Aadarsa Kutumbam Movie: విక్టరీ వెంకటేష్ , త్రివిక్రమ్ కాంబినేషన్ లో తెరకెక్కిన ‘ఆదర్శ కుటుంబం’ చిత్రం ఎల్లుండి ప్రపంచవ్యాప్తంగా భారీ అంచనాల నడుమ విడుదల కాబోతుంది. ఎప్పుడో అక్టోబర్ 2 న విడుదల కావాల్సిన ఈ సినిమాని , అక్టోబర్ 9 కి వాయిదా వేశారు. అక్టోబర్ 9 ని టార్గెట్ గా చేసుకొని ప్రొమోషన్స్ కూడా భారీ రేంజ్ లో ప్రారంభించారు. కానీ పోస్ట్ ప్రొడక్షన్ వర్క్ పూర్తి కాకపోవడం తో అక్టోబర్ 30 కి వాయిదా వేశారు. ప్రొమోషన్స్ చాలా అగ్రెసివ్ గా ప్రారంభించిన మేకర్స్, నిన్న ఈ చిత్రానికి సంబంధించిన సెన్సార్ కార్యక్రమాలను కూడా పూర్తి చేయించారు. సెన్సార్ సభ్యులు ఈ చిత్రానికి ‘U/A’ సర్టిఫికెట్ ని జారీ చేశారు. కొన్ని అభ్యంతరకరమైన పదాలతో పాటు , ప్రముఖుల పేర్లు , ఇంటి పేర్లను మ్యూట్ చెయ్యాలని , కొన్ని హింసాత్మక సన్నివేశాల్లోని తీవ్రత బాగా తగ్గించాలని సూచించింది. సినిమా రన్ టైం 2 గంటల 29 నిమిషాలు ఉంటుందట.
ఇక ఈ చిత్రం గురించి సెన్సార్ సభ్యులు చెప్పిన టాక్ ఇప్పుడు సోషల్ మీడియా లో బాగా వైరల్ అయ్యింది. త్రివిక్రమ్ శ్రీనివాస్ సినిమాలు అంటేనే ఫ్యామిలీ తో కూర్చొని చూసేలా ఉంటాయి, కానీ ఈ సినిమాలో కొన్ని యాక్షన్ సన్నివేశాలను చూసిన తర్వాత, ఈ చిత్రానికి నిజంగా త్రివిక్రమ్ దర్శకత్వం వహించాడా?, లేదా యాక్షన్ సన్నివేశాల వరకు బోయపాటి శ్రీను దర్శకత్వం వహించాడా? అనే సందేహం వ్యక్తం అవుతుందట. త్రివిక్రమ్ మార్క్ ఫన్ , ఎమోషన్స్ , డైలాగ్స్ ఉంటాయి అట , అదే సమయం లో యాక్షన్ సన్నివేశాలు కూడా అదిరిపోతాయట. ఓవరాల్ గా అన్ని ఎమోషన్స్ పర్ఫెక్ట్ మిక్స్ తో ఈ చిత్రాన్ని తెరకెక్కించారని , చిన్న పిల్లల నుండి పెద్ద వాళ్ళ వరకు ప్రతీ ఒక్కరు ఈ చిత్రాన్ని చూస్తారని ,ఈమధ్య కాలం లో ఇలాంటి సినిమా రాలేదని అంటున్నారు.
గతం లో వెంకటేష్ హీరో గా నటించిన మల్లీశ్వరి , నువ్వు నాకు నచ్చావ్ వంటి సినిమాలకు త్రివిక్రమ్ శ్రీనివాస్ కథ, స్క్రీన్ ప్లే, డైలాగ్స్ అందించాడు. ఇప్పుడు మొట్టమొదటిసారి దర్శకత్వం వహిస్తున్నాడు. కాబట్టి ఆడియన్స్ అంచనాలు భారీ గా ఉంటాయి. ఆ అంచనాలకు ఏ మాత్రం తగ్గకుండా ఈ చిత్రాన్ని తీర్చి దిద్దాడట త్రివిక్రమ్. ‘అలా వైకుంఠపురంలో’ చిత్రం తర్వాత ఆయన తెరకెక్కించిన ‘గుంటూరు కారం’ చిత్రం కమర్షియల్ గా పెద్ద డిజాస్టర్ ఫ్లాప్ అయ్యింది. ఈ సినిమా తర్వాత త్రివిక్రమ్ తనని తానూ నిరూపించుకోవడానికి చాలా కసిగా ఈ చిత్రాన్ని తీసినట్టు అనిపిస్తోందని, సినిమాలోని ప్రతీ ఫ్రేమ్ లో తన మార్క్ కనిపిస్తుందని అంటున్నారు. ఇకపోతే ఈ సినిమాలో మెయిన్ హైలైట్స్ గా ప్రీ ఇంటర్వెల్ సన్నివేశం, సెకండ్ హాఫ్ లో రెండు మూడు సన్నివేశాలు , సత్య కామెడీ టైమింగ్ వంటివి ఈ చిత్రాన్ని మరో లెవెల్ కి తీసుకెళ్లాయని అంటున్నారు. దీనిపై మీ అభిప్రాయం ఏంటో కామెంట్ చేయండి , మరిన్ని లేటెస్ట్ అప్డేట్స్ కోసం మా ఛానల్ ని సబ్ స్క్రైబ్ చేసుకోండి.
