Tata Nano: దేశంలో టాటా మోటార్స్ కార్లకు ఒక ప్రత్యేకమైన క్రేజ్ ఉంది. ఒకప్పుడు సంచలనం సృష్టించిన టాటా నానో గురించి ప్రత్యేకంగా చెప్పాల్సిన పనిలేదు. ఉత్పత్తి నిలిచిపోయినప్పటికీ పాత నానో మోడళ్లు ఇప్పటికీ రోడ్లమీద కనిపిస్తూనే ఉన్నాయి. తాజాగా, టాటా మోటార్స్ తమ ప్రసిద్ధ నానో కారును ఎలక్ట్రిక్ వెర్షన్లో మళ్లీ విడుదల చేయవచ్చనే ఊహాగానాలు జోరుగా వినిపిస్తున్నాయి. ఒకవేళ ఇది నిజమైతే, వినియోగదారుల నుంచి మంచి స్పందన లభించే అవకాశం ఉంది. అయితే, కంపెనీ ఇంకా అధికారికంగా ఎటువంటి లాంచ్ తేదీని వెల్లడించలేదు.
Also Read: బంగారు ఆభరణాలపై రుణం తీసుకుంటున్నారా?
టాటా నానో EV ఫీచర్లు (అంచనా)
టాటా నానో ఎలక్ట్రిక్లో 7-ఇంచుల టచ్స్క్రీన్ ఇన్ఫోటైన్మెంట్ సిస్టమ్ ఉండవచ్చని భావిస్తున్నారు. ఇది ఆండ్రాయిడ్ ఆటో, ఆపిల్ కార్ప్లేకు సపోర్ట్ ఇస్తుంది. బ్లూటూత్, ఇంటర్నెట్ కనెక్టివిటీతో కూడిన 6-స్పీకర్ల సౌండ్ సిస్టమ్ కూడా ఇందులో ఉండవచ్చు. సేఫ్టీ ఫీచర్ల విషయానికి వస్తే ABS తో కూడిన స్టీరింగ్, పవర్ విండోస్, యాంటీ-రోల్ బార్ వంటి ఫీచర్లు లభించవచ్చు. దీనితో పాటు రిమోట్ కంట్రోల్ ఫంక్షనాలిటీ, డెమో మోడ్ కూడా ఇందులో ఉండే అవకాశం ఉంది. కార్ రేంజ్, ఇతర ముఖ్యమైన సమాచారాన్ని చూపించే మల్టీ-ఇన్ఫర్మేషన్ డిస్ప్లే కూడా అందిస్తారు.
250 కిలోమీటర్ల వరకు రేంజ్ ఉండే అవకాశం
బ్యాటరీ, రేంజ్ విషయానికి వస్తే టాటా నానో ఎలక్ట్రిక్ ఒకసారి పూర్తిగా ఛార్జ్ చేస్తే దాదాపు 250 కిలోమీటర్ల దూరం ప్రయాణించగలదని భావిస్తున్నారు. ఇది నగర ప్రయాణాలకు, చిన్న రూట్లకు అనుకూలంగా ఉంటుంది. ధర విషయానికి వస్తే టాటా నానో ఎలక్ట్రిక్ ధర 5 నుండి 6 లక్షల రూపాయల మధ్య ఉండవచ్చని ఊహాగానాలు వినిపిస్తున్నాయి. ఈ బడ్జెట్-ఫ్రెండ్లీ ధర కారణంగా ఈ ఎలక్ట్రిక్ కారు కోసం చూస్తున్న వినియోగదారులకు ఈ కారు బాగా నచ్చే అవకాశం ఉంది.
సోషల్ మీడియాలో పుకార్లు
టాటా మోటార్స్ ఇప్పటివరకు టాటా నానో ఎలక్ట్రిక్ లాంచ్పై ఎటువంటి అధికారిక ప్రకటన చేయలేదు. సోషల్ మీడియాలో వస్తున్న పుకార్ల ఆధారంగా మాత్రమే ఈ సమాచారం బయటకు వచ్చింది. ఒకవేళ టాటా నానో ఎలక్ట్రిక్ లాంచ్ అయితే అది భారతీయ ఎలక్ట్రిక్ వాహన విభాగంలో ఒక పెద్ద మార్పును తీసుకువచ్చే అవకాశం ఉంది. కానీ ప్రస్తుతం అందరూ కంపెనీ నుంచి అధికారిక ధృవీకరణ కోసం ఎదురు చూస్తున్నారు.
Also Read: బేస్ మోడల్లోనూ టాప్ సేఫ్టీ.. మారుతి సంచలన నిర్ణయం!
