మన దేశంలో ఇతర కార్లతో పోలిస్తే ఎక్కువగా అమ్ముడయ్యే కారుగా మారుతి స్విఫ్ట్ కు పేరుంది. పదిహేను సంవత్సరాల క్రితం మారుతి స్విఫ్ట్ మోడల్ ను లాంఛ్ చేయగా అప్పటినుంచి ఇప్పటివరకు ఈ మోడల్ కు ఏమాత్రం క్రేజ్ తగ్గలేదు. ఇప్పటికీ ఈ కారు ఎక్కువగా సేల్ అవుతున్న కారుగా నిలవడం గమనార్హం. మారుతి స్విఫ్ట్ కారులో ఎప్పటికప్పుడు స్వల్పంగా మార్పులు చేస్తూ కస్టమర్లకూ మారుతి కంపెనీ మరింత చేరువవుతోంది.
ఈ ఏడాది మార్కెట్ లోకి వచ్చిన మారుతి సుజుకి స్విఫ్ట్ సరికొత్త నెక్స్ట్-జెన్ కె-సిరీస్ డ్యూయల్-జెట్, డ్యూయల్-వివిటి పెట్రోల్ ఇంజిన్‌తో పని చేస్తోంది. నెలకు కేవలం పదివేల రూపాయలు చెల్లించడం ద్వారా ఈ కారును సొంతం చేసుకోవచ్చు. ఈ కారు ఎక్స్ షోరూమ్ ధర 5.73 లక్షల రూపాయలుగా ఉంది. టాప్-ఆఫ్-లైన్ వేరియంట్ ధర 8.41 లక్షల రూపాయలుగా ఉంది. ఈ కారును కొనుగోలు చేయాలనుకునే వాళ్లు ఫైనాన్స్ రూపంలో కొనుగోలు చేయవచ్చు.
ఈ కారును కొనుగోలు చేయాలని అనుకుంటే కనీసం 1,28,759 రూపాయలు డౌన్ పేమెంట్ చెల్లించాల్సి ఉంటుంది. ప్రముఖ ప్రభుత్వ, ప్రైవేట్ రంగానికి చెందిన బ్యాంకులు 7 నుంచి 9 శాతం మధ్యలో కార్ల వడ్డీ రేట్లతో లోన్లను అందిస్తున్నాయి. లోన్ తీసుకున్న వాళ్లు ప్రారంభ ధర అయిన 5.73 లక్షల రూపాయల కారును నెలకు 10,000 రూపాయలు చెల్లించడం ద్వారా కొనుగోలు చేయవచ్చు.
టాప్-ఆఫ్-లైన్ వేరియంట్ కారును కొనుగోలు చేయాలంటే 10,000 రూపాయల కంటే ఎక్కువ మొత్తం చెల్లించాల్సి ఉంటుంది. సమీపంలోని మారుతి షోరూంను సంప్రదించి ఈ కారుకు సంబంధించిన పూర్తి వివరాలను తెలుసుకోవచ్చు.