Splendor Bike Theft: సకల కళల్లో చోర కళ కూడా ఒకటి. కాకపోతే ఇది అందరికీ సాధ్యం కాదు. కొంతమంది ఇందులో ఆరి తేరి ఉంటారు. తమ హ్యాండ్ పడితే అంతే చాలు ఉన్నది మొత్తం ఊడ్చేస్తారు. దర్జాగా వెళ్ళిపోతారు. కొందరైతే ఎటువంటి ఆధారాలు వదిలిపెట్టకుండా దర్జాగా దొంగతనాలు చేస్తూ.. ధూమ్ సినిమాలో హృతిక్ రోషన్ లాగా మాయమవుతుంటారు.
మనుషుల్లో రకాలు ఉన్నట్టే.. దొంగల్లో కూడా రకాలు ఉన్నారు. కొందరేమో విలువైన వస్తువులను దొంగతనం చేస్తారు. మరికొందరేమో డబ్బును మాత్రమే ఎత్తుకెళ్తారు. కానీ ఇతడు వారందరి కంటే భిన్నం. ఎందుకంటే ఇతడు చేసే దొంగతనాలు అటువంటివి మరి. చివరికి పోలీసులు ఇతడిని వెతికి మరీ పట్టుకున్నారు. అతడు చేసిన దొంగతనాలు చూసి ఆశ్చర్యపోయారు.
కర్ణాటక రాష్ట్రంలో బళ్లారి నగరంలో సిద్ధారెడ్డి అనే దొంగను ఇటీవల కాలంలో పోలీసులు పట్టు. ఇతడిని స్ప్లెండర్ సిద్ధారెడ్డి అని పిలుస్తుంటారు. అతడు చేస్తున్న దొంగతనాల ద్వారానే ఆ పేరు వచ్చింది. సిద్ధారెడ్డి ఆటోడ్రైవర్ గా పని చేస్తూ ఉంటాడు. ఇతడికి ద్విచక్ర వాహనాలంటే చాలా ఇష్టం. అందులోనూ స్ప్లెండర్ బైక్ లు అంటే మరింత ఇష్టం. ఆ మోడల్ బైకులు కనిపిస్తే చాలు వెంటనే ఇతడి చేతికి దురద పడుతుంది.
ఆ దురద పుట్టిన వెంటనే మరో మాటకు తావు లేకుండా స్పెండర్ బైక్ లను దొంగిలిస్తూ ఉంటాడు. ఆ తర్వాత వాటిని అమ్మేస్తూ ఉంటాడు. బళ్లారి.. విజయనగర.. చిత్రదుర్గ ప్రాంతాల్లో స్ప్లెండర్ బైక్లను ఇతడు దొంగతనం చేశాడు. సైడ్ లాక్ వేసినప్పటికీ వాటిని ఓపెన్ చేసి దొంగలించేవాడు. దొంగిలించిన బైక్లను దర్జాగా విక్రయించేవాడు. ఇతడిని పట్టుకున్న పోలీసులు దాదాపు 41 స్ప్లెండర్ ద్విచక్ర వాహనాలను స్వాధీనం చేసుకున్నారు. వాటి విలువ లక్షలలో ఉంటుందని పోలీసులు చెబుతున్నారు.
స్ప్లెండర్ బైక్ లు అంటే సిద్ధారెడ్డికి చాలా ఇష్టమని.. అందువల్లే అతడు ఈ స్థాయిలో దొంగతనాలు చేశాడని పోలీసులు చెబుతున్నారు. పగటిపూట ఆటో డ్రైవర్గా పనిచేస్తూ రెక్కీ నిర్వహించి.. ఆ తర్వాత స్ప్లెండర్ బైక్ లను అతడు దొంగతనం చేసేవాడు. కొన్ని సందర్భాలలో స్ప్లెండర్ బైక్లను తన ఆటోలో ఎక్కించుకొని వెళ్లిపోయేవాడు. చివరికి ఇతడి దొంగతనాలకు అడ్డుకట్ట వేస్తూ పోలీసులు అరెస్ట్ చేశారు. కటకటాల వెనక్కి పంపించారు.
