టాలీవుడ్ మన్మధుడు అక్కినేని నాగార్జున నటించిన “సోగ్గాడే చిన్ని నాయన” మూవీ 2016 లో విడుదలై మంచి విజయాన్ని సొంతం చేసుకుంది. అప్పటివరకు నాగార్జున హిట్స్ లేక ఇబ్బంది పడుతున్న సమయంలో డైరెక్టర్ కళ్యాణ్ కృష్ణ దర్శకత్వంలో రూపొందిన ఈ సినిమా కింగ్ కెరీర్ మీద ఏర్పడిన అనుమాలన్నిటిని పటాపంచలు చేసింది. ఈ సినిమాలో నాగ్ రెండు పాత్రల్లో నటించాడు. అందులో బంగార్రాజు పాత్రకు విపరీతమైన క్రేజ్ వచ్చింది.
Also Read: బ్రహ్మానందం పుట్టిన రోజు ప్రత్యేక స్టోరీ
ఆ ఊపులో సోగ్గాడే చిన్ని నాయన ప్రీక్వెల్గా ‘బంగార్రాజు’ అనే టైటిల్ తో సినిమాను తెరకెక్కిస్తామని మేకర్స్ ప్రకటించటం జరిగింది. స్టోరీ రెడీ అవటానికి టైం పడుతున్న కారణంగా ఈ గ్యాప్ లో కళ్యాణ్ కృష్ణ, నాగ చైతన్యతో “రారండోయ్ వేడుక చూద్దాం” సినిమా చేసి హిట్ సాధించాడు. ఆ తరువాత కథ ఓకే చేయించుకుని బంగార్రాజు స్టార్ట్ చేద్దామనుకున్నా బిగ్ బాస్ షో, వేరే సినిమాలు, మరికొన్ని కారణాల వలన ఇంతకాలం లేట్ అవుతూ వచ్చింది. ఇప్పుడన్నీ సెట్ కావటంతో ఈ మూవీని మొదలెట్టేందుకు సన్నాహాలు మొదలు పెట్టారని సమాచారం.
Also Read: రాజమౌళికి సీనియర్ల పట్ల గౌరవం లేదట !
ప్రస్తుతం అహిషోర్ సోలమన్ దర్శకత్వంలో ‘వైల్డ్ డాగ్’ అనే సినిమాను చేస్తున్నాడు నాగార్జున. ఇప్పటికే ఈ సినిమా షూటింగ్ పూర్తయింది. బంగార్రాజు సినిమా ఫిబ్రవరి రెండో వారం నుంచి చిత్రీకరణ మొదలు కానుందని ఫిలిం నగర్ నుండి వార్తలు వినిపిస్తున్నాయి. ఈ పార్ట్ లో కూడా నాగార్జున సరసన రమ్యకృష్ణ కొనసాగుతుందని, ఈ సినిమాను అక్టోబర్ నాటికి పూర్తి చేయాలని చిత్రబృందం ప్లాన్ చేస్తున్నారట. ఈ ఊహాగానాలకు తెరపడాలంటే మేకర్స్ నుండి అధికారక ప్రకటన రావాల్సిందే.
మరిన్ని సినిమా వార్తల కోసం టాలీవుడ్ న్యూస్
