Suzuki : సుజుకి 2 వీలర్స్ తన అమ్మకాలను మరింత పెంచడానికి ఒక కీలక నిర్ణయం తీసుకుంది. కంపెనీ ఇప్పుడు ఫ్లిప్కార్ట్తో చేతులు కలిపింది. ఈ పార్టనర్ షిప్ కింద, వినియోగదారులు ఇప్పుడు ఫ్లిప్కార్ట్ ద్వారా సుజుకి పాపులర్ బైక్లు, స్కూటర్లను కొనుగోలు చేయవచ్చు. వినియోగదారులకు సౌలభ్యం అందించడానికి, దాని పరిధిని విస్తరించడానికి కంపెనీ ఈ నిర్ణయం తీసుకుంది. ఫ్లిప్కార్ట్లో అవెనిస్, వి-స్ట్రోమ్ SX, జిక్సర్, జిక్సర్ SF 250 మోడల్స్ అందుబాటులో ఉన్నాయి.
Also Read : ఒక్కసారి ఛార్జ్ చేస్తే 248కి.మీ.. లేటెస్ట్ ఫీచర్లతో ఓలా బైక్
సుజుకి విక్రయాలు పెరుగుదల
సుజుకి మోటార్సైకిల్ ఇండియా ఆర్థిక సంవత్సరం 2025లో దేశీయ, ఎగుమతి మార్కెట్లలో మొత్తం 12,56,161 ద్విచక్ర వాహనాల రికార్డు విక్రయాలను నమోదు చేసింది. ఇది ఆర్థిక సంవత్సరం 2024లో విక్రయించిన 11,33,902 యూనిట్ల కంటే 11 శాతం పెరుగుదలను సూచిస్తుంది. కంపెనీ 125cc స్కూటర్ మార్కెట్లో తన బలమైన స్థానాన్ని కొనసాగిస్తోంది, ఇందులో యాక్సెస్ మోడల్ ముఖ్యమైన పాత్ర పోషిస్తోంది.
నాలుగేళ్లలో రెట్టింపు విక్రయాలు
గత నాలుగు సంవత్సరాలలో సుజుకి అమ్మకాలలో గణనీయమైన వృద్ధి కనిపించింది. ఆర్థిక సంవత్సరం 2024లో కంపెనీ దేశీయ అమ్మకాలు 10,45,662 యూనిట్లకు చేరుకున్నాయి. ఇది గత ఆర్థిక సంవత్సరం 9,21,009 యూనిట్ల కంటే 14 శాతం ఎక్కువ. ఇదే కాలంలో కంపెనీ 2,10,499 యూనిట్లను ఎగుమతి చేసింది.
సుజుకి కొత్త స్కూటర్
సుజుకి తన అవెనిస్, బర్గ్మన్ సిరీస్ స్కూటర్లను OBD-2B ప్రమాణాలకు అనుగుణంగా అప్డేట్ చేసింది. దీనితో పాటు, యాక్సెస్తో సహా సుజుకి అన్ని స్కూటర్లు, V-స్ట్రోమ్, జిక్సర్ SF 250, జిక్సర్ 250, జిక్సర్ SF, జిక్సర్ వంటి మోటార్సైకిళ్లు కూడా OBD-2B ప్రమాణాలకు అనుగుణంగా అప్డేట్ చేయబడ్డాయి. సుజుకి అవెనిస్ ఎక్స్-షోరూమ్ ధర రూ. 93,200, కొత్త ప్రత్యేక ఎడిషన్ ధర రూ. 94,000.
సుజుకి అవెనిస్ ప్రత్యేకతలు
* 124.3cc తేలికైన ఆల్-అల్యూమినియం 4-స్ట్రోక్ సింగిల్-సిలిండర్ ఇంజన్
* 6,750 rpm వద్ద 8.5 bhp శక్తిని ఉత్పత్తి చేస్తుంది
* 5,500 rpm వద్ద 10 Nm గరిష్ట టార్క్ ఉత్పత్తి చేస్తుంది
* అధునాతన ఫ్యూయల్ ఇంజెక్షన్ సిస్టమ్తో సుజుకి ఎకో పెర్ఫార్మెన్స్ (SEP) టెక్నాలజీ
Also Read : డ్రైవింగ్ లైసెన్స్ ఉందా.. అయితే రూ.36వేలకే స్కూటర్
