Tesla India Market: రీసెంట్గా టెస్లా ముంబైలో తన మొదటి షోరూమ్ను ప్రారంభించింది… ఇది భారతీయ ఆటోమొబైల్ మార్కెట్లో చాలా ఆసక్తిని రేకెత్తించింది. ప్రపంచంలోనే అత్యంత వినూత్నమైన ఎలక్ట్రిక్ వాహన తయారీ సంస్థగా టెస్లాకు పేరుంది. అయితే, ప్రపంచంలోనే మూడో అతిపెద్ద ఆటోమొబైల్ మార్కెట్ అయిన భారతదేశంలో టెస్లా విజయం సాధించగలదా అనే ప్రశ్న చాలామందిలో ఉంది. ఇక్కడ టెస్లా ఎదుర్కొనే సవాళ్లు, అవకాశాలు, దాని భవిష్యత్తు గురించి వివరంగా తెలుసుకుందాం.
భారత మార్కెట్లో టెస్లా విజయానికి కొన్ని పెద్ద సవాళ్లు ఉన్నాయి. టెస్లా కార్లు చాలా ఖరీదైనవి. ముంబైలో ప్రారంభించిన మోడల్స్ కూడా మిలియన్లలో ధర పలుకుతున్నాయి. భారతీయ వినియోగదారులు సాధారణంగా తక్కువ ధర, ఎక్కువ మైలేజ్ ఇచ్చే కార్లను ఇష్టపడతారు. టెస్లా ప్రీమియం ధరలు చాలా మంది కొనుగోలుదారులకు అందుబాటులో ఉండవు.
అలాగే భారతదేశంలో ఎలక్ట్రిక్ వాహనాలకు ఛార్జింగ్ స్టేషన్ల నెట్వర్క్ ఇంకా పూర్తిస్థాయిలో అభివృద్ధి చెందలేదు. టెస్లా తన సొంత సూపర్ ఛార్జింగ్ నెట్వర్క్ను నిర్మించినప్పటికీ, దేశవ్యాప్తంగా అది విస్తరించడానికి చాలా సమయం పడుతుంది. ఇది టెస్లా కస్టమర్లకు లాంగ్ డ్రైవ్లలో ఆందోళన కలిగిస్తుంది. భారత మార్కెట్లో ఇప్పటికే టాటా మోటార్స్, ఎంజీ మోటార్, మహీంద్రా వంటి దేశీయ సంస్థలు, హ్యుందాయ్, కియా వంటి అంతర్జాతీయ సంస్థలు తక్కువ ధరలకే ఎలక్ట్రిక్ వాహనాలను అందిస్తున్నాయి. ఈ కంపెనీలు తమ ఉత్పత్తులను భారతీయ పరిస్థితులకు తగ్గట్లుగా రూపొందిస్తున్నాయి.
Also Read: Vinutha Case PS Report: ‘కోట వినూత’ విషయంలో పవన్ చేసిన పెద్ద తప్పు ఇదే
టెస్లా కార్ల సర్వీసింగ్, స్పేర్ పార్ట్స్ లభ్యత భారతదేశంలో ఇంకా పరిమితంగానే ఉంది. సర్వీస్ సెంటర్లు తక్కువగా ఉండడం వల్ల ఏదైనా సమస్య వస్తే కస్టమర్లకు ఇబ్బందులు తప్పవు. టెస్లా భారతదేశంలో ప్రపంచ వ్యాప్తంగా అత్యధికంగా అమ్ముడు పోతున్న మోడల్ వై కారును మార్కెట్లోకి రిలీజ్ చేసింది. దీని ధర రూ.60ల వరకు ఉంది. ఇది కేవలం ఎక్స్ షోరూం ధరలు మాత్రమే. ఆన్ రోడ్ ప్రైజ్ ఇంకా ఎక్కువగా ఉంటుంది. ఇంత ధర పెట్టి సామాన్యులు ఈ కారు కొనడం కల అనిచెప్పొచ్చు.
భారత మార్కెట్లో రూ.10లక్షల ధరలో టెస్లాలో ఉండే ఫీచర్లతో ఎలక్ట్రిక్ కార్లు లభిస్తున్నాయి. అంత తక్కువ ధరలో దొరుకుతున్నప్పుడు టెస్లా కారును భారతీయులు ఎందుకు కొనుగోలు చేస్తారనేది ప్రశ్న. ఇక బ్రాండ్ చూసి కొంటారా అంటే.. 50లక్షలకు పైగా ధర కలిగిన కార్లను ప్రతేడాది 50వేల కంటే ఎక్కువ అమ్ముడు పోవు. అలాంటిది ఇంత ధర పెట్టి ఏడాది ఎన్ని టెస్లా కార్లు అమ్ముడుపోతాయనేది పెద్ద ప్రశ్న.
సవాళ్లు ఉన్నప్పటికీ, టెస్లాకు భారతదేశంలో కొన్ని బలమైన అవకాశాలు కూడా ఉన్నాయి. టెస్లా ఒక ప్రీమియం, టెక్నాలజీ-లీడింగ్ బ్రాండ్గా ప్రపంచవ్యాప్తంగా గుర్తింపు పొందింది. ఈ బ్రాండ్ ఇమేజ్ ధనిక వర్గం, టెక్నాలజీ ప్రియులను ఆకర్షిస్తుంది. టెస్లా కార్లు అద్భుతమైన లగ్జరీ, పనితీరు, అత్యాధునిక ఫీచర్లతో వస్తాయి. ధనవంతులైన వినియోగదారులకు ఇది చాలా ఆకర్షణీయంగా ఉంటుంది.
భారతదేశం ఎలక్ట్రిక్ వాహనాలను ప్రోత్సహిస్తోంది. ప్రభుత్వం ఈవీ పాలసీలు, సబ్సిడీలు, ఛార్జింగ్ మౌలిక సదుపాయాల అభివృద్ధికి మద్దతు ఇస్తోంది. ఇది టెస్లాకు అనుకూలంగా మారవచ్చు. భారతదేశంలో ఎలక్ట్రిక్ వాహనాల మార్కెట్ వేగంగా వృద్ధి చెందుతోంది. పర్యావరణ స్పృహ పెరుగుతుండటం, పెట్రోల్ ధరల పెరుగుదల వంటి కారణాలతో ప్రజలు ఈవీల వైపు మొగ్గు చూపుతున్నారు.
Also Read: Genelia viral video: జెనీలియా కాళ్లకు మొక్కిన యంగ్ హీరో.. వీడియో వైరల్!
టెస్లా భారత మార్కెట్లో నిలబడాలంటే, అది తన వ్యూహాలను మార్చుకోవాలి. కేవలం దిగుమతి చేసుకున్న కార్లను అధిక ధరలకు అమ్మడం కాకుండా, స్థానికంగా తయారీ గురించి ఆలోచించాలి. భారతదేశంలో ఒక ఫ్యాక్టరీని ఏర్పాటు చేస్తే, అది ఉత్పత్తి ఖర్చులను తగ్గించి, కార్ల ధరలను తక్కువ స్థాయికి తీసుకురావడానికి సహాయపడుతుంది. అప్పుడే టెస్లా భారతీయ మధ్యతరగతి వినియోగదారులను కూడా లక్ష్యంగా చేసుకోగలదు. టెస్లా తక్కువ ధరల మోడల్స్ను భారతదేశంలో విడుదల చేస్తే, దాని అమ్మకాలు గణనీయంగా పెరగవచ్చు.
