Apple iPad Mini 7 : యాపిల్ కంపెనీ తాజాగా తనఐప్యాడ్ మినీ 7 విక్రయాలను భారత దేశంలో బుధవారం అంటే 23 అక్టోబర్ 2024 నుండి ప్రారంభించింది. ఈ నెల ప్రారంభంలో భారత్తో సహా 29 దేశాల్లో కంపెనీ ఈ సరికొత్త పరికరాన్ని విడుదల చేసింది. ఈ టాబ్లెట్ ఏ17 ప్రో చిప్సెట్ ద్వారా ఆధారితమైనది. ఐప్యాడ్ మినీ కంటే ఈ పరికరం 30శాతం వేగవంతమైన పనితీరును అందిస్తుందని కంపెనీ పేర్కొంది. ఈ సరికొత్త పరికరం ధర, లభ్యత, ఫీచర్ల గురించి తెలుసుకుందాం.
యాపిల్ ఐప్యాడ్ మినీ 7 ధర
సరికొత్త ఐప్యాడ్ మినీ 7 భారతదేశంలో రెండు మోడళ్లలో విడుదల చేయబడింది. దీని Wi-Fi వేరియంట్ ధర రూ. 49,900 నుండి మొదలవుతుంది. అలాగే సిమ్ వేరియంట్ ధర రూ. 64,900 నుండి ప్రారంభమవుతుంది. ఈ టాబ్లెట్లో వినియోగదారులు నాలుగు కలర్ ఆప్షన్లను పొందుతారు. వీటిలో నీలం, ఊదా, స్పేస్ గ్రే, స్టార్లైట్ ఉన్నాయి. వినియోగదారులు బుధవారం నుండి యాపిల్ అధికారిక వెబ్సైట్, ఇతర స్టోర్ల నుండి ఈ ప్యాడ్ని కొనుగోలు చేయవచ్చు.
యాపిల్ ఐప్యాడ్ మినీ 7 ఫీచర్లు
యాపిల్ ఐప్యాడ్ మినీ 7.. 8.3-అంగుళాల లిక్విడ్ రెటినా డిస్ప్లేను కలిగి ఉంది. దీని వెనుక 12 మెగాపిక్సెల్ వెనుక కెమెరా, 12 మెగాపిక్సెల్ సెల్ఫీ కెమెరాతో వస్తుంది. ఇది కాకుండా, పరికరంలో స్మార్ట్ HDR 4 ఫీచర్ కూడా ఉంది. పనితీరు పరంగా ఈ తాజా పరికరంలో సరికొత్త ప్రాసెసర్ A17 ప్రో చిప్ ఉంది. ఇది ఇంతకు ముందు ఐఫోన్ 15 ప్రోలో కనిపించింది. ఐప్యాడ్ మినీతో పోలిస్తే ఈ సరికొత్త టాబ్లెట్లో ఈ ప్రాసెసర్ 30శాతం వేగవంతమైన పనితీరును, 25శాతం మెరుగైన గ్రాఫిక్స్ పనితీరును ఇస్తుందని కంపెనీ తెలిపింది.
అంతేకాకుండా, ఈ టాబ్లెట్ యాపిల్ పెన్సిల్ ప్రోని కూడా సపోర్ట్ చేస్తుంది. ఈ పరికరం iPadOS 18లో రన్ అవుతుంది. దీని న్యూరల్ ఇంజిన్ ఇప్పుడు రెండు రెట్లు వేగంగా ఉంది. కొత్త మోడల్ USB టైప్-C పోర్ట్తో Wi-Fi 6కి మద్దతునిస్తుంది. డిస్ప్లే 500 నిట్స్ పీక్ బ్రైట్నెస్కు సపోర్ట్ చేస్తుంది. దీని వెనుక స్మార్ట్ HDR 4 సపోర్ట్తో 12-మెగాపిక్సెల్ కెమెరా 4K వీడియో రికార్డింగ్ను కూడా సపోర్ట్ చేస్తుంది.
Rocky is a Senior Content writer who has very good knowledge on Bussiness News and Telugu politics. He is a senior journalist with good command on writing articles with good narative.
Read MoreWeb Title: The ipad mini 7 was launched in india in two models its wi fi variant is priced at rs 49900
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com