Nissan Magnite Offer 2025: నిస్సాన్ మోటార్ ఇండియా పాపులర్ ఎస్యూవీ నిస్సాన్ మ్యాగ్నైట్ మీద ఏకంగా రూ.86,000 వరకు బెనిఫిట్స్ ఇస్తున్నట్లు ప్రకటించింది. నిస్సాన్ మాగ్నైట్ అమ్మకాలు 2 లక్షల యూనిట్ల మార్క్ దాటిన సందర్భంగా ఈ ఆఫర్ ఇస్తున్నారు. ఈ ఆఫర్ గురించి పూర్తి వివరాలు కావాలంటే, కస్టమర్లు నిస్సాన్ డీలర్షిప్లకు వెళ్ళాలి. ఈ మధ్యే నిస్సాన్ కంపెనీ భారత మార్కెట్లో మాగ్నైట్ సీఎన్జీ వెర్షన్ను కూడా లాంచ్ చేసింది. దీని ఎక్స్-షోరూమ్ ధర రూ.6.89 లక్షలుగా పెట్టారు. చాలా కంపెనీలు ఫ్యాక్టరీ నుంచే సీఎన్జీ కిట్ను ఇస్తాయి. కానీ నిస్సాన్ మాత్రం డీలర్ లెవెల్ రెట్రోఫిట్ పద్ధతిని ఎంచుకుంది. అంటే, కారు తయారైన తర్వాత కంపెనీ గుర్తించిన సెంటర్లలో సీఎన్జీ కిట్ను అమరుస్తారు. దీనివల్ల ధర చాలా తగ్గి, ఎక్కువ మైలేజ్ కావాలనుకునే వాళ్లకు ఇది మంచి ఆప్షన్గా మారింది.
Also Read: ఇండియాలో దొరికే చీపెస్ట్ ఆటోమేటిక్ కార్లు ఇవే.. ఫిచర్లు మాత్రం నెక్ట్స్ లెవల్
మాగ్నైట్లో వాడే సీఎన్జీ కిట్ను మోటోజెన్ అనే కంపెనీ డిజైన్ చేసి, తయారు చేసి, టెస్ట్ చేస్తుంది. ఇందులో 12 కిలోల సింగిల్ సిలిండర్ కిట్ ఉంటుంది. దీనికి మోటోజెన్ కంపెనీ వారంటీ ఇస్తుంది. కారుకు మాత్రం నిస్సాన్ కంపెనీ మూడు సంవత్సరాలు లేదా 1,00,000 కిలోమీటర్ల స్టాండర్డ్ వారంటీ ఇస్తుంది. భారత మార్కెట్లో నిస్సాన్ మ్యాగ్నైట్ సీఎన్జీకి మారుతి సుజుకి ఫ్రాంక్స్ సీఎన్జీ, టాటా పంచ్ సీఎన్జీ, హుండాయ్ ఎక్స్టర్ సీఎన్జీ లాంటి కార్లతో గట్టి పోటీ ఉంది. బడ్జెట్లో మంచి మైలేజ్ ఎస్యూవీ కావాలనుకుంటే ఇది మంచి ఆప్షన్ అవుతుంది.
Also Read: ఎన్సీఏపీ క్రాష్ టెస్టులో అత్యధిక సేఫ్టీ రేటింగ్ పొందిన ఎస్యూవీలు ఇవే
సీఎన్జీ కిట్ ధర రూ.75,000. ఇది మాగ్నైట్లో ఉన్న ఏ 1.0 లీటర్ పెట్రోల్ వెర్షన్కు అయినా అమర్చవచ్చు. మాగ్నైట్ పెట్రోల్ కారు ధర రూ.6.14 లక్షల నుంచి మొదలవుతుంది. సీఎన్జీ వెర్షన్ ధర రూ.6.89 లక్షల నుంచి మొదలవుతుంది. దీంతో ఇది మన దేశంలోనే చాలా తక్కువ ధరలో దొరికే సీఎన్జీ ఎస్యూవీలలో ఒకటిగా నిలిచింది. తక్కువ ధర కారే అయినా, మాగ్నైట్ సీఎన్జీలో మంచి ఫీచర్లు ఉన్నాయి. 8-అంగుళాల టచ్స్క్రీన్, వైర్లెస్ ఆండ్రాయిడ్ ఆటో, ఆపిల్ కార్ప్లే, 7-అంగుళాల డిజిటల్ మీటర్, పుష్ బటన్ స్టార్ట్/స్టాప్, యూఎస్బీ టైప్-సి పోర్ట్, ఆటోమేటిక్ ఏసీ లాంటివి ఉన్నాయి. సేఫ్టీ కోసం 6 ఎయిర్బ్యాగ్స్, వెహికల్ డైనమిక్ కంట్రోల్, ఎలక్ట్రానిక్ స్టెబిలిటీ కంట్రోల్, టైర్ ప్రెషర్ మానిటరింగ్ సిస్టమ్, ఏబీఎస్, ఈబీడీ, హిల్ స్టార్ట్ అసిస్ట్ లాంటి ఫీచర్లు కూడా ఉన్నాయి.
