మహేశ్ బాబు నటిస్టున్న ‘సర్కారు వారి పాట’ సినిమా షూటింగ్ శనివారం ప్రారంభమైంది. మహేశ్ సతీమణి నమ్రతా శిరోద్కర్ కెమెరా స్విచ్ ఆన్ చేయగా కూతురు సితార ముహూర్తపు సన్నివేశానికి క్లాప్ కొట్టింది. పరుశురాం దర్శకత్వం వహిస్తున్న ఈ సినిమాను మైత్రీ మూవీ మేకర్స్ఎంటర్ టైన్ మెంట్, జీఎంబీ ఎంటర్టైన్మెంట్, 14 రీల్స్ కలిసి నిర్మిస్తున్నారు. ఈ సినిమాకు సంబంధించిన పోస్టర్లు ఇప్పటికే విడుదలవగా అభిమానులు,ప్రేక్షకుల నుంచి విశేష స్పందన లభించింది. దీంతో ఈ సినిమా ఎప్పడు మొదలవుతుందా..? అని అభిమానులు ఎదురుచూశారు. కరోనా తాకిడి లేకుంటే ఈ పాటికి సినిమా సగం షూటింగ్ జరుపుకునేది. శనివారం షూటింగ్ ప్రారంభం కావడంతో మహేశ్ అభిమానుల్లో ఉత్సాహం నెలకొంది.
