Sekhar Kammula: తెలుగు సినిమా ఇండస్ట్రిలో డిఫరెంట్ టేస్ట్ ఉన్న దర్శకులలో శేఖర్ కమ్ముల ఒకరు. కెరీర్ మొదటి నుంచి కూడా ఆయన తను అనుకున్న పంథాలోనే సినిమాలను చేసుకుంటూ వెళుతున్నాడు. ప్రేక్షకులను తన దారిలోకి తీసుకొచ్చి సక్సెస్ లను సాధించడంలో ఆయన పూర్తిస్థాయిలో విజయాన్ని సాధించాడు. ఈ మధ్యకాలంలో చేస్తున్న సినిమాల విషయంలో ఇంకాస్త జాగ్రత్తలు తీసుకోవాల్సి ఉందని మరికొంతమంది కామెంట్లు చేస్తున్నారు…ఇక కెరియర్ స్టార్టింగ్ నుంచి కూడా శేఖర్ కమ్ముల కొత్త వాళ్లతోనో లేదంటే పెద్దగా ఇమేజ్ లేని హీరోలతో సినిమాలు చేస్తున్నాడు. మరి ఆయన స్టార్ హీరోలతో సినిమాలు చేసే అవకాశం ఎందుకు అందుకోలేకపోతున్నాడు అంటూ గతంలోనే కొన్ని వార్తలైతే వచ్చాయి.
మొదటి నుంచి కూడా స్టార్ హీరోలతో సినిమాలు చేయడానికి కథలను వినిపించాడు. కానీ స్టార్ హీరోలకు తనపై నమ్మకం లేకపోవడంతో వాళ్ళు అతనికి సినిమాలు చేసే అవకాశమైతే ఇవ్వడం లేదు. మొదటగా గోదావరి, ఫిదా లాంటి సినిమాలను మహేష్ బాబుతో చేయడానికి సన్నాహాలు చేసుకున్నాడు.
కానీ ఆయన మాత్రం తనకు డేట్స్ ఇవ్వలేదు. ఇక లీడర్ సినిమాని నాగార్జునతో చేయాలని అనుకున్నప్పటికి అప్పుడు నాగార్జున బిజీగా ఉండటం వల్ల అతనికి డేట్స్ ఇవ్వలేకపోయాడు. ఇక దానికి తోడుగా రీసెంట్ గా మరో రెండు మూడు కథలతో సీనియర్ హీరోలతో సినిమాలను చేయాలని అనుకున్నప్పటికి వాళ్లు పెద్దగా ఇంట్రెస్ట్ చూపించడం లేదట.
గత సంవత్సరం వచ్చిన ‘కుబేర’ సినిమాతో మంచి విజయాన్ని అందుకున్న ఆయన ఇప్పుడు మరోసారి తన సూపర్ హిట్ సినిమాల్లో ఒకటైన ‘హ్యాపీ డేస్’ కి సీక్వెల్ ను తీయాలనే ప్రయత్నంలో ఉన్నట్టుగా తెలుస్తుంది. మరి తను అనుకున్నట్టుగానే ఆ సినిమాతో మంచి విజయాన్ని అందుకొని ప్రేక్షకులందరిలో ఒక చెరగని ముద్ర వేసే ప్రయత్నం చేస్తున్నాడట. ఇక రాబోయే రోజుల్లో శేఖర్ కమ్ముల స్టార్ హీరోలతో సినిమాలు చేసే అవకాశం ఉందా లేదంటే కొత్త హీరోలతోనే సినిమాలను చేసి సూపర్ సక్సెస్ లను సాధిస్తాడా అనేది తెలియాల్సి ఉంది…
