Upcoming compact SUV cars: భారతదేశంలో SUVల హావా కొనసాగుతున్నప్పటికీ మిడిల్ క్లాస్ పీపుల్స్ కోసం సబ్-4 మీటర్ కాంపాక్ట్ ఎస్యూవీలు మార్కెట్లోకి వస్తున్నాయి. ఈ నేపథ్యంలో ఇప్పటికే మార్కెట్లో మంచి గుర్తింపు ఉన్న కంపెనీలు తమ కార్లను తిరిగి కొత్త తరహాలో మార్కెట్లోకి తీసుకురావడానికి సిద్ధమయ్యాయి. ఈ కార్లలో మెరుగైన సేఫ్టీ ఫీచర్లతో పాటు నెక్ట్స్ జెనరేషన్ వారిని ఆకట్టుకునేవిధంగా డిజైన్ ఉండనున్నాయి. ఆ 4 కార్ల విశేషాలు ఇవే..
న్యూ మారుతి బ్రెజ్జా (New Maruti Brezza):
కాంపాక్ట్ ఎస్యూవీ విభాగంలో అత్యంత నమ్మకమైన బ్రాండ్గా పేరు తెచ్చుకున్న మారుతి సుజుకి బ్రెజ్జా.. సరికొత్త అప్డేట్స్తో మార్కెట్లోకి రాబోతోంది. కొత్తగా రాబోతున్న మోడల్లో రీ-డిజైన్ చేసిన ఫ్రంట్ గ్రిల్, సరికొత్త అల్లాయ్ వీల్స్ ప్రత్యేక ఆకర్షణగా నిలవనున్నాయి. అంతేకాకుండా క్యాబిన్ లోపల పెద్దదైన 10.1-ఇంచ్ టచ్స్క్రీన్ ఇన్ఫోటైన్మెంట్ సిస్టమ్ , 6-స్పీడ్ మాన్యువల్ గేర్బాక్స్ ఆప్షన్ను తీసుకురానున్నారు. మైలేజ్ పరంగా ఇప్పటికే టాప్లో ఉన్న బ్రెజ్జా, బూట్ స్పేస్ తగ్గకుండా ఉండేలా ‘అండర్-బాడీ’ (కారు కింద భాగంలో) సీఎన్జీ ట్యాంక్ అమర్చే సరికొత్త టెక్నాలజీతో రాబోతుండటం గమనార్హం.
నెక్ట్స్-జెన్ టాటా నెక్సాన్ (Next-Gen Tata Nexon):
భారతదేశంలో సురక్షితమైన కార్లకు కేరాఫ్ అడ్రస్గా నిలిచిన టాటా నెక్సాన్, సరికొత్త జనరేషన్ అవతారంలోకి మారడానికి సిద్ధమవుతోంది. టాటా మోటార్స్ దీనిని సరికొత్త ‘ATLAS’ ఆర్కిటెక్చర్ లేదా భారీగా మార్పులు చేసిన ప్లాట్ఫారమ్పై నిర్మించనుంది. ఇది ప్రస్తుత మోడల్ కంటే మరింత ఫ్యూచరిస్టిక్, అగ్రెసివ్ డిజైన్తో రానుంది. పెట్రోల్, డీజిల్, సీఎన్జీ లతో పాటు పవర్ఫుల్ ఈవీ వెర్షన్లలోనూ ఈ నెక్ట్స్-జెన్ మోడల్ అందుబాటులో ఉండనుంది.
న్యూ కియా సోనెట్ (New Kia Sonet):
ఫీచర్ల పరంగా యువతను ఎంతగానో ఆకట్టుకునే కియా సోనెట్.. సరికొత్త సెకండ్ జెనరేషన్ రూపంలో రోడ్లపై టెస్టింగ్ చేస్తూ కనిపించింది. ఈ సరికొత్త సోనెట్ కియా యొక్క లేటెస్ట్ ‘K1’ ప్లాట్ఫారమ్పై రూపుదిద్దుకుంటోంది. దీనివల్ల కారు వీల్బేస్ పెరిగి వెనుక సీట్లలో కూర్చునే ప్రయాణికులకు మరింత ఎక్కువ లెగ్రూమ్, సౌకర్యం లభించనుంది. దీని ఫ్రంట్ లుక్ గంభీరంగా, కియా సెల్టోస్ స్టైల్ను పోలి ఉండేలా డిజైన్ చేస్తున్నారు. ఈ కారులో పెద్దదైన 12.3 అంగుళాల డిస్ప్లేలు, లెవెల్-2 ADAS రానున్నాయి. అన్నింటికంటే ముఖ్యంగా ఈ విభాగంలోనే మొదటిసారిగా సోనెట్లో ‘స్ట్రాంగ్ హైబ్రిడ్’ ఇంజిన్ ఆప్షన్ను కూడా కంపెనీ పరిశీలిస్తోంది.
న్యూ మహీంద్రా ఎక్స్యూవీ 3XO (New Mahindra XUV 3XO)
మహీంద్రా కంపెనీ ఇటీవలే ఎక్స్యూవీ 300 స్థానంలో తీసుకొచ్చిన ‘XUV 3XO’ మార్కెట్లో సూపర్ హిట్ టాక్తో దూసుకుపోతోంది. ఈ క్రమంలోనే 2026 అప్డేట్స్లో భాగంగా కంపెనీ ఇందులో సరికొత్త ఎలక్ట్రిక్ వేరియంట్ ను సరికొత్త ఫీచర్లను జోడించింది. సెగ్మెంట్లోనే మొదటిసారిగా వస్తున్న అతిపెద్ద ‘స్కైరూఫ్’ లెవెల్-2 ADAS, డ్యూయల్ జోన్ క్లైమేట్ కంట్రోల్ వంటి ప్రీమియం ఫీచర్లు దీని సొంతం. అంతేకాకుండా, ప్రస్తుతం మార్కెట్ ట్రెండ్కు అనుగుణంగా మహీంద్రా ఇందులో ఫ్యాక్టరీ-ఫిట్టెడ్ బూట్ స్పేస్ ఫ్రెండ్లీ సీఎన్జీ మోడల్ను కూడా తీసుకురావడానికి ప్లాన్ చేస్తోంది.
సబ్-4 మీటర్ ఎస్యూవీ విభాగంలో రాబోతున్న ఈ సరికొత్త మార్పులు, కొనుగోలుదారులకు మరింత లగ్జరీ, సేఫ్టీ మరియు పవర్ఫుల్ ఆప్షన్లను అందించడమే కాకుండా, ఇండియన్ ఆటోమొబైల్ మార్కెట్ స్థాయిని మరింత పెంచనున్నాయి.
