మొదటి చూపు లోనే బన్నీ టాప్ లేపేసాడు

రోజు రోజుకి బన్నీ మరింత బలవంతుడవు తున్నాడు .ఫ్యాన్ ఫాలోయింగ్ విపరీతంగా పెంచు కొంటున్నాడు. రీసెంట్ గా వచ్చిన అల వైకుంఠపురములో’ చిత్రం తో అల్లు అర్జున్ క్రేజ్ ఆకాశాన్ని తాకింది. ఇపుడు అదే ఊపుతో బ్రిలియంట్ డైరెక్టర్ సుకుమార్ తో సినిమా మొదలెట్టాడు. ఆ క్రమంలో అల్లు అర్జున్ పుట్టినరోజు సందర్భంగా ఈ కొత్త చిత్రం యొక్క టైటిల్ ని కూడా ప్రకటించారు. కాగా ఈ చిత్రానికి ‘పుష్ప’ అనే టైటిల్ ఖరారు చేయడం జరిగింది. ఆ విషయాన్ని ఫస్ట్ లుక్ మరియు పోస్టర్ ద్వారా తెలియ చేశారు.

కాగా ఈ పోస్టర్లో అల్లు అర్జున్ ఊర మాస్ గెటప్ లో అందర్నీ ఆకట్టు కొన్నాడు. గుబురుగా, మాసిన గెడ్డం మీసాలతో ఉన్న బన్నీ లుక్ చాలా కొత్తగా ఉండి సినిమా ఫై ఆసక్తి పెంచేలా ఉంది.దరిమిలా ‘పుష్ప’ ఫస్ట్ లుక్ పోస్టర్ కి భారీ స్థాయిలో రెస్పాన్స్ వస్తోంది. ఇక దర్శకుడు సుకుమార్..తాను విడుదల చేసిన రెండో పోస్టర్లో మాత్రం గంధపు చెక్కలు స్మగ్లింగ్ చేస్తుండగా బన్నీ పట్టుబడినట్లు చూపించాడు. అంతేకాదు ఆ పోస్టర్ లో బన్నీ కాలికి ఆరు వేళ్లు ఉండడం హాట్ టాపిక్ అయ్యింది .

దీంతో ఆ పోస్టర్ సోషల్ మీడియాలో ఒక సరికొత్త రికార్డుని సొంతం చేసుకుంది. ఇప్పటివరకు టాలీవుడ్ లో రిలీజ్ అయిన సినిమాల ఫస్ట్ లుక్ పోస్టర్ల లో రికార్డు నమోదు చేసింది. ట్విట్టర్ లో 84.1 K లైక్స్ తో అత్యధిక లైక్స్ అందుకున్న పోస్టర్ గా ‘పుష్ప’ రికార్డుల కెక్కింది. దీంతో గతంలో ఎన్టీఆర్ ‘అరవింద సమేత.. వీరరాఘవ’ ఫస్ట్ లుక్ పోస్టర్ కి ఉన్న 70.20K లైక్స్ రికార్డ్ ని బన్నీ బ్రేక్ చేసినట్లయింది. మేథ్స్ మాస్టర్ సుకుమార్ తెరకెక్కిస్తున్న ఈ చిత్రాన్ని మైత్రీ మూవీస్, ముత్యంశెట్టి మీడియా సంయుక్తం గా నిర్మిస్తోంది ఇందులో బన్నీకి జోడీగా రష్మిక మందన్న నటిస్తుంటే , తమిళ నటుడు విజయ సేతుపతి కీలక పాత్రలో నటిస్తున్నాడు. వెరసి ” పుష్ప ” చిత్రం క్రేజీ మూమెంట్ ని సొంతం చేసుకొంది. .