Degree Qualification Jobs: కేంద్రంలో అధికారంలో ఉన్న మోదీ సర్కార్ డిగ్రీ పాసైన వాళ్లకు అదిరిపోయే తీపికబురు అందించింది. స్వాతంత్ర అమృత్ మహోత్సవ్ కింద కేంద్రం ఎంఈఏ ఇంటర్న్షిప్ ప్రోగ్రామ్ కు సంబంధించిన ఫస్ట్ సెషన్ ను మొదలుపెట్టింది. ఉన్నతవిద్య చదవాలని భావించే వాళ్లకు ఈ ఇంటర్న్ షిప్ ప్రోగ్రామ్ ద్వారా ప్రయోజనం చేకూరనుంది. ఈ ఉద్యోగాలకు ఎంపికైన వాళ్లకు నెలకు 10,000 రూపాయలు స్టైఫండ్ గా లభించనుంది.
మొత్తం 75 ఖాళీలను ఈ ప్రోగ్రామ్ ద్వారా భర్తీ చేయనున్నారు. internship.mea.gov.in వెబ్ సైట్ ద్వారా అర్హత ఉన్న అభ్యర్థులు ఈ ఉద్యోగ ఖాళీలకు సంబంధించి దరఖాస్తు చేసే ఛాన్స్ అయితే ఉంటుందని చెప్పవచ్చు. 2022 సంవత్సరం ఫిబ్రవరి 15 ఉద్యోగాలకు దరఖాస్తు చేసుకోవడానికి చివరితేదీగా ఉండనుంది. ఎవరైతే ఈ ఉద్యోగ ఖాళీల కొరకు దరఖాస్తు చేసుకుంటారో వాళ్లకు ఇంటర్వ్యూ ద్వారా ఎంపిక ప్రక్రియ జరుగుతుంది.
Also Read: సొంత పార్టీలోనే అసమ్మతి కుంపట్లు ఎదుర్కొంటున్న జగన్
దరఖాస్తు చేసుకున్న అభ్యర్థులను షార్ట్ లిస్ట్ చేసి ఈ ఉద్యోగ ఖాళీలకు సంబంధించిన ఎంపిక ప్రక్రియను పూర్తి చేయడం జరుగుతుందని తెలుస్తోంది. ఇంటర్వ్యూ కొరకు అర్హత సాధించిన అభ్యర్థుల జాబితాను ఫిబ్రవరి నెల 18వ తేదీన ప్రకటిస్తారు. ఫిబ్రవరి 22 నుంచి 24వ తేదీ వరకు ఈ ఉద్యోగ ఖాళీలకు సంబంధించిన ఇంటర్వ్యూలు జరుగుతాయని సమాచారం అందుతోంది.
గ్రాడ్యుయేషన్ చేసిన అభ్యర్థులు ఈ ఉద్యోగ ఖాళీల కొరకు దరఖాస్తు చేసుకోవచ్చు. డిగ్రీ ఫైనల్ ఇయర్ చదువుతున్న అభ్యర్థులు కూడా ఈ ఉద్యోగ ఖాళీలకు అర్హులు. 2021 సంవత్సరం డిసెంబర్ 31వ తేదీనాటికి 25 సంవత్సరాల లోపు వయస్సు ఉన్న అభ్యర్థులు ఈ ఉద్యోగ ఖాళీలకు అర్హులు అవుతారు.
Also Read: సిరిసిల్లలో బోర్డు తిప్పేసిన ఫైనాన్స్ సంస్థ భాగోతం
