Vishnukanth Samyuktha Divorce: సినిమా నటుల పెళ్లిళ్లు ఎంతకాలం నిలిచి ఉంటాయో వారు కూడా చెప్పలేరు. కానీ ఇద్దరు నటుల పెళ్లి అనగానే సోషల్ మీడియా మొత్తం వారిపై ఫోకస్ పెడుతుంది. వారి మెహింది ఫంక్షన్ మొదలుకొని రిసెప్షన్ వరకు ఏం చేస్తున్నారన్న విషయం అప్డేట్ ఇస్తుంటారు. కోలీవుడ్ కు చెందిన ఇద్దరు టీవీ నటుల పెళ్లి కూడా అదే ఆడంబరంగా జరిగింది. ఇరువురికి లక్షల కొద్దీ అభిమానులు ఉండడంతో వీరి పెళ్లి వారి సమక్షంలో అత్యంత వైభవంగా జరిగింది. కలకలాం వర్దిల్లాలని తల్లిదండ్రులు, కుటుంబ సభ్యులతో పాటు అభిమానులు కోరుకున్నారు. కానీ పెళ్లయిన మూడు నెలలకే వీరి వివాహ బంధానికి బీటలు పడ్డాయి. అప్పటి వరకు తాము ప్రేమ పక్షులమని చెప్పిన వీరు బద్ధశత్రువులుగా మారి విడిపోయారు. ఇంతకీ ఆ ఆర్టిస్టులు ఎవరో తెలుసా?
కోలీవుడ్ ఇండస్ట్రీలో సంయుక్త- విష్ణుకాంత్ లు ఫేమస్ టీవీ యాక్టర్స్. ‘సిప్పినీల్ ముత్తు’ అనే సీరియల్ లో వీరిద్దరు కలిసి నటించారు. ఈ సీరియల్ సక్సెస్ కావడంతో రియల్ గా జీవిత బంధాన్ని ఏర్పరుచుకున్నారు. కొంతకాలం ప్రేమ పేరుతో చెట్టాపట్టాలేసుకొని తిరిగిన వీరు ఆ తరువాత పెద్దలను ఒప్పించి మార్చి 3న పెళ్లి చేసుకున్నారు. ఈ పెళ్లి సందర్భంగా మీడియాలో ఎక్కువ శాతం వీరి వార్తలే. ఇక సోషల్ మీడియాలో అభిమానుల కోలహాలం అంతా ఇంతా కాదు. ఇండస్ట్రీలోనే బ్యూటీఫుల్ కపుల్స్ అని పేర్కొన్నారు.
కానీ మూడు నెలలు గడిచాయో లేదో.. అంతలోనే వీరిద్దరు కలిసి సోషల్ మీడియాలో ఎవరికి వారు విడిపోతున్నట్లు అర్థం వచ్చేలా పోస్టులు పెట్టారు. ఇక సంయుక్త తన మాజీ ప్రేమికుడిని మరిపోవడం లేదంటూ, తనతో మాట్లాడిన ఆడియోను విష్ణుకాంత్ బయటపెట్టాడు. సంయుక్త తన మాజీ ప్రియుడు విజయ్ తోనే ఉండాలనుకుంటోందని, అందుకే విడాకులు తీసుకోవాలనుకుంటోందని పోస్టు పెట్టడంతో కలకలం రేపినట్లయింది.
సంయుక్త-విష్ణుకాంత్ తమ సోషల్ మీడియాలోని పెళ్లి ఫొటోలను డెలీట్ చేశారు. అయితే విష్ణు చెప్పేది తప్పా? ఒప్పా? అనేది తెలియాల్సి ఉందని కొందరు అభిమానులు కామెంట్లు పెడుతున్నారు. సంయుక్త మాత్రం ‘ఇది కొత్త జీవితానికి ఆరంభం. ఇక నుంచి నేను ధృఢంగా ముందుకు వెళ్తాను.. ’ అని మెసేజ్ పెట్టారు. ఇక మరో అభిమాని ‘సంయుక్త-విజయ్ ల గతంలో ‘నిరమతే నిలవే’ అనే వెబ్ సిరీస్ లో నటించారు. ఎన్నో ఇంటర్వ్యూల్లో తమ గురించి బాహాటంగా చెప్పారు. ఈ విషయం తెలిసినా.. విష్ణు కాంత్ ఇలాంటి ఆరోపణలు చేయడం కరెక్ట్ కాదు’ అని కామెంట్ పెట్టాడు.
