Varunavi heart touching performance: రీసెంట్ గానే జీ తెలుగు ఛానల్ లో మొదలైన ‘ఆట'(Aata Dance Show) డ్యాన్స్ రియాలిటీ షోకి ఆడియన్స్ నుండి ఎలాంటి సెన్సేషనల్ రెస్పాన్స్ వస్తుందో ప్రత్యేకించి చెప్పనవసరం లేదు. గ్రాండ్ లాంచ్ ఎపిసోడ్ కి దాదాపుగా 4.89 TVR రేటింగ్స్ వచ్చాయట. ఇది సాధారణమైన విషయం కాదు. ఈ షో కి నిహారిక కొణిదెల నిర్మాతగా వ్యవహరిస్తున్న సంగతి తెలిసిందే. ఇప్పటికే ‘కమిటీ కుర్రాళ్ళు’ చిత్రం తో నిర్మాతగా భారీ బ్లాక్ బస్టర్ హిట్ ని అందుకున్న నిహారిక , ఇప్పుడు ఈ అతి పెద్ద డ్యాన్స్ షో తో మరోసారి నిర్మాతగా గ్రాండ్ సక్సెస్ ని చూసింది. ఈ షో లో పాల్గొనే కంటెస్టెంట్స్ కూడా అద్భుతంగా డ్యాన్స్ వీస్తుండడం తో అదే గ్రాండ్ లాంచ్ లో వచ్చిన రేటింగ్స్ , మామూలు ఎపిసోడ్స్ కి కూడా వస్తున్నాయి .
ముఖ్యంగా సుడిగాలి సుధీర్ హోస్టింగ్ ఈ షోకి అతి పెద్ద ప్లస్ పాయింట్ అని చెప్పొచ్చు. ఆయన మార్క్ వింటేజ్ కామెడీ టైమింగ్ తో ప్రేక్షకులను కడుపుబ్బా నవ్విస్తున్నాడు. అయితే గత వారం టెలికాస్ట్ అయిన ఎపిసోడ్స్ లో ‘డ్రామా జూనియర్స్’ లో మంచి క్రేజ్ ని సొంతం చేసుకున్న ఇరియా ని తీసుకొచ్చారు . ఈ చిన్నారి ఆ ఎపిసోడ్ లో చేసిన అల్లరి బాగా హైలైట్ అయ్యింది . ఇకపోతే ఈ వారం టెలికాస్ట్ అవ్వబోయే ఎపిసోడ్స్ లో ‘వరుణవి ‘ వచ్చింది. ఈ చిన్నారి కి బుల్లితెర ఆడియన్స్ లో మామూలు క్రేజ్ లేదు. పుట్టుక తోనే అంధురాలైన ఈ చిన్నారి మాట్లాడే ముద్దు ముద్దు మాటలు మనమంతా గత ఎంటర్టైన్మెంట్ షోస్ లో చూశాము . మెగాస్టార్ చిరంజీవి ని కూడా ఈ చిన్నారి కలిసి , ఆయనతో సరదాగా గడిపిన క్షణాలు ఎంత హైలైట్ గా మారిందో అందరికీ తెలిసిందే .
ఇప్పుడు ‘ఆట’ షోలో కూడా ఆమె అదే రేంజ్ లో సందడి చేసింది. షో లోకి అడుగుపెట్టగానే డ్యాన్స్ పెర్ఫార్మన్స్ ఇచ్చిన ఈ చిన్నారి , ఆ తర్వాత సుడిగాలి సుధీర్ మీద వేసిన పంచులు ఇప్పుడు సోషల్ మీడియా లో బాగా వైరల్ అయ్యాయి. వరుణవి రాగానే సుడిగాలి సుధీర్ మాట్లాడుతూ ‘ఎంత అందంగా ఉన్నావో తెలుసా , దిష్టి చుక్క పెట్టుకోవచ్చు కదా’ అని అంటాడు . అప్పుడు వరుణవి ‘సుధీర్ అంకుల్ ఉన్నాడు కదా’ అని అంటుంది. అప్పుడు సుధీర్ ‘అంటే నేను దిష్టి చుక్కనా ?’ అని అనగా , వరుణవి ‘అవును..కరెక్ట్ సమాధానం’ అని అంటుంది . అలా సుధీర్ మీద పంచులు వేసిన తర్వాత ‘ఫీల్ అయ్యుంటే క్షమించి మామా ‘ అని అంటుంది వరుణవి , అప్పుడు సుధీర్ ‘అయ్యో ఎందుకు అమ్మా..మేనకోడలు ఎక్కడైనా క్షమాపణలు చెప్తుందా ‘ అని అంటాడు. ఆ తర్వాత స్టేజి మీదకు వచ్చి సుధీర్ ఈ చిన్నారిని దగ్గరకు తీసుకొని ఆడించిన విధానం చూసే ప్రతీ ఒక్కరికి కంటతడి పెట్టించింది. ముఖ్యంగా ఆ షో లో టీం లీడ్స్ గా కొనసాగుతున్న సమీరా భరద్వాజ్ , విష్ణు ప్రియ వంటి వారు కంటతడి పెట్టుకున్నారు. సోషల్ మీడియా లో బాగా వైరల్ అయిన ఈ ప్రోమో వీడియో ని మీరు కూడా చూసేయండి.
