MG Windsor EV : ఎలక్ట్రిక్ కార్ల ప్రపంచంలో ఇప్పుడు పెద్ద యుద్ధమే జరగబోతోంది. టాటా నెక్సాన్ ఈవీ, హ్యుందాయ్ క్రెటా ఎలక్ట్రిక్లకు గట్టి పోటీ ఇచ్చేందుకు ఎంజీ విండ్సర్ ప్రో ఈవీ మంగళవారం మార్కెట్లోకి దూసుకొచ్చింది. ఈ కారు ఎక్కువ రేంజ్తో వచ్చింది. ఒక్కసారి ఛార్జ్ చేస్తే ఏకంగా 449 కిలోమీటర్ల దూరం వెళ్లొచ్చు. దీని ప్రారంభ ధర కేవలం రూ.12.50 లక్షలు మాత్రమే. దీని బుకింగ్స్ రేపటి నుంచి (మే 8) మొదలవుతున్నాయి.
ఎంజీ విండ్సర్ ప్రో ఫిక్స్డ్ బ్యాటరీ, రెంట్ బ్యాటరీ ఆప్షన్లతో అందుబాటులో ఉంటుంది. కస్టమర్లు ఫిక్స్డ్ బ్యాటరీతో కొనుగోలు చేస్తే వారికి ఈ కారు ప్రారంభ ధర రూ.17.79 లక్షలు. అదే రెంట్ ఆప్షన్ ఎంచుకుంటే కిలోమీటర్కు రూ.4.5 చొప్పున చెల్లించాల్సి ఉంటుంది. ఇది కేవలం మొదటి 8,000 మంది కస్టమర్ల కోసం పెట్టిన ఇంట్రడక్టరీ ప్రైస్ మాత్రమే. ఈ ధర హ్యుందాయ్ క్రెటా ఎలక్ట్రిక్, టాటా నెక్సాన్ ఈవీ మ్యాక్స్ ధరల దగ్గరలోనే ఉంది. అంటే పోటీ గట్టిగా ఉండబోతోందన్నమాట.
Also Read : ఈ కారులో వెళ్తే విమానంలో వెళ్ళినట్లే..
ఎంజీ విండ్సర్ ప్రో ఈవీలో 52.9 కిలోవాట్స్ బ్యాటరీ ప్యాక్ ఇస్తారు. ఇది ఒక్కసారి ఛార్జ్ చేస్తే ఏకంగా 449 కిలోమీటర్ల రేంజ్ ఇస్తుంది. ప్రస్తుతం మార్కెట్లో ఉన్న దీని సాధారణ వెర్షన్ అయితే ఒక్క ఛార్జ్పై 332 కిలోమీటర్ల రేంజ్ మాత్రమే ఇస్తుంది. అంటే కొత్త వెర్షన్లో దాదాపు 100 కిలోమీటర్ల రేంజ్ పెరిగింది. ఈ కారులో కంపెనీ లెవెల్-2 ADAS (అడ్వాన్స్డ్ డ్రైవర్ అసిస్టెన్స్ సిస్టమ్) కూడా ఇచ్చింది. ఇది కారు ఆటోమేషన్ కెపాసిటీని, సేఫ్టీని బాగా పెంచుతుంది. అంతేకాకుండా ట్రాఫిక్ జామ్ అసిస్ట్, ఫార్వర్డ్ కొలిషన్ వార్నింగ్, అడాప్టివ్ క్రూజ్ కంట్రోల్ వంటి ఫీచర్లు కూడా ఉన్నాయి. అంటే డ్రైవింగ్ చాలా సులభంగా, సురక్షితంగా ఉంటుంది.
ఈ కారుతో ఇతర ఎలక్ట్రిక్ కార్లను, ఇతర ఎలక్ట్రిక్ పరికరాలను కూడా నడపవచ్చు. ఇది నిజంగా ఒక ప్రత్యేకమైన ఫీచర్. ఈ కారు మూడు కొత్త రంగుల్లో వస్తుంది. ఆ రంగులు ఏమిటంటే – అరోరా సిల్వర్, గ్లేజ్ రెడ్, సెలడాన్ బ్లూ. చూడటానికి కూడా చాలా స్టైలిష్గా ఉన్నాయి ఈ కలర్స్. ఎంజీ విండ్సర్ దేశంలో చాలా త్వరగా పాపులర్ అయిన ఎలక్ట్రిక్ కార్లలో ఒకటి. దీని సాధారణ వెర్షన్ దాదాపు 8 నెలల క్రితం విడుదలైంది. కేవలం 10 లక్షల కంటే తక్కువ ధరలో, ‘బ్యాటరీ యాజ్ ఏ సర్వీస్’ (రెంట్ బ్యాటరీ) ఆప్షన్తో కంపెనీ దీన్ని తీసుకొచ్చింది. దాని వల్ల ఈ కారు చాలా నెలలు దేశంలో నంబర్-1 ఎలక్ట్రిక్ కారుగా నిలిచింది. ఇప్పుడు వస్తున్న ఈ కొత్త వెర్షన్ మరింత మందిని ఆకట్టుకుంటుందని ఆశిస్తున్నారు.
Also Read : ఎలక్ట్రిక్ కార్ మార్కెట్లో మరో సెన్సేషన్.. క్రెటా, పంచ్లకు చుక్కలే
