Akhanda 2 Premiere Shows Cancelled: నందమూరి బాలకృష్ణ(Nandamuri Balakrishna), బోయపాటి శ్రీను(Boyapati Srinu) కాంబినేషన్ లో తెరకెక్కిన ‘అఖండ 2′(Akhanda 2 Movie) చిత్రానికి సంబంధించిన ప్రీమియర్ షోస్ ఆంధ్ర ప్రదేశ్ లో మరి కాసేపట్లో ప్రారంభం కానున్నాయి. ఆంధ్ర ప్రదేశ్ కి సంబంధించిన అడ్వాన్స్ బుకింగ్స్ కూడా బాగా జరిగాయి. ట్రేడ్ విశ్లేషకుల లెక్కల ప్రకారం ఈ చిత్రానికి కేవలం ఆంధ్ర ప్రదేశ్ మరియు కర్ణాటక ప్రాంతాలకు కలిపి 4 కోట్ల 50 లక్షల రూపాయలకు పైగా గ్రాస్ వసూళ్లు వచ్చాయి. అయితే ఇప్పుడు ప్రీమియర్ షోస్ మొత్తాన్ని రద్దు చేస్తున్నట్టు మేకర్స్ కాసేపటి క్రితమే అధికారిక ప్రకటన చేశారు. దీంతో నందమూరి అభిమానులు తీవ్రమైన నిరాశకు గురయ్యారు. అభిమానులు తెలంగాణ లో అడ్వాన్స్ బుకింగ్స్ కోసం ఎదురు చూస్తూ ఉన్నారు. టికెట్ రేట్స్ జీవో కూడా కాసేపటి క్రితమే వచ్చేసింది. కాసేపట్లో బుకింగ్స్ మొదలు అవుతాయని అనుకున్నారు. కానీ ఇంతలోపే ఈ వార్త రావడం ఊహించని షాక్ అనే అనుకోవాలి.
Also Read: అల్లు అర్జున్ ను ఇప్పటికైనా వదిలేయండి!
14 రీల్స్ ఈ సినిమా ప్రీమియర్స్ గురించి ట్వీట్ ఇస్తూ ‘నేడు రాత్రి ఇండియా వైడ్ గా షెడ్యూల్ చేయబడిన అఖండ 2 ప్రీమియర్ షోస్ ని కొన్ని టెక్నీకల్ కారణాల వల్ల రద్దు చేస్తున్నాము. అనుకున్న సమయానికి ప్రీమియర్ షోస్ మొదలయ్యేలా మా వంతు గట్టి ప్రయత్నాలు చేసాము. కానీ పరిస్థితులు మా చేతులు దాటిపోయాయి. ఆసవకార్యానికి చింతిస్తున్నాము’ అంటూ చెప్పుకొచ్చారు. అయితే ఈ సమస్యకు అసలు కారణం ఆర్ధిక లావాదేవీలే అని సోషల్ మీడియా లో ఒక రూమర్ వినిపిస్తోంది. వివరాల్లోకి వెళ్తే గతం లో 14 రీల్స్ మరియు EROS సంస్థ కలిసి సంయుక్తంగా సూపర్ స్టార్ మహేష్ బాబు తో 1 నేనొక్కడినే అనే చిత్రం చేసింది. ఈ సినిమా కమర్షియల్ గా పెద్ద డిజాస్టర్ ఫ్లాప్ అయ్యింది. ఆ కారణం చేత రెండు సంస్థల మధ్య కొన్ని ఫైనాన్షియల్ లావాదేవీలు ఒప్పందం ప్రకారం జరగలేదు. ఇప్పుడు EROS సంస్థ అవి న్యాయబద్దంగా జరిగే వరకు సినిమా విడుదల నిలిపేయాలని కోర్టు నుండి స్టే ఆర్డర్ తెచ్చుకుంది. ప్రస్తుతం రెండు సంస్థల మధ్య చర్చలు జరుగుతున్నాయి.
ఇకపోతే ఈ సినిమా పై నందమూరి అభిమానుల్లో భారీ ఆశలే ఉన్నాయి. కానీ సాధారణ ఆడియన్స్ లో మాత్రం ఈ చిత్రం పై ఎలాంటి అంచనాలు లేవు. అందుకే ఓపెనింగ్స్ అనుకున్నంత రేంజ్ లో వచ్చేలా అనిపించడం లేదు. మొదటి రోజు 80 కోట్ల రూపాయిల గ్రాస్ వసూళ్లు వస్తాయని అనుకుంటే, కనీసం 60 కోట్ల గ్రాస్ కూడా వచ్చేలా కనిపించడం లేదు. నార్త్ అమెరికా, ఓవర్సీస్ వంటి ప్రాంతాల్లో అయితే డాకు మహారాజ్ కంటే తక్కువ వసూళ్లు వచ్చాయి. తెలుగు రాష్ట్రాల్లో కూడా డాకు మహారాజ్ కంటే తక్కువ వచ్చేలా కనిపిస్తున్నాయి.
#Akhanda2 Premieres in India scheduled for today are cancelled due to technical issues.
We’ve tried our best, but a few things are beyond our control. Sorry for the inconvenience.
The overseas premieres will play as per the schedule today.
— 14 Reels Plus (@14ReelsPlus) December 4, 2025
