Nandhamuri Bala Krishna: నటసింహం నందమూరి బాలకృష్ణ ప్రస్తుతం ఫుల్ ఫామ్ లో ఉన్నారని చెప్పాలి. ఓ వైపు సినిమాలు మరో వైపు ఓటిటీ లో టాక్ షో చేస్తూ అభిమానులను అలరిస్తున్నారు. కాగా ” అన్‌స్టాప‌బుల్‌ “అంటూ తొలి ఎపిసోడ్ లో మంచు కుటుంబం తో సందడి చేశారు. అయితే మొదటి ఎపిసోడ్ లో మంచి క్రేజ్ దక్కించుకుంది ఈ టాక్ షో మళ్ళీ ఎప్పుడు స్క్రీనింగ్ అనుకునే లోపల సెకండ్ ఎపిసోడ్ లో నాచురల్ స్టార్ తో సరదాగా తనదైన శైలిలో దూసుకుపోయారు. బాలయ్య మోహన్ బాబు కుటుంబంతో కొంచెం సన్నిహితంగానే ఉంటాడు అనే విషయం తెలిసిందే. ఆ చొరవతో తొలి ఎపిసోడ్ లో కాస్త ఎక్కువ అడిగారు ఏమో అని… నానితో కూడా సరదాగా ముచ్చటించి, క్రికెట్ ఆడి నానితో అన్‌స్టాప‌బుల్‌ అనిపించారు.
అయితే ఈ ఎపిసోడ్ లో బాలకృష్ణ కాపాడిన ఓ ప్రాణాన్ని… నాని షో లో అందరి ముందుకు తీసుకొచ్చారు. ఆ చిన్నారిని చూసిన వెంటనే బాలకృష్ణ ఎమోషనల్ అయ్యారు. ఆమెను దగ్గరకు తీసుకుని ఆత్మీయంగా ముద్దాడారు. బాలకృష్ణ కాపాడిన ఆ ప్రాణం పేరు వినీలాంబిక. ఆ చిన్నారిది పదవర్లపూడి. ప్రస్తుతం ఆరో తరగతి చదువుతుంది. కాగా ఆ పాప జూన్ 2, 2011లో జన్మించగా… పుట్టిన రెండు నెలల తర్వాత ఆరోగ్య సమస్యలు ఉన్నాయని అన్నారు. ఆస్పత్రికి తీసుకువెళితే… కడుపులో ఓ గడ్డ ఉందని, క్యాన్సర్ అని తెలిసింది. ఎన్ని ఆస్పత్రులకు తీసుకువెళ్లినా చిన్నారికి చికిత్స అందించే ధైర్యం ఎవరూ చేయలేదని ఆమె తల్లి తెలిపారు.
#NBKUnstoppable episode with Natural Star Nani is funny and emotional. A little girl whose life was saved by Balayya garu appeared in the show. #Unstoppable #NBKonAha #Nani #NaturalStar @ahavideoIN pic.twitter.com/cenVpCKPt8
— Vamsi Kaka (@vamsikaka) November 13, 2021
ఆ తర్వాత విజయవాడ మాజీ ఎంపీ గద్దె రామ్మోహనరావు సాయంతో బసవతారకం ఆస్పత్రికి వెళ్లామని చెప్పారు. ఆరోగ్య శ్రీ రాకపోయిన బాలకృష్ణ గారు దగ్గరుండి పాపకు కీమో థెరపీ చేయించారని… ఈ రోజు మా పాప ఇంత హ్యాపీగా ఉందంటే బాలయ్య గారే కారణమని తెలిపారు. తిరుపతిలో వెంకన్న స్వామి కనపడరు కానీ బసవతారకంలో మీరు కనపడతార అని ఆ పాప తల్లి అన్నారు. “బసవతారకం ఆస్పత్రిని నేనెప్పుడు ఆస్పత్రి అనుకోనని ఒక దేవాలయంగా భావిస్తానని బాలకృష్ణ చెప్పుకొచ్చారు. నాని ఆ చిన్నారికి ఒక ల్యాప్ టాప్ బహుమతిగా ఇచ్చారు. ప్రస్తుతం ఈ వార్త సోషల్ మీడియా లో వైరల్ గా మారింది.
