హీరోయిన్ లావణ్య త్రిపాఠి అయోమయంలో కొట్టుమిట్టాడుతుందట. ఆమెకు ఓ స్టార్ హీరో సినిమాలో హీరోయిన్ గా అవకాశం వచ్చింది. చేయాలా వద్దా అని ఆమె ఏటు తేల్చుకోలేక తెగ ఇబ్బంది పడుతుందట. స్టార్ హీరో సినిమాలో ఛాన్స్ వస్తే.. ఎందుకు ఆమె ఇంతలా ఇబ్బంది పడుతుందంటే.. ఏమి చెబుతాం, ఆమెకు హీరోయిన్ గా ఛాన్స్ వచ్చింది నటసింహం బాలయ్య బాబు సినిమాలో. బాలయ్య బాబు పక్కన హీరోయిన్ గా చేసిన హీరోయిన్ల కెరీర్స్ ఏమైపోయాయో అనే విషయాలు లావణ్యకు కాస్త అవగాహన ఉంది. అందుకే ఏమి చెప్పాలో తెలియడం లేదు, నిజానికి లావణ్య ప్రస్తుతం ఉన్న పొజిషన్ కి, ఈ సినిమా మంచి ఆఫరే. కాకపోతే అక్కడ బాలయ్య బాబు హీరో. అందుకే ఇంతలా ఆలోచిస్తోంది.
Also Read: ఆ క్యారెక్టర్‌ ఆర్టిస్ట్‌ ప్లేస్‌లో ఉంటే రెండు వేల కోట్లు సంపాదించే వాడిని: నాగబాబు
ఎంత లేదు అన్నా.. టాలెంట్ అండ్ గ్లామర్ పరంగా ఒక స్టార్ హీరోయిన్ కి ఏ మాత్రం తీసిపోదు లావణ్య. కాకపోతే కెరీర్ మాత్రం ఆశించిన స్థాయిలో ఊపందుకోలేదు అనుకోండి. ఈ పరిస్థితుల్లో ఆమె ఈ సినిమా ఒప్పుకోక తప్పనిసరి. ఇక బాలయ్య బాబుకు కూడా హీరోయిన్ సమస్య గత కొన్ని సంవత్సరాలుగా చాలా సహజమైన విషయం అయిపోయింది. కొత్తవారి నుండి ఫేడ్ అవుట్ హీరోయిన్స్ వరకూ ఇప్పటికే బాలయ్య దర్శకులు అందర్నీ చూసేశారు. అయినా బోయపాటికి మాత్రం హీరోయిన్ దొరకలేదు. అందుకే హీరోయిన్ ను ఫిక్స్ చేయకుండానే ఫస్ట్ షెడ్యూల్ షూట్ చేసి.. అలాగే ఈ సినిమా టీజర్ ను కూడా రిలీజ్ చేసేశాడు. నిజానికి ఈ సినిమాతో కొత్త హీరోయిన్ ను పరిచయం చేయాలని బోయపాటి చాలా ప్లాన్ చేసుకున్నాడు. కాకపోతే ఆ కొత్త హీరోయిన్ కి తమిళ్ హీరో సినిమాలో ఛాన్స్ వచ్చే సరికి అటు వెళ్లిపోయిందట.
Also Read: నేటి నటిమణుల్లో ఈ నటి తీరు వేరు !
ఆ రకంగా ఇప్పుడు బాలయ్యకు హీరోయిన్ సమస్య మళ్లీ మొదటికి వచ్చేసరికి, ఇక లాభం లేదనుకున్నా బోయపాటి రీసెంట్ గా లావణ్య త్రిపాఠికి ఫోన్ చేసి మరీ హీరోయిన్ ఆఫర్ ను ప్రకటించాడు. కానీ, ఆ ఆఫర్ కు ఆమె నుండి మొదట సమాధానం లేదట. కానీ, తాజాగా సినీ వర్గాల సమాచారం ప్రకారం లావణ్య ఆల్ మోస్ట్ ఈ సినిమాలో నటించడానికే మొగ్గు చూపుతోందని.. ఈ మేరకు ఆమె బోయపాటికి ఒక ప్రపోజల్ కూడా పెట్టిందని.. బాలయ్య సినిమాలో నటిస్తా.. కానీ భవిష్యత్తులో మీరు చేసే సినిమాల్లో ఏదొక సినిమాలో నాకు హీరోయిన్ గా ఆఫర్ ఇవ్వాలని మొర పెట్టుకుందట. బోయపాటి కూడా వీలు అయితే తప్పకుండా చేద్దామంటూ అభయం ఇచ్చాడట. కాకపోతే ఆ వీలు అనేది సాధ్యం అయిద్దా.. డౌటే.