Samantha: సమంత ఫుల్ జోష్ లో ఉంది. చేతి నిండా సినిమాలే. వ్యక్తిగత ఇబ్బందులకు ఫుల్ స్టాప్ చెప్పి.. కెరీర్ పై ఫోకస్ పెట్టింది. పుష్ప సినిమాలో స్పెషల్ సాంగ్ చేసిన దగ్గర నుంచి సామ్ కు చాన్స్ లు పెరిగాయి. పైగా బాలీవుడ్, హాలీవుడ్ లోనూ పాగా వేసేందుకు సామ్ బాగా ఉత్సాహంగా ఉంది. ఫ్యామిలీ మ్యాన్ 2 సిరీస్ తో పాన్ ఇండియా లెవల్లో గుర్తింపు తెచ్చుకుని.. ఇప్పుడు ప్రముఖ నిర్మాణ సంస్థ యష్ రాజ్ ఫిలిమ్స్ లో ఓ సినిమా చేయబోతుంది.
ఈ సినిమాకి సమంతకు భారీగానే రెమ్యునరేషన్ ఇవ్వబోతున్నారని తెలుస్తోంది. అలాగే సమంత మరో వెబ్ సిరీస్ లో కూడా నటించబోతుందట. అందుకు సంబంధించిన లుక్ కోసం జిమ్ లో తెగ కష్టపడిపోతుందని టాక్ నడుస్తోంది. సైలెంట్ గా బాలీవుడ్ లో ఎంట్రీకి ఇచ్చి అక్కడే కొన్నాళ్ళు ఉండిపోవాలని నిర్ణయించుకుంది. నిజానికి గతంలో సమంతకు కొన్ని బాలీవుడ్ ఆఫర్లు వచ్చాయి. కానీ అప్పుడు సమంత హిందీ చిత్రాల పై ఏ మాత్రం ఆసక్తి చూపించలేదు. కానీ ఇప్పుడు మాత్రం హిందీ సినిమాలే నా ప్రధాన టార్గెట్ అంటుంది.
Also Read: సంతాన సమస్యా.. ఐతే ఇది మీ కోసమే !
ఏది ఏమైనా ‘ది ఫ్యామిలీ మేన్ 2’ వల్ల సమంతకి బాలీవుడ్ లో కొంత క్రేజ్ వచ్చింది. మొత్తానికి సైడ్ పాత్రలు వచ్చినా సమంత హిందీ సినిమాలను వదులుకునేలా లేదు. ఎలాగూ బాలీవుడ్ మేకర్స్ కూడా ప్రస్తుతం దక్షిణాది తారల పైనే ఇంట్రెస్ట్ చూపిస్తున్నారు. షారుఖ్ ఖాన్ – అట్లీ కలయికలో రూపొందే సినిమాలో కూడా నయనతారనే హీరోయిన్ గా పెట్టుకున్నారు. అందుకే, సమంతకి ఛాన్స్ లు బాగా పెరిగాయి.
అన్నట్టు తమిళంలో నయనతార, విజయ్ సేతుపతి నటిస్తున్న సినిమాలో కూడా ఒక కీలక పాత్రలో సమంత కనిపించబోతుంది. ఈ సినిమా షూటింగ్ కూడా సమంత పూర్తీ చేసింది. అందుకే తన ఫుల్ ఫోకస్ బాలీవుడ్ పైనే పెట్టింది.
Also Read: టాలీవుడ్ కి దొరికిన మరో లక్కీ హీరోయిన్
[…] […]