Suriya political entry: మన తెలుగు రాష్ట్రాల్లో సూపర్ స్టార్స్ కి పార్టీ పెట్టగానే సీఎం అయ్యేంత రేంజ్ ప్రస్తుతానికి ఎవరికీ లేదు. అప్పట్లో ఎన్టీఆర్ కి జరిగింది , ఆ తర్వాత చిరంజీవి కి కూడా జరుగుతుందని అంతా అనుకున్నారు కానీ అంచనాలు తప్పాయి. ఇక ఆ తర్వాత రాజకీయాల్లోకి ఎంట్రీ ఇచ్చిన పవన్ కళ్యాణ్ ప్రస్థానం మన కళ్లారా చూస్తూనే ఉన్నాం. ప్రస్తుతం ఆయన ఉప ముఖ్యమంత్రి హోదాలో ఉన్నారు. తెలుగు రాష్ట్రాల్లో లాగానే తమిళనాడు లో కూడా సినీ హీరోలకు ప్రస్తుతం రాజకీయాల్లోకి ఎంట్రీ ఇచ్చిన వెంటనే సీఎం అయ్యే రేంజ్ ఉండదేమో అని అంతా అనుకున్నారు. కానీ కట్ చేస్తే తలపతి విజయ్ TVK పార్టీ ని స్థాపించి ఎన్నికల్లో పోటీ చేసి మొదటి ప్రయోగం లోనే సీఎం అయిపోయారు. దీంతో తమిళనాట మరికొంత మంది హీరోలకు కూడా రాజకీయాల్లోకి ఎంట్రీ ఇచ్చే ఆశ కలిగిందని లేటెస్ట్ గా తమిళ మీడియాలో జోరుగా వినిపిస్తున్న మాట.
పూర్తి వివరాల్లోకి వెళ్తే తమిళ సినీ ఇండస్ట్రీ లో ఎన్నో విలక్షణమైన పాత్రలు పోషించి సెన్సేషనల్ బ్లాక్ బస్టర్స్ ని అందుకొని స్టార్ హీరో గా మంచి పేరు తెచ్చుకున్న సూర్య , రీసెంట్ గానే ‘కరుప్పు’ మూవీ తో భారీ కం బ్యాక్ ఇచ్చి 320 కోట్ల రూపాయలకు పైగా గ్రాస్ వసూళ్లను కొల్లగొట్టి సంచలనం సృష్టించారు. ఇప్పుడు విజయ్ కూడా సినిమాల్లో లేకపోవడం , అజిత్ కూడా సినిమాల సంఖ్య బాగా తగ్గించడం తో , తమిళనాడు లో ఏకైక నేటి తరం సూపర్ స్టార్ గా మిగిలిపోయారు సూర్య. ఈ గ్యాప్ ని పర్ఫెక్ట్ గా ఉపయోగించుకొని , విజయ్ లాగా మినిమం గ్యారంటీ డైరెక్టర్స్ తో సందేశాత్మక సినిమాలు చేసి, వరుసగా బ్లాక్ బస్టర్ హిట్స్ ని అందుకొని , ఆ ఫేమ్ తో రాజకీయాల్లోకి రావాలని సూర్య చూస్తున్నట్టు లేటెస్ట్ గా కోలీవుడ్ వర్గాల్లో వినిపిస్తున్న చర్చ.
దీనిపై నేషనల్ మీడియా కూడా రీసెంట్ గానే ప్రత్యేక కథనాలను ప్రసారం చేసింది. ఇప్పటికే సూర్య ‘అగారం ఫౌండేషన్’ ద్వారా ఎన్నో సేవా కార్యక్రమాలను కొన్నేళ్ల నుండి నిర్వహిస్తూ వస్తున్నారు. ఇదంతా రాజకీయాల్లోకి రావడానికి సూర్య ఏర్పాటు చేసుకున్న ఆయుధాలు అని , రాబోయే సార్వత్రిక ఎన్నికల్లో ఆయన కచ్చితంగా రాజకీయాల్లోకి ఎంట్రీ ఇస్తాడని అంటున్నారు. అయితే సూర్య తమిళనాడు టాప్ 4 స్టార్ హీరోస్ లో ఒకరే కానీ , ఆయనకు విజయ్ కి అజిత్ కి ఉన్నంత ఫ్యాన్ ఫాలోయింగ్ మాత్రం లేదు. అందుకే వరుసగా బ్లాక్ బస్టర్స్ ని కొట్టి , జెన్ జీ ఆడియన్స్ లో ఫ్యాన్ బేస్ ని పెంచుకొని రాజకీయాల్లోకి ఎంట్రీ ఇవ్వాలి అనేది ఆయన ప్లాన్, చూడాలి మరి ఎంత వరకు సక్సెస్ అవుతారు అనేది.
