సినిమా రంగంలో వరుస విజయాలు దక్కడం అంత ఈజీ కాదు అలాంటి తరుణం లో తెలుగులో ఇంతవరకు పరాజయం ఎరుగని దర్శకుల జాబితాలో అనిల్ రావిపూడి కూడా ఒకడు. అన్నివర్గాల ఆడియన్స్ ను దృష్టిలో పెట్టుకుని కథలను సిద్ధం చేసుకోవడంలో అనిల్ రావిపూడి .సిద్ధహస్తుడు. కామెడీకి ప్రాధాన్యతనిస్తూ నాన్ స్టాప్ గా నవ్వించడంలోను అందెవేసిన చేయి … గత ఏడాది సంక్రాంతికి ‘ఎఫ్ 2’ ప్రేక్షకుల ముందుకు వచ్చి మంచి విజయాన్ని సాధించింది. ఆ తరువాత ‘సరిలేరు నీకెవ్వరు’ ఈ ఏడాది సంక్రాంతి కానుకగా ప్రేక్షకుల ముందుకు వచ్చి సూపర్ సక్సెస్ అందుకొంది..
ఇలా రెండు చిత్రాలు సూపర్ హిట్ అయిన నేపథ్యంలో అనిల్ రావిపూడి తన తదుపరి సినిమాను వచ్చే ఏడాది సంక్రాంతి బరిలోకి దింపాలనే నిర్ణయానికి వచ్చినట్టు తెలుస్తోంది. వెంకటేష్ , వరుణ్ తేజ్ కాంబోలో వచ్చిన ‘ఎఫ్ 2’కి సీక్వెల్ గా ఆయన ‘ఎఫ్ 3’ సినిమా చేయబోతున్నాడు. లాక్ డౌన్ ఎత్తేయగానే ఈ సినిమా సెట్స్ పైకి వెళ్లేలా ప్లాన్ చేస్తున్నాడు . స్పీడ్ గా సినిమాలు తీసే అనిల్ రావిపూడి వచ్చే ఏడాది సంక్రాంతిని దృష్టిలో పెట్టుకుని ఎఫ్ త్రీ సినిమా షూటింగ్ ని కూడా స్పీడ్ గా ఫినిష్ చేయాలని ప్లాన్ చేస్తున్నాడట ..
