నిరుద్యోగులకు అలర్ట్.. విమానయాన శాఖలో లక్షల్లో జీతంతో ఉద్యోగాలు..?

గత కొన్ని రోజుల నుంచి నిరుద్యోగులకు ప్రయోజనం చేకూరేలా వరుస నోటిఫికేషన్లు వెలువడుతున్నాయి. తాజాగా దేశంలోని పౌర‌విమాన‌యాన మంత్రిత్వ‌శాఖ‌కు చెందిన పౌర ‌విమాన‌యాన డైరెక్టర్ జ‌న‌ర‌ల్ (డీజీసీఏ) 35 ఉద్యోగాల కోసం నోటిఫికేషన్ ను విడుదల చేసింది. కాంట్రాక్ట్ ప్రాతిపదికన ఈ ఉద్యోగాల భర్తీ జరగనుంది. ఆసక్తి ఉన్న అభ్యర్థులు https://dgca.gov.in/ వెబ్ సైట్ ద్వారా ఈ ఉద్యోగాల కోసం దరఖాస్తు చేసుకోవచ్చు.

ఆన్ లైన్ తో పాటు ఆఫ్ లైన్ లో కూడా దరఖాస్తు చేసుకునే అవకాశాన్ని డిజీసీఏ కల్పిస్తోంది. ఆసక్తి ఉన్న అభ్యర్థులు ఈ నెల 16వ తేదీలోగా ఉద్యోగాల కోసం దరఖాస్తు చేసుకోవాల్సి ఉంటుంది. ఇంటర్వ్యూ, డాక్యుమెంట్ వెరిఫికేషన్ ద్వారా ఈ ఉద్యోగాలకు ఎంపిక ప్రక్రియ జరుగుతుంది. ఫ్లయిట్‌ ఆప‌రేష‌న్స్ ఇన్‌స్పెక్ట‌ర్, సీనియ‌ర్ ఫ్లయిట్‌ ఆప‌రేష‌న్స్ ఇన్‌స్పెక్ట‌ర్‌, డిప్యూటీ చీఫ్ ఫ్లయిట్‌ ఆప‌రేష‌న్స్ ఇన్‌స్పెక్ట‌ర్ ‌, ఫ్లయిట్‌ ఆప‌రేష‌న్స్ ఇన్‌స్పెక్ట‌ర్ ఉద్యోగాలను డీజీసీఏ భర్తీ చేయనుంది.

టెక్నిక‌ల్ అర్హ‌త‌లు, అనుభ‌వం ఉన్న అభ్యర్థులు ఈ ఉద్యోగాల కోసం దరఖాస్తు చేసుకోవచ్చు. ఆఫ్ లైన్ లో దరఖాస్తు చేయాలనుకునే వాళ్లు నవంబర్‌ 20, 2020 లోపు దరఖాస్తు చేసుకోవచ్చు. సంబంధిత వెబ్ సైట్ ద్వారా ఈ ఉద్యోగాలకు సంబంధించిన పూర్తి వివరాలను తెలుసుకోవచ్చు. ఈ ఉద్యోగాలకు ఎంపికైన వాళ్లకు లక్షల రూపాయల వేతనం పొందే ఛాన్స్ ఉంటుంది.

ఇతర ఉద్యోగాలతో పోల్చి చూస్తే ఈ ఉద్యోగాలకు పోటీ తీవ్రంగానే ఉంటుంది. అందువల్ల ఎంతో కష్టపడితే తప్ప ఈ ఉద్యోగాలకు అర్హత సాధించడం సాధ్యం కాదు. అందువల్ల ఉద్యోగానికి దరఖాస్తు చేసుకునే అభ్యర్థులు టెక్నికల్ అంశాలపై పట్టు పెంచుకుంటే సులువుగా ఉద్యోగాలకు ఎంపికయ్యే అవకాశం ఉంటుంది.