BTech Branches: అత్యధిక జీతం ప్యాకేజీలు కలిగిన BTech బ్రాంచ్‌లు ఏవి? కోట్లలో ప్యాకేజీలు ఇక్కడే..

BTech Branches: విద్యార్థులు ఇప్పుడు చదివే చదువుల వల్ల రేపు వారి భవిష్యత్తు బాగుండాలి అనే అనుకుంటారు. ఎక్కువ జీతం ఉండే ఉద్యోగాల వేటలోనే చాలా మంది ఉంటారు. అందుకే ఎక్కువగా బీటెక్ వైపు వెళ్తుంటారు. మరి అందరూ లక్షల జీతాలు తీసుకుంటారా? అంటే అందరికీ అది కుదరకపోవచ్చు. ప్రతి విభాగంలో కూడా డిఫరెంట్ కోర్సులు ఉంటాయి. అర్తం కావడం లేదు కదా. మీరు బి.టెక్‌లో అడ్మిషన్ తీసుకోవాలి అనుకుంటున్నారా? ఏ ఇంజనీరింగ్ బ్రాంచ్‌లో ఉత్తమ ప్లేస్‌మెంట్ ప్యాకేజీ రికార్డ్ ఉందో తెలుసుకోవాలనుకుంటున్నారా? అయితే ఈ ఆర్టికల్ మీ కోసమే.

గత ఐదు సంవత్సరాలలో, ఇంజనీరింగ్‌లోని అనేక శాఖలలో అద్భుతమైన నియామకాలు జరిగాయి. కానీ కొన్ని ప్రత్యేక ఇంజనీరింగ్ శాఖలు అత్యధిక జీత ప్యాకేజీల పరంగా రికార్డులు సృష్టించాయి. గత ఐదు సంవత్సరాలలో బి.టెక్‌లోని ఏ బ్రాంచ్‌లకు అత్యధిక ప్లేస్‌మెంట్ ప్యాకేజీలు వచ్చాయి? దేశంలోని అత్యుత్తమ ఇంజనీరింగ్ కళాశాలలు ఏవో ఇప్పుడు మనం తెలుసుకుందాం. చదువు తర్వాత విద్యార్థులకు కోట్ల విలువైన ఆఫర్లు ఎక్కడి నుంచి వచ్చాయి. మీరు కూడా ఉన్నత నియామకాలు కలిగిన కళాశాల కోసం చూస్తున్నట్లయితే, ఖచ్చితంగా ఈ ఆర్టికల్ ను చదవండి.

1. కంప్యూటర్ సైన్స్ అండ్ ఇంజనీరింగ్ (CSE)
బి.టెక్ విద్యార్థులలో కంప్యూటర్ సైన్స్ అండ్ ఇంజనీరింగ్ (CSE) పట్ల విపరీతమైన క్రేజ్ ఉంది. ఐఐటీ బాంబే వంటి అగ్రశ్రేణి ఇంజనీరింగ్ కళాశాలల్లో కంప్యూటర్ సైన్స్ బ్రాంచ్‌కు కటాఫ్ చాలా ఎక్కువగా ఉంది.

అత్యధిక ప్యాకేజీ: ₹1.5–3.5 కోట్లు

ప్రధాన కంపెనీలు: గూగుల్, మైక్రోసాఫ్ట్, అమెజాన్

2. కృత్రిమ మేధస్సు అండ్ డేటా సైన్స్
అనేక ఇతర శాఖలతో పోలిస్తే ఆర్టిఫిషియల్ ఇంటెలిజెన్స్, డేటా సైన్స్ లు కొత్త ఇంజనీరింగ్ శాఖలుగా ఉన్నాయి. ఈ సమయంలో, డేటా సైన్స్, కృత్రిమ మేధస్సు ఆధారిత సాంకేతికత ఉద్భవిస్తున్నాయి. ఈ రంగం కొత్తది. వేగంగా అభివృద్ధి చెందుతోంది. అనేక IITలు B.Tech ఆర్టిఫిషియల్ ఇంటెలిజెన్స్, డేటా సైన్స్‌లను అందిస్తున్నాయి. ఆసక్తికరంగా, కంప్యూటర్ సైన్స్‌తో పోలిస్తే బి.టెక్‌లోని ఈ బ్రాంచ్‌లో ప్రవేశానికి కటాఫ్ తక్కువగా ఉంది. అంటే, అడ్మిషన్ కొంచెం సులభంగా పొందవచ్చు. కొత్త తరానికి ఇది అత్యంత హాటెస్ట్ కెరీర్.

అత్యధిక ప్యాకేజీ: రూ. 1–2 కోట్లు

ప్రధాన కంపెనీలు: గూగుల్, మెటా, ఓపెన్ఏఐ, మైక్రోసాఫ్ట్ మొదలైనవి

3. ఎలక్ట్రానిక్స్ అండ్ కమ్యూనికేషన్ ఇంజనీరింగ్ (ECE)
ఎలక్ట్రానిక్స్ అండ్ కమ్యూనికేషన్ ఇంజనీరింగ్ (ECE) పూర్తిగా కొత్త బ్రాంచ్ కాదు. ఇది 20వ శతాబ్దం మధ్యలో రేడియో, టెలివిజన్, టెలికమ్యూనికేషన్ల అభివృద్ధితో ప్రారంభమైంది. కానీ 5G, IoT, AI, మెషిన్ లెర్నింగ్, క్వాంటం కమ్యూనికేషన్ వంటి ఆధునిక సాంకేతికతలు దానిలో చేర్చారు. అందుకే దీనికి నిరంతరం డిమాండ్ ఉంటుంది. టెలికాం, సెమీకండక్టర్, ఎలక్ట్రానిక్స్ పరిశ్రమలలో ఈ శాఖ ECE ఇంజనీర్లకు భారీ డిమాండ్ ఉంది.

అత్యధిక ప్యాకేజీ: రూ. 70–80 లక్షలు

ప్రధాన కంపెనీలు: క్వాల్కమ్, ఇంటెల్

4. ఇన్ఫర్మేషన్ టెక్నాలజీ (IT)

20వ శతాబ్దం చివరలో కంప్యూటర్ విప్లవం, ఇంటర్నెట్ వ్యాప్తితో ఇన్ఫర్మేషన్ టెక్నాలజీ (IT) కూడా ప్రారంభమైంది. గత కొన్ని సంవత్సరాలుగా ఈ ఇంజనీరింగ్ బ్రాంచ్ కు డిమాండ్ వేగంగా పెరిగింది. ఈ బ్రాంచ్ ఎక్కువగా ఇంజనీరింగ్ కళాశాలల్లో బోధిస్తారు.

అత్యధిక ప్యాకేజీ: ₹60–70 లక్షలు

ప్రధాన కంపెనీలు: టాటా కన్సల్టెన్సీ సర్వీసెస్ (TCS), ఇన్ఫోసిస్, విప్రో, యాక్సెంచర్, గూగుల్, మైక్రోసాఫ్ట్, అమెజాన్, HCL మొదలైనవి.