చిరంజీవి ఆత్మ కథకి శ్రీకారం

స్వయం కృషి తో మెగా స్టార్ గా ఎదిగిన చిరంజీవి జీవితం ఎందరికో ఆదర్శం. మరీ ముఖ్యంగా సినీ జగత్తులో తమ ఉనికిని బలంగా చాటుకోవాలనుకొనే నటులకు చిరంజీవి అనుభవాలు ఎంతో ఉపయోగ పడతాయనడం లో ఎటువంటి సందేహం అక్కర్లేదు. ఎన్ టి రామారావు , అక్కినేని నాగేశ్వర రావు, నటశేఖర కృష్ణ ,నటభూషణ శోభన్ బాబు వంటి నటులు తెలుగు తెరను ఏలుతున్న సమయంలో సినీ రంగ ప్రవేశం చేసిన చిరంజీవి తన ఉనికిని బలంగా చాటుకున్నాడు. తనకంటూ ప్రత్యేకమైన స్థానాన్ని సంపాదించుకున్న కథానాయకుడిగా, మెగా స్టార్ గా చిరంజీవి ఎదిగారడు .. చిన్న చిన్న పాత్రలతో మొదలైన నట ప్రయాణం, ఆయనను అగ్ర సింహాసనంపై కూర్చోబెట్టింది. నెంబర్ వన్ హీరోగా మార్చింది .

ఇప్పటికే చిరంజీవి నట జీవితం ఫై పలు పుస్తకాలు వచ్చాయి. పసుపులేటి రామారావు , వినాయక రావు వంటి మేటి జర్నలిస్టులు ఆయన చిత్ర జీవితాన్ని నవలీ కరించారు. అయితే ఆత్మకథ రాయాలని ఉందనే విషయాన్నిచిరంజీవి కొన్ని సందర్భాల్లో ప్రస్తావించారు. అయితే ఆయనకి అంత తీరిక లేకపోవడం వలన, ఆ ఆలోచన వాయిదాపడుతూ వచ్చింది. ఇపుడు లాక్ డౌన్ కారణంగా ఇంటిపట్టునే విశ్రాంతి తీసు కుంటున్న మెగా స్టార్ చిరంజీవి తన ఆత్మకథను గురించిన ఆలోచనను ఇపుడు ఆచరణలో పెట్టినట్టుగా తెలుస్తోంది . తన సినీ పయనం ఆరంభం నాటి విషయాలు, తొలినాళ్లలో ఎదురైన అనుభవాల లోని మంచి చెడులు , తదితర జ్ఞాపకాలను చిరంజీవి రికార్డు చేస్తున్నారట. త్వరలో ఈ సమాచారాన్ని ఒక రచయితకు ఇచ్చి, తన ఆత్మకథను పుస్తకరూపంలోతీసుకు రావాలి అని చిరంజీవి అనుకొంటున్నట్టు తెలుస్తోంది