MG Motors : భారతీయ మార్కెట్లో హారియర్, మహీంద్రా XUV700, హ్యుందాయ్ క్రెటా , కియా సెల్టోస్ వంటి పాపులర్ SUVలకు పోటీనిస్తున్న MG హెక్టర్పై మొత్తం రూ. 4 లక్షల వరకు డిస్కౌంట్ లభిస్తోంది. ఎంజీ మోటార్ ఇండియా తమ మిడ్నైట్ కార్నివాల్ను ప్రారంభించింది. ఇందులో హెక్టర్ SUVపై అనేక రకాల ఆఫర్లు, ప్రయోజనాలు అందిస్తున్నారు. ఈ ప్రత్యేకమైన క్యాంపెయిన్ దేశవ్యాప్తంగా ఉన్న షోరూమ్లలో అందుబాటులో ఉంటుంది. మిడ్నైట్ కార్నివాల్లో భాగంగా 30 జూన్ 2025 వరకు ప్రతి వారాంతంలో ఎంజీ షోరూమ్లు అర్ధరాత్రి వరకు తెరిచి ఉంటాయి.
Also Read : ఫోర్డ్ ముస్తాంగ్కు 61 ఏళ్లు.. నేటికి మార్కెట్లో దుమ్మురేపుతోంది
మిడ్నైట్ కార్నివాల్ క్యాంపెయిన్లో భాగంగా ఎంజీ మోటార్ ఇండియా కొత్త హెక్టర్ను కొనుగోలు చేసేవారికి అనేక విలువైన ఆఫర్లను అందిస్తోంది. ఇందులో 2 సంవత్సరాలు లేదా లక్ష కిలోమీటర్ల ఎక్స్ టెండెడ్ వారంటీ, అలాగే స్టాండర్డ్ మూడు సంవత్సరాల వారంటీ, రెండు అదనపు సంవత్సరాల రోడ్సైడ్ అసిస్ట్ సౌకర్యం ఉన్నాయి. దీని ద్వారా మీరు 5 సంవత్సరాల వరకు ఎలాంటి ఇబ్బంది లేకుండా కారును నడపవచ్చు. అంతేకాకుండా ఈ క్యాంపెయిన్లో రిజిస్టర్ చేసుకున్న హెక్టర్ మోడల్పై RTO ఫీజులో 50 శాతం వరకు తగ్గింపు లభిస్తుంది. ఎంజీ యాక్సెసరీలు కూడా ఉచితంగా లభిస్తాయి. అంతేకాకుండా 20 మంది ఎంజీ హెక్టర్ కొనుగోలుదారులకు లండన్ వెళ్లే అవకాశం కూడా లభిస్తుంది.
ఎంజీ హెక్టర్ భారతదేశంలో మొదటిసారిగా 2019లో విడుదల చేసింది. ఈ SUV ఈ సెగ్మెంట్లో టాటా హారియర్, జీప్ కంపాస్, ఇలాంటి ఇతర కార్లకు పోటీనిస్తుంది. హెక్టర్ పెట్రోల్, డీజిల్ ఇంజన్ ఎంపికలలో అందుబాటులో ఉంది. వీటిని మాన్యువల్, ఆటోమేటిక్ ట్రాన్స్మిషన్ ఆప్షన్లతో వస్తుంది. ఫీచర్ల విషయానికి వస్తే హెక్టర్లో డ్యూయల్-పేన్ పనోరమిక్ సన్రూఫ్, 14-అంగుళాల టచ్స్క్రీన్ ఇన్ఫోటైన్మెంట్ సిస్టమ్, 70 కంటే ఎక్కువ కనెక్టెడ్ కార్ ఫీచర్లు, లెవెల్ 2 ADAS టెక్నాలజీ లభిస్తాయి. ఎంజీ హెక్టర్ ధర రూ.13.99 లక్షల నుండి ప్రారంభమై రూ.22.57 లక్షల వరకు (ఎక్స్-షోరూమ్) ఉంటుంది.
ఈ కారు చాలా సురక్షితమైనది. ఎంజీ హెక్టర్ సేఫ్టీ ఫీచర్లలో 6 ఎయిర్బ్యాగ్లు, EBDతో కూడిన ABS, ఎలక్ట్రానిక్ స్టెబిలిటీ కంట్రోల్, 360 డిగ్రీ కెమెరా, టైర్ ప్రెజర్ మానిటరింగ్ సిస్టమ్ ఉన్నాయి. హెక్టర్ అప్పర్ వేరియంట్లలో ఆటోమేటిక్ ఎమర్జెన్సీ బ్రేకింగ్, అడాప్టివ్ క్రూజ్ కంట్రోల్, లేన్ కీపింగ్ అసిస్ట్, ఫార్వర్డ్ కొలిషన్ వార్నింగ్ వంటి సౌకర్యాలు ఉన్నాయి. ఎంజీ హెక్టర్ గ్లోబల్ లేదా భారత్ NCAP క్రాష్ టెస్ట్ నిర్వహించలేదు.
