Ola S1 portfolio : భారతదేశపు అతిపెద్ద ఎలక్ట్రిక్ వాహనాల కంపెనీ అయిన ఓలా ఎలక్ట్రిక్ తన స్కూటర్ పోర్ట్ఫోలియోను 5 స్కూటర్లకు (INR 90,000-1,50,000) విస్తరించింది. ఈ సరికొత్త S1 లైనప్ కు వినియోగదారుల నుండి అద్భుతమైన ప్రతిస్పందన లభిస్తుంది. ప్రారంభించిన రెండు వారాల్లోనే 75,000 కంటే ఎక్కువ బుకింగ్లను సాధించింది. ఓలా ప్రతినిధి మాట్లాడుతూ “మా కొత్త S1 లైనప్కి వచ్చిన స్పందనతో మేము సంతోషిస్తున్నాము. విద్యుదీకరణలో దేశ నాయకత్వానికి మద్దతు ఇవ్వడానికి మేము స్పష్టమైన దృష్టితో పని చేస్తున్నాం. S1 ప్రో, S1 X పోర్ట్ఫోలియో , మా ఇటీవల ప్రారంభించిన S1 ఎయిర్తో ఇకపై ఇంధనంతో నడిచే వాహనాల్ని కొనుగోలు చేయడానికి ఎటువంటి కారణం లేదు” అని తెలిపారు.
ఆకట్టుకునే TCO (టోటల్ కాస్ట్ అఫ్ ఓనెర్షిప్)
ఇటీవలే లాంచ్ చేయబడిన S1Xతో వినియోగదారులు ICE స్కూటర్తో పోలిస్తే నెలవారీ INR 2,600 మరియు సంవత్సరానికి ~INR 30,000 ఖర్చులలో ఆదా చేయవచ్చు. ఈ పొదుపులతో, వినియోగదారులు తమ స్కూటర్ ధరను కేవలం మూడేళ్లలో తిరిగి పొందవచ్చు. అదేవిధంగా, S1 ఎయిర్ వినియోగదారులు సంవత్సరానికి గరిష్టంగా INR 23,000 (INR 1,900/నెలకు) ఆదా చేయవచ్చు, అలాగే S1 Pro కస్టమర్లు సంవత్సరానికి INR 13,000 (INR 1,100/నెలకు) ఆదా చేయవచ్చు.
*TCO లెక్కలు సగటు రోజువారీ ప్రయాణం 30 కి.మీ.ల ఆధారంగా ఉంటాయి.
ICE-కిల్లర్ S1X స్వాతంత్య్ర దినోత్సవం రోజున తన ఫ్లాగ్షిప్ వార్షిక లాంచ్ డేలో భాగంగా ఓలా ఎలక్ట్రిక్ తన ICE-కిల్లర్ స్కూటర్ S1Xని అన్ని రకాల వినియోగదారుల అవసరాలకు అనుగుణంగా S1 X+, S1 X (2kWh), S1 X (3kWh) వంటి మూడు వేరియంట్లలో పరిచయం చేసింది. S1 X+ (3kWh) , S1 X (3kWh) రెండూ శక్తివంతమైన 6kW మోటార్, 3kWh బ్యాటరీ, 151 కిమీ పరిధి, 90 km/h గరిష్ట వేగంతో రానున్నాయి. S1 X (2kWh) కూడా శక్తివంతమైన 6kW మోటార్తో వస్తుంది. 91 కిమీ పరిధి, 85 km/h గరిష్ట వేగాన్ని కలిగి ఉంటుంది.
S1 X+ రూ.109,999కి కొనుగోలు చేయడానికి అందుబాటులో ఉంది. డెలివరీలు వచ్చే నెలలో ప్రారంభమవుతాయి. S1 X (3kWh) , S1 X (2kWh) యొక్క ప్రీ-రిజర్వేషన్ విండో రూ. 999 తో ప్రస్తుతం కొనసాగుతుండగా వాటి డెలివరీలు డిసెంబర్లో ప్రారంభం అవుతాయి. S1 X (3kWh), S1 X (2kWh) స్కూటర్లు ఆకర్షణీయమైన రూ. 99,999 మరియు రూ. 89,999 వద్ద అందుబాటులో ఉన్నాయి.
S1 ప్రో
ఓలా ఎలక్ట్రిక్ తన సెకండ్ జనరేషన్ S1 ప్రోను కొత్త , మరింత సమీకృత ప్లాట్ఫారమ్లో కూడా ప్రదర్శించింది. INR 1,47,499 ధరతో Gen-2 S1 Pro ఇప్పుడు ట్విన్-ఫోర్క్ టెలిస్కోపిక్ ఫ్రంట్ సస్పెన్షన్ మరియు ఫ్లాట్ ఫ్లోర్బోర్డ్తో పాటు మెరుగైన 195 కి.మీ పరిధిని మరియు 120 కి.మీ/గం యొక్క పరిశ్రమ అత్యుత్తమ వేగాన్ని అందిస్తోంది. S1 Pro Gen 2 కోసం కొనుగోలు విండో ఇప్పుడు తెరవబడింది, అయితే డెలివరీలు సెప్టెంబర్ మధ్యలో ప్రారంభమవుతాయి.
