్నారు. ఇప్పటికే ఈ సినిమా నుంచి విడుదలైన పవన్ కళ్యాణ్, రానా క్యారెక్టర్ల ప్రోమోలు, పాటలకు అదిరిపోయే రెస్పాన్స్ వచ్చింది.
కాగా, ఈ సినిమా నాలుగో పాటను ఈరోజు ఉదయం 10 గంటలకు విడుదల చేయనున్నట్లు ఇటీవలే ప్రకటించారు. అయితే, మేకర్స్ ఆ రిలీజ్ను వాయిదా వేసినట్లు అధికారికంగా ప్రకటించారు. అడవి తల్లి మాట టైటిల్తో రాన్న ఈ పాటను కొన్ని కారణాల వల్ల వాయిదా వేస్తున్నట్లు తెలిపారు. అయితే, ఇలా వాయిదా వేయడానికి కారణం సిరివెన్నెల సీతారామ శాస్త్రి గారు మరణించడమే అని తెలుస్తోంది. ఇటువంటి సమయంలో ఎలాంటి అప్డేట్స్ ఇవ్వడం సరికాదని భావించి ఈ నిర్ణయం తీసుకన్నట్లు సమాచారం.
Due to unforeseen circumstances, #AdaviThalliMaata song will not be coming out tomorrow! #BheemlaNayak
— Sithara Entertainments (@SitharaEnts) November 30, 2021
ఈ సినిమాలో పవన్ కళ్యాణ్ సరసన నిత్యామీనన్ హీరోయిన్ గా నటిస్తుండగా… రానా సరసన సంయుక్త మీనన్ నటిస్తోంది. వచ్చే ఏడాది సంక్రాంతి కానుకగా జనవరి 12 న ఈ సినిమా థియేటర్లలో సందడి చేయనున్నట్లు ప్రకటించారు. కాగా, సిరివెన్నెల మృతితో యావత్ సినీ ఇండస్ట్రీకి తీరని శోకాన్ని మిగిల్చింది. ఆయన మృతి పట్ల పలువురు సినీ ప్రముఖులు దిగ్భ్రాంతి వ్యక్తం చేస్తున్నారు.
