Vayve Eva solar recharge car: ప్రస్తుత కాలంలో ఎలక్ట్రిక్ కార్ల వినియోగం పెరిగిపోతుంది. దీంతో చాలా కంపెనీలు పెట్రోల్ కార్ల స్థానంలో వీటిని ఉత్పత్తి చేస్తున్నారు. అయితే ఇప్పటికే వినియోగదారులను ఆకర్షించడానికి భిన్నమైన కార్లను తీసుకువచ్చిన Tata Motors, Mahindra వంటి కంపెనీలకు దీటుగా Vayve Mobility నుంచి సరికొత్త కారును అందుబాటులోకి తీసుకొచ్చింది. ఇందులో విద్యుత్ బ్యాటరీ ఉన్నప్పటికీ.. సోలార్ ప్లేట్ల ద్వారా అదనపు విద్యుత్ ను పొందవచ్చు. దీంతో విద్యుత్ ఖర్చులు తగ్గే అవకాశం ఉంటుంది. అంతేకాక ఈ కారు బడ్జెట్లో అందుబాటులో ఉండడమే కాకుండా.. మైలేజ్ విషయంలో కూడా ప్రత్యేకంగా నిలుస్తుంది. నగరాల్లో ఉండే వారికి అనుకూలంగా ఉండే ఈ కారు గురించి పూర్తి వివరాల్లోకి వెళితే..
Vayve Mobility నుంచి మార్కెట్లోకి Vayve Eva అనే ఎలక్ట్రిక్ కారు ఆకర్షిస్తుంది. ఇది సాధారణ కార్ల కంటే భిన్నమైన ఆకృతిని కలిగి ఉండడంతో చాలామంది దీనిని చూసి ఆకర్షితులవుతున్నారు. అంతేకాకుండా నగరాల్లో ఉండే ప్రయాణికులు రోజువారి అవసరాల కోసం దీనిని కొనాలని చూస్తున్నారు. ఈ కారు ఎంట్రీ లెవెల్ వేరియంటు లో 9 కిలో వాట్ బ్యాటరీ ప్యాక్ ను అమర్చారు. ఈ బ్యాటరీ ని ఒక్కసారి చార్జింగ్ చేస్తే 125 కిలోమీటర్ల మైలేజ్ వచ్చే అవకాశం ఉంటుంది. అలాగే టాప్ వేరియంట్ వేగా కారులో 18 కిలో వాట్ బ్యాటరీని అమర్చారు. దీనిని ఒక్కసారి చార్జింగ్ చేస్తే 250 కిలోమీటర్ల మైలేజ్ అందిస్తుంది.
ఈ కారులో స్పెషల్ ఏంటంటే దీని టాప్ పై మొత్తం సోలార్ ప్యానెల్తో అమర్చబడి ఉంటుంది. ఇది సూర్యరశ్మితో బ్యాటరీ కి అదనపు విద్యుత్ ను అందిస్తుంది. దీంతో వినియోగదారులకు విద్యుత్ ఖర్చులు ఆదా అయ్యే అవకాశం ఉంటుంది. అంతేకాకుండా భారతదేశం లాంటి సూర్య రష్మి ఎక్కువగా ఉన్న ప్రాంతాల్లో ఈ కారు ఎంతో సౌలభ్యంగా ఉండే అవకాశం ఉంటుంది. ముగ్గురు ప్రయాణికులు సులభంగా వెళ్లగలిగే ఈ కారు గంటకు 70 కిలోమీటర్ల వేగంతో ప్రయాణిస్తుంది. అంతేకాకుండా ఇందులో ప్రత్యేకమైన ఇంటీరియర్ ఫీచర్లు ఉండడంతో డ్రైవర్లకు సౌకర్యవంతంగా ఉండే అవకాశం ఉంటుంది.
Vayve Eva కారు ప్రస్తుతం మార్కెట్లో రూ.3.99 లక్షల ప్రారంభ ధరతో కొనుగోలు చేయవచ్చు. అయితే ఇందులో టాప్ వేరియంట్ రూ.5.99 లక్షలతో. అయితే ఈ కారుకు డిమాండ్ ఉన్న కారణంగా ప్రస్తుతం బుకింగ్స్ ను ఆపేశారు. 2026 చివరినాటికి డెలివరీ చేసిన తర్వాత తిరిగి బుకింగ్స్ ఓపెన్ అయ్యే అవకాశం ఉంటుంది.
