Akhanda: నందమూరి బాలకృష్ణ హీరోగా బోయపాటి దర్శకత్వంలో తెరకెక్కుతోన్న సినిమా అఖండ. ఇటీవలే షూటింగ్ పూర్తి చేసుకున్న ఈ సినిమా.. సెన్సార్ కూడా కంప్లీ చేసుకుని విడుదలకు సిద్ధమైంది. డిసెంబరు 2న ప్రపంచవ్యాప్తంగా గ్రాండ్ రిలీజ్కు రెడీ అవుతోంది. ఈ సినిమాకు సెన్సార్ బోర్డు యూఏ సర్టిఫికేట్ను ఇచ్చింది. కాగా, ప్రస్తుతం మిగిలున్న పోస్ట్ ప్రొడక్షన్ పనులను శరవేగంగా పూర్తి చేసుకుంటూ ముందుకు దూసుకెళ్లిపోతోంది చిత్రబృందం. ఇప్పటికే విడుదలైన ఈ సినిమా ట్రైలర్, పాటలు నెట్టింట్లో వైరల్గా మారాయి.
akhanda balakrishna
Also Read: డిసెంబర్ లో వరుస సినిమాలతో పోటీకి సై అంటున్న టాలీవుడ్ హీరోలు…
కాగా, ప్రమోషన్స్ లో భాగంగా ఈ సినిమా ప్రీరిలీజ్ ఈవెంట్ను నవంబరు 27న హైదరాబాద్లోని శిల్పకళావేదిలో నిర్వహించాలనుకున్నారు నిర్మాతలు. అయితే, ప్లాన్స్ అన్నీ రివర్స్ అయ్యాయట. తాజాగా, మీడియాతో ముచ్చటించిన సినిమా నిర్మాత రవీందర్ రెడ్డి.. ఈ విషంపై ఆసక్తికర వ్యాఖ్యలు చేశారు. అఖండ ప్రీరిలీజ్ ఈవెంట్ చాలా సింపుల్గా జరగనుందని అన్నారు.
మొదట గ్రాండ్గానే నిర్వహించాలని అనుకున్నప్పటికీ.. బాలయ్య చేతికి సర్జరీ కావడం వల్ల.. సింపూల్గా ఈవెంట్ను చేయాలని నిర్ణయించుకున్నట్లు స్పష్టం చేశారు. ఇటీవలే బాలయ్య చేతికి చిన్నపాటి సర్జరీ జరిగిన సంగతి తెలిసిందే. మరోవైపు, ఈ సినిమా ట్రైలర్తో మంచి హైప్ క్రియేట్ అయిన సంగతి తెలిసిందే. ఈ క్రమంలోనే అడ్వాన్స్ బుకింగ్స్ భారీగా పెరిగిపోయాయి. ఈ విషంపై సంతోషం వ్యక్తం చేశారు రవీందర్ రెడ్డి. ఆస్ట్రేలియాలో ఈ సినిమా ప్రీమియర్ షోలు కొన్ని నిమిషాల్లోని అమ్ముడుపోయాయని వెల్లడించారు.
Also Read: అఖండ ప్రీ రిలీజ్ వేడుకలో మార్పులు.. వాతావరణ మార్పులే కారణమా?