Motorola Edge 70 Pro Plus: Motorola సంస్థ తన ‘ఎడ్జ్’ సిరీస్లో అత్యంత ప్రతిష్టాత్మకమైన Motorola Edge 70 Pro Plus స్మార్ట్ఫోన్ను 4 జూన్ 2026న భారతీయ మార్కెట్లోకి విడుదల చేయడానికి సిద్ధమైంది. ఆకర్షణీయమైన డిజైన్ మరియు అద్భుతమైన కెమెరా ఫీచర్లతో వస్తున్న ఈ ఫోన్, మిడ్ రేంజ్ సెగ్మెంట్లో కొత్త ప్రమాణాలను నెలకొల్పనుంది. ఈ మొబైల్ గురించి పూర్తి వివరాల్లోకి వెళితె..
Motorola Edge 70 Pro+ డిజైన్ పరంగా చాలా విభిన్నంగా ఉంటుంది. ఇందులో 6.8-అంగుళాల ‘ఎక్స్ట్రీమ్’ AMOLED డిస్ప్లేను అమర్చారు. ఇది 144Hz రిఫ్రెష్ రేట్ తో పనిచేస్తుంది. ఇందులో 5,200 నిట్స్ పీక్ బ్రైట్నెస్తో ఉండనుంది. దీనివల్ల ఎండలో కూడా స్క్రీన్ స్పష్టంగా కనిపిస్తుంది. అలాగే, ఇది IP68 మరియు IP69 రేటింగ్లతో రావడం వల్ల నీటిలో మరియు దుమ్ము, ధూళిలో కూడా ఫోన్ సురక్షితంగా ఉంటుంది.ఇది మూడు ప్రత్యేకమైన రంగుల్లో PANTONE Stormy Sea, Zinfandel, Chicory Coffee అందుబాటులోకి రానుంది.
ఈ ఫోన్ మీడియాటెక్ డైమెన్సిటీ 8500 ఎక్స్ట్రీమ్ మీడియాటెక్ డైమెన్సిటీ 8500 చిప్సెట్తో పనిచేస్తుంది. వేగవంతమైన మల్టీ టాస్కింగ్ కోసం 12GB RAM, 256GB UFS 4.1 స్టోరేజ్ను కలిగి ఉంటుంది. సాఫ్ట్వేర్ విషయానికి వస్తే. ఇది ఆండ్రాయిడ్ 16 వెర్షన్తో వస్తుంది. మోటరోలా ఇందులో ఏకంగా 6,500mAh సిలికాన్-కార్బన్ బ్యాటరీ ఉండనుంది. ఈ బ్యాటరీకి 90W ఫాస్ట్ ఛార్జింగ్కు మద్దతు ఇస్తుంది. కేవలం 9 నిమిషాల ఛార్జింగ్తో రోజంతా ఫోన్ వాడేంత పవర్ వస్తుందని సంస్థ పేర్కొంది.
ఈ ఫోన్కు ప్రధాన బలం దీని కెమెరా సెటప్. ఇందులో 50MP మెయిన్ సెన్సార్ కెమెరా ఉండనుంది. 50MP అల్ట్రా-వైడ్ లెన్స్, 50MP పెరిస్కోప్ టెలిఫోటో లెన్స్ ఉన్నాయి. ఇది 50x వరకు AI సూపర్ జూమ్ సదుపాయాన్ని అందిస్తుంది. సెల్ఫీల కోసం ముందు భాగంలో 50MP కెమెరా ఉంది. ప్రొఫెషనల్ ఫోటోగ్రఫీని ఇష్టపడే వారికి ఈ కెమెరా సెటప్ ఎంతో ఉపయోగకరంగా ఉంటుంది.
అలాగే ఈ స్మార్ట్ఫోన్లో గూగుల్ జెమిని Google Gemini AI వంటి ఫీచర్లు అందుబాటులో ఉంటాయి. దీంతో వినియోగదారులకు పనులు సులభతరం చేయడంలో సహాయపడతాయి. ఫోన్కు భద్రత కోసం ఇన్-డిస్ప్లే ఫింగర్ ప్రింట్ స్కానర్, డాల్బీ అట్మాస్ సపోర్ట్ ఉన్న డ్యూయల్ స్టీరియో స్పీకర్లు ఉన్నాయి. ఈ ఫోన్ జూన్ 4, 2026 నుండి మోటరోలా ఇండియా అధికారిక వెబ్సైట్, ఫ్లిప్కార్ట్, ప్రముఖ రిటైల్ స్టోర్లలో విక్రయానికి అందుబాటులో ఉంటుంది. దీని ధర సుమారు రూ.47,999 నుంచి రూ.56,999 మధ్య ఉండవచ్చని తెలుస్తోంది.
