Bellamkonda Sai Srinivas Engagement: టాలీవుడ్ లో ఇప్పుడు ఎక్కడ చూసినా పెళ్లి సందడే కనిపిస్తోంది. ఈ నేపథ్యం లో ప్రముఖ యంగ్ హీరో బెల్లంకొండ సాయి శ్రీనివాస్(Bellamkonda Srinivas) కూడా ఒక ఇంటి వాడు కాబోతున్నాడు. గత కొంతకాలంగా ఆయన కావ్య రెడ్డి అనే అమ్మాయితో ప్రేమాయణం నడుపుతున్నాడు. వీళ్లిద్దరు కలిసి హైదరాబాద్ లో తిరిగిన ఫోటోలు కూడా సోషల్ మీడియా లో బాగా వైరల్ అయ్యాయి. ఎవరీ అమ్మాయి ?, సినీ ఇండస్ట్రీ కి చెందిందా ?, లేదా బయట అమ్మాయా? అని చర్చించుకునేవారు నెటిజెన్స్. ఇక ఆ చర్చలకు తెరపడినట్టే. నిన్న హైదరాబాద్ లో బెల్లంకొండ సాయి శ్రీనివాస్, కావ్య రెడ్డి లకు గ్రాండ్ గ నిశ్చితార్థం జరిగింది. కుటుంబ సభ్యులు, బంధు మిత్రులు, సన్నిహితుల సమక్షంలో వీళ్లిద్దరి నిశ్చితార్థం జరిగింది. సినీ ఇండస్ట్రీ కి చెందిన వాళ్ళు చాలా తక్కువ మంది మాత్రమే ఈ నిశ్చితార్దానికి వచ్చారు.
Also Read: రాజమౌళి అల్లు అర్జున్ తో సినిమా చేయకపోవడానికి ఆ ఇద్దరు స్టార్ డైరెక్టర్స్ కారణమా..
బోయపాటి శ్రీను , సంయుక్త మీనన్ , మంచు మనోజ్, నారా రోహిత్ వంటి వారు ఈ నిశ్చితార్ధ కార్యక్రమానికి వచ్చినట్టు తెలుస్తోంది. అందుకు సంబంధించిన వీడియోలు, ఫోటోలు సోషల్ మీడియా లో బాగా వైరల్ అవుతున్నాయి. అయితే ఇంతకీ ఈ కావ్య రెడ్డి ఎవరూ ?, ఎక్కడి నుండి వచ్చిన అమ్మాయి ?, ఈమె బ్యాక్ గ్రౌండ్ ఏంటి వంటి వివరాలు ఒకసారి చూద్దాం. కచ్చితంగా ఈమె సినీ పరిశ్రమకు చెందిన అమ్మాయి కాదు, ఆమె తండ్రి హైదరాబాద్ సిటీ లోనే ఒక పెద్ద లాయర్, అదే విధంగా ఈమె తాత హై కోర్టు లో జడ్జీ గా కూడా పని చేసాడు. హైదరాబాద్ లోనే అత్యంత ధనికులలో వీళ్ళ కుటుంబం కూడా ఉంటుంది. వీళ్ళ మధ్య పరిచయం , స్నేహం , ప్రేమ ఎలా ఏర్పడింది అనే దానిపై ఎలాంటి స్పష్టమైన క్లారిటీ లేదు.
ఇక బెల్లంకొండ శ్రీనివాస్ కెరీర్ విషయానికి వస్తే, ఈయన నిర్మాత బెల్లంకొండ సురేష్ తనయుడిగా ఇండస్ట్రీ లోకి అడుగుపెట్టాడు. తొలిసినిమా ‘అల్లుడు శ్రీను ‘ కమర్షియల్ గా పెద్ద హిట్ అయ్యింది. ఆ తర్వాత ఈ హీరో చేసే సినిమాలు పర్వాలేదు అనిపించేలా ఆడాయి. అలా వెళ్తున్న శ్రీనివాస్ కెరీర్ లో బోయపాటి శ్రీను తో చేసిన ‘జయ జానకి నాయక ‘ చిత్రం ల్యాండ్ మార్క్ గా నిల్చింది. కానీ ఆ తర్వాత వరుసగా ఫ్లాప్స్ ని ఎదురుకోవాల్సి వచ్చింది. దీంతో కొంత కాలం గ్యాప్ తీసుకొని ‘భైరవం ‘చిత్రం తో మన ముందుకొచ్చాడు. ఈ సినిమా కమర్షియల్ గా యావరేజ్ రేంజ్ లో ఆడింది. కానీ ఆ తర్వాత విడుదలైన ‘కిష్కిందపురి’ చిత్రం మాత్రం కమర్షియల్ గా పెద్ద బ్లాక్ బస్టర్ హిట్ అయ్యింది. భవిష్యత్తులో కూడా మంచి జానర్ సినిమాలను ఎంచుకున్నాడు. ఇతని కెరీర్ ప్రస్తుతానికి మంచిగానే సాగిపోతుంది, పెళ్లి తర్వాత ఎలా ఉండబోతుందో చూడాలి.
