Nissan Magnite
Nissan Magnite: పండుగల సీజన్ ప్రారంభమైంది. ఈ సీజన్ సందర్భంగా పలు కార్ల కంపెనీలు బంపర్ డిస్కౌంట్ ఆఫర్లు ఇస్తున్నాయి. ఈ జాబితాలో నిస్సాన్ పేరు కూడా చేరిపోయింది. ప్రముఖ Maginte SUV కొనుగోలుపై కంపెనీ భారీ డిస్కౌంట్లను అందిస్తోంది. ఈ పండుగ సీజన్‌లో Magnite కొనుగోలు చేయడం ద్వారా రూ. 60,000 వరకు ఆదా చేసుకోవచ్చు. మాగ్నైట్ ప్రీ-ఫేస్‌లిఫ్ట్ మోడల్‌పై నిస్సాన్ ఈ భారీ డిస్కౌంట్ ఆఫర్ ను అందించింది. ఇటీవలే నిస్సాన్ మాగ్నైట్ ఫేస్‌లిఫ్ట్ వెర్షన్‌ను విడుదల చేసింది. SUVలపై అందుబాటులో ఉన్న ఆఫర్‌లను వివరంగా తెలుసుకుందాం. నిస్సాన్ మాగ్నైట్ ప్రీ-ఫేస్‌లిఫ్ట్ మోడల్‌పై తగ్గింపు ఆఫర్‌లను అందిస్తోంది. నగదు తగ్గింపులు, ఎక్సేంజ్ ప్రయోజనాలు, కార్పొరేట్ మరియు లాయల్టీ బోనస్‌ల ద్వారా తగ్గింపుల నుండి ప్రయోజనం పొందుతారు. ఈ నెలలో మాగ్నైట్ కొనుగోలుపై భారీగా ఆదా చేసేందుకు నిస్సాన్ పండుగా ఆఫర్ ను సద్వినియోగం చేసుకోవచ్చు.
నిస్సాన్ మాగ్నైట్ ఆఫర్లు
మీడియా నివేదికల ప్రకారం.. Magnite ప్రీ-ఫేస్‌లిఫ్ట్ మోడల్ బేస్, మిడ్-లెవల్ వేరియంట్‌లపై రూ. 50,000 వరకు తగ్గింపు అందుబాటులో ఉంది. ఇది కాకుండా, SUV ఖరీదైన వేరియంట్‌లను రూ. 60,000 వరకు తగ్గింపుతో కొనుగోలు చేయవచ్చు. నిస్సాన్ మాగ్నైట్ ఫేస్‌లిఫ్ట్‌ను రూ. 5.99 లక్షల ప్రారంభ ఎక్స్-షోరూమ్ ధరతో విడుదల చేసింది.
మాగ్నైట్ ధర
Magnite ప్రీ-ఫేస్‌లిఫ్ట్ వెర్షన్ ఎక్స్-షోరూమ్ ధర కూడా రూ. 5.99 లక్షల నుండి ప్రారంభమవుతుంది. రెండు ఎస్ యూవీల ప్రారంభ ధర మధ్య తేడా లేదు. అయితే, ఫేస్‌లిఫ్ట్‌లో అధిక వేరియంట్‌ల ధర ఎక్కువగా ఉంటుంది. ప్రీ-ఫేస్‌లిఫ్ట్ వెర్షన్‌లో దీని ఎక్స్-షోరూమ్ ధర రూ. 11.11 లక్షలు, ఫేస్‌లిఫ్ట్‌లో ఈ ధర రూ. 11.50 లక్షలు (ఎక్స్-షోరూమ్)గా మారింది.
మాగ్నైట్ ఇంజిన్
కొత్త Magnite SUV రాకతో కంపెనీ తన వేరియంట్‌ల పేర్లను కూడా మార్చింది. XE, XL, XV ట్రిమ్‌లు Vizia, Ascenta, N-Connecta , Tecnaగా పేరు మార్చారు. ఈ SUV 1.0 లీటర్ పెట్రోల్ ఇంజన్‌తో వస్తుంది. ఇది 5 స్పీడ్ మ్యాన్యువల్ గేర్‌బాక్స్, 5 స్పీడ్ AMT గేర్‌బాక్స్ ఎంపికను కలిగి ఉంది. టర్బో-పెట్రోల్ ఇంజన్ వేరియంట్‌లో CVT ఎంపిక కూడా ఉంది.
ఫీచర్లు
ఆటో హెడ్‌ల్యాంప్‌లు, ఆటో డిమ్మింగ్ ఐఆర్‌విఎమ్, టైప్-సి ఛార్జింగ్ పోర్ట్, ఎయిర్ ప్యూరిఫైయర్ వంటి ఫీచర్లు నిస్సాన్ కారుకు అందించారు. మాగ్నైట్ ఫేస్‌లిఫ్ట్‌లో రిమోట్‌తో కూడిన కొత్త కీ ఫోబ్ కూడా అందించబడింది. దీని ద్వారా మీరు 60 మీటర్ల వ్యాసార్థంలో ఉన్నప్పుడు కూడా మీ వాహనాన్ని ప్రారంభించవచ్చు. మునుపటి మోడల్ మాదిరిగానే.. ఈ కారులో 360-డిగ్రీ కెమెరా, క్లైమేట్ కంట్రోల్ ఫీచర్ కూడా ఉంది.
