Actress Sana Khan
Actress Sana Khan: కొందరు నటీమణలు ఒకటి, రెండు సినిమాల్లో నటించి ఫేమస్ అవుతారు. ఆ తరువాత ఇండస్ట్రీలో లేకున్నా సోషల్ మీడియాలో కనిపిస్తూ ఆకట్టుకుంటారు. తమ పర్సనల్ విషయాలను ఆడియన్స్ తో షేర్ చేసుకుంటూ సరదాగా ఉంటారు. లేటేస్టుగా ఓ హీరోయిన్ తాను తల్లయిన విషయాన్ని ప్రేక్షకులతో పంచుకుంది. మీరందరూ నాపై చూపిస్తున్న ప్రేమకు ధన్యవాదాలు అంటూ ఆ విషయాన్ని సోషల్ మీడియాలో షేర్ చేయడంతో వైరల్ అవుతోంది. ఇంతకీ హీరోయిన్ అని అనుకుంటున్నారా?
సనా ఖాన్.. ఈమె పేరు పెద్దగా తెలియక పోవచ్చు. కానీ ఆమె నటించిన సినిమాల గురించి తెలిస్తే గుర్తుపడుతారు. కళ్యాణ్ రామ్ హీరోగా వచ్చిన ‘కత్తి’సినిమా అందరికీ గుర్తుండే ఉంటుంది. చెల్లెలు సెంటిమెంట్ తో నటించిన ఈమూవీ సక్సెస్ కాలేదు. కానీ ఇందులో నటించిన వారికి కాస్త గుర్తింపు వచ్చింది. 2005లో రిలీజ్ అయిన ఇందులో సనాఖాన్ హీరోయిన్ గా నటించింది. ఈ సినిమా అంతగా రాణించకపోవడంతో ఆమెను ఎవరూ పట్టించుకోలేదు. అయితే ఆ తరువాత మంచు మనోజ్ నటించిన ‘నూకయ్య’ సినిమాలో అవకాశం తెచ్చుకుందీ అమ్మాడు. ఇందులో మనోజ్ ను చీట్ చేసే పాత్రలో కనిపిస్తుంది.
ఆ తరువాత సనాఖాన్ కు పెద్దగా ఆఫర్లు రాలేదు. దీంతో ఇండస్ట్రీకి దూరంగా ఉంది. అయితే కొన్నాళ్ల పాటు సోషల్ మీడియాలో అలరించినా స్టార్ ఇమేజ్ రాలేదు. దీంతో ఆమె ఫ్యామిలీ లైఫ్ ను సెట్ చేసుకోవాలని అనుకున్నారు. ఇందులో భాగంగా మూడేళ్ల కిందట అనాస్ సయ్యద్ అనే వ్యక్తిని పెళ్లి చేసుకుంది. పెళ్లయిన తరువాత తన జీవితం ఎంతో అందంగా ఉందని సనాఖాన్ తెలుపుతోంది. ఇదే సమయంలో తనకు కుమారుడు పుట్టాడని తెలుపుతూ సంతోషాన్ని వ్యక్తం చేస్తోంది.
తన భర్తతో కలిసున్న సనాఖాన్ ఫొటోలు సోషల్ మీడియాలో వైరల్ అవుతున్నాయి. చాలా మంది అభిమానులు ఆమెకు శుభాకాంక్షలు తెలుపుతున్నారు. అయితే ప్రస్తుతం ఆమె ఇండస్ట్రీకి దూరంగా ఉన్నానని, ఇక ఎప్పటికీ సినిమాల్లో నటించనని సనాఖాన్ చెప్పారు. ఈ సందర్భంగా ఆమె నటించింది రెండు సినిమాలే అయినా ఆ సినిమాలతోనే సనాఖాన్ గుర్తింపు తెచ్చుకున్నారు.
