JanSamarth Loan Portal: ఎంత శ్రీమంతులకైనా సరే ఆర్థిక అవసరాలు ఉంటాయి. సమయానికి డబ్బు దొరికితేనే అవి తీరుతాయి. డబ్బు లభించకపోతే ఇబ్బందులు ఎదురవుతాయి. సకాలంలో డబ్బు లభించని పక్షంలో పడే కష్టాలు మామూలుగా ఉండవు. అలాంటప్పుడు అప్పులు తీసుకురావాల్సి ఉంటుంది. వడ్డీ ఎంతైనా పర్వాలేదు అనిపిస్తుంది. ఎందుకంటే అవసరం అలాంటిది కాబట్టి..
మనదేశంలో వ్యవసాయ సీజన్ మొదలైనప్పుడు రైతులకు డబ్బు అవసరం ఎక్కువగా ఉంటుంది. విద్యా సంవత్సరం మొదలైనప్పుడు తల్లిదండ్రులకు ఫీజులు చెల్లించడానికి డబ్బు అవసరం ఎక్కువగా ఏర్పడుతూ ఉంటుంది. ఇక వ్యాపారవేత్తలకు వ్యాపార విస్తరణకు డబ్బు అవసరం ఎక్కువగా ఏర్పడుతూ ఉంటుంది. అలాంటి సమయంలో డబ్బు దొరకకపోతే ఇబ్బంది పడాల్సి ఉంటుంది. ఇలాంటప్పుడు రుణాల కోసం బ్యాంకుల చుట్టూ చాలా మంది తిరుగుతుంటారు. అన్ని సందర్భాలలో బ్యాంకులు రుణాలు ఇవ్వవు. పైగా రకరకాల కొర్రీలు పెడుతుంటాయి. ఇటువైపు ఏమో అవసరాలు ఇబ్బంది పెడుతుంటాయి. అలాంటప్పుడు బయట వడ్డీ ఎంతైనా పర్వాలేదు అప్పు తెచ్చుకొని చాలామంది అవసరాలు తీర్చుకుంటారు. ఆ తర్వాత తీవ్రంగా ఇబ్బందులు పడుతూ ఆ అప్పులు తీర్చుకుంటారు.
అయితే ఇలాంటి వారి కోసం సులభంగా రుణం పొందేందుకు కేంద్రం ఒక పోర్టల్ తీసుకువచ్చింది.. ఇది నాలుగు సంవత్సరాల క్రితమే మొదలైంది. దీని పేరు janasamarth.in/ login. రుణం తీసుకోవాలంటే ఇందులో మొబైల్ నెంబర్ తో లాగిన్ అవ్వాలి. ఆ తర్వాత అవసరమైన పాత్రలు మాత్రం అప్లోడ్ చేయాలి. ఆధార్ కార్డు.. పాన్ కార్డ్.. ఇన్కమ్ సర్టిఫికెట్.. బ్యాంకు ఎకౌంటు స్టేట్మెంట్ కచ్చితంగా ఉండాలి.
దాదాపు 32 బ్యాంకులు ఇందులో లోన్ ఆఫర్ చేస్తుంటాయి. స్థానిక భాష కూడా ఇందులో అందుబాటులో ఉంటుంది. చిన్న చిన్న రైతులు.. సామాన్యులు.. వ్యాపారులు బ్యాంకుల చుట్టూ తిరిగి ఇబ్బంది పడకుండా.. రుణాలు వెంటనే మంజూరు చేయడానికి కేంద్రం తీసుకొచ్చిన పోర్టల్ ఇది. ఇటువంటి పోర్టల్ ఒకటి ఉందని చాలామందికి తెలియదు. అందువల్లే దేని గురించి కేంద్రం విపరీతంగా ప్రచారం చేస్తోంది. ఇందులో వడ్డీ కూడా తక్కువగానే ఉంటుంది. దీన్ని సేవలు వినియోగించుకొని ఆర్థిక అవసరాలు తీర్చుకుంటే.. చాలావరకు ఇబ్బందులు తప్పుతాయి. అందువల్ల దీనిని ఉపయోగించుకోవాలని ఆర్థిక నిపుణులు సూచిస్తున్నారు.
