Balakrishna: నందమూరి బాలకృష్ణ హీరోగా బోయపాటి దర్శకత్వంలో తెరకెక్కుతోన్న సినిమా అఖండ. ఇటీవల విడుదలైన ట్రైలర్ని బట్టి.. ఈ సినిమాలో బాలయ్య ద్విపాత్రాభినయంతో కనిపించనున్నట్లు తెలుస్తోంది. ఇప్పటికే ఈ సినిమా పాటలు, వీడియోలు నెట్టింట వైరల్గా మారాయి. ఈ క్రమంలోనే సినిమాపై అంచనాలు వేరే లెవల్కు చేరుకున్నాయి. కాగా, బాలయ్య- బోయపాటి కాంబోలో ఇది మూడో సినిమా. గతంలో వీరిద్దరి కాంబినేషన్లో వచ్చిన సింహా, లెజెండ్ చిత్రాలు బాక్సాఫీసును ఓ ఊపు ఊపేశాయి. ఇది కనుక హిట్ అయితే, ఇద్దరు కలిసి హ్యాట్రిక్ కొట్టినట్లే.
కాగా, ఈ సినిమా తర్వాత క్రాక్ దర్శకుడు గోపిచంద్ మలినేనితో కలిసి ఓ సినిమా చేయనున్నారు. ఇటీవలే ఈ సినిమా పూజాకార్యక్రమాలు జరుపుకుని.. లాంచనంగా షూటింగ్ ప్రారంభించింది. త్వరలోనే పూర్తిస్థాయి షూటింగ్ ప్రారంభించనున్నారు. కాగా, ఇందులో శ్రుతిహాసన్ హీరోయిన్గా నటించనుంది. ఈ క్రమంలోనే బాలయ్య కోసం గోపిచంద్ అదిరిపోయే కథ సిద్ధం చేసినట్లు తెలుస్తోంది. కథ పరంగా ఎక్కవ భాగం అమెరికాలోనే షూట్ చేయనున్నట్లు సమాచారం. ఇందులో కూడా బాలయ్య డ్యుయల్ రోల్లో కనిపించనున్నారట.
దీంతో పాటు, ఎన్ఆర్ఐ అవతారం కూడా ఎత్తనున్నట్లు తెలుస్తోంది. గతంలో బాలయ్య ఈ సినమాలో పోలీస్గా కనిపించనున్నట్లు వార్తలు నిపించాయి. కాదు, ఫ్యాక్షనిస్ట్గా కనిపిస్తాడంటూ మరికొందరు చెవులు కొరికారు. అయితే, అసలు నిజం ఏంటని తెలియాలంటే అధికారిక ప్రకటన వచ్చే వరకు ఎదురు చూడాల్సిందే. ఈ సినిమా కోసం శ్రుతి హాసన్ భారీగా పారితోషకం పుచ్చుకున్నట్లు తెలుస్తోంది. మైత్రి మూవీ మేకర్స్ ఈ సినిమాను నిర్మిస్తుండగా.. తమన్ సంగీతం అందిస్తున్నారు.
