iPhone 16 Pro : శాంసంగ్ కంపెనీ తన కొత్త స్మార్ట్ఫోన్ శాంసంగ్ గెలాక్సీ ఎస్ 25ఎడ్జ్(Samsung Galaxy S25 Edge)ని ఈ మే నెలలోనే మార్కెట్లోకి తీసుకురావడానికి రెడీ అవుతుంది. అధికారికంగా విడుదల కాకముందే ఈ ఫోన్ స్పెసిఫికేషన్లు, ధర గురించిన సమాచారం లీక్ అయింది. జర్మన్ పబ్లికేషన్ విన్ ఫ్యూచర్( WinFuture) ఈ శాంసంగ్ స్మార్ట్ఫోన్ ఫీచర్లను బయటపెట్టింది. ముఖ్యంగా టైటానియం ఫ్రేమ్తో రాబోతున్న ఈ ఫోన్ ముందు, వెనుక భాగాల్లో గ్లాస్ డిజైన్ను కలిగి ఉండవచ్చు. లాంచ్ కాకముందే ఈ ఫోన్లో ఎలాంటి ప్రత్యేక ఫీచర్లు ఉండబోతున్నాయో.. దీని ధర ఎంత ఉంటుందో వివరంగా తెలుసుకుందాం.
Also Read : ఐఫోన్ 16 ప్రో మాక్స్ బ్యాటరీ.. పాడైతే కొత్త ఫోన్ కొనేంత ఖర్చు చేయాల్సిందే !
Samsung Galaxy S25 Edge స్పెసిఫికేషన్లు (లీక్):
డిస్ప్లే: శాంసంగ్ గెలాక్సీ ఎస్ 25ఎడ్జ్(Samsung Galaxy S25 Edge)లో 6.7 ఇంచుల AMOLED స్క్రీన్ను అందించవచ్చు. 120Hz రిఫ్రెష్ రేట్ సపోర్ట్తో వచ్చే ఈ ఫోన్లో స్క్రీన్ ప్రొటెక్షన్ కోసం కార్నింగ్ గొరిల్లా గ్లాస్ సెరామిక్ 2, కార్నింగ్ గొరిల్లా గ్లాస్ విక్టస్ 2 లను ఉపయోగించవచ్చు.
ప్రత్యేక ఫీచర్లు: డస్ట్, వాటర్ రెసిస్టెన్స్ వంటి ప్రత్యేకతలతో పాటు, ఈ ఫోన్లో సేఫ్టీ కోసం అల్ట్రాసోనిక్ ఫింగర్ప్రింట్ సెన్సార్ను కూడా చేర్చవచ్చు అని భావిస్తున్నారు.
ప్రాసెసర్: స్పీడ్, మల్టీటాస్కింగ్ కోసం Galaxy S25 Edge లో స్నాప్డ్రాగన్ 8 ఎలైట్ ప్రాసెసర్తో పాటు 12GB RAM, 512GB వరకు ఇంటర్నల్ స్టోరేజ్ లభించవచ్చు.
కెమెరా : ఈ ఫోన్ వెనుక భాగంలో 200 మెగాపిక్సెల్ ప్రైమరీ కెమెరా సెన్సార్, దానితో పాటు 12 మెగాపిక్సెల్ అల్ట్రా వైడ్ యాంగిల్ లెన్స్ ఇవ్వబడుతుంది. అలాగే, సెల్ఫీలు, వీడియో కాలింగ్ కోసం 12 మెగాపిక్సెల్ ఫ్రంట్ కెమెరా సెన్సార్ ఉండవచ్చు.
కనెక్టివిటీ: Wi-Fi 7 తో రాబోతున్న ఈ శాంసంగ్ స్మార్ట్ఫోన్లో బ్లూటూత్ వెర్షన్ 5.4 సపోర్ట్ వంటి అనేక ఇతర ప్రత్యేక ఫీచర్లు కూడా రావొచ్చు.
బ్యాటరీ కెపాసిటీ: ఈ ఫోన్కు పవర్ అందించడానికి 3900mAh బలమైన బ్యాటరీని ఇవ్వవచ్చు, అయితే ఇది ఎంత వాట్ ఫాస్ట్ ఛార్జింగ్ కెపాసిటీతో వస్తుందని సమాచారం ప్రస్తుతం లేదు.
Also Read : ఐఫోన్ స్క్రీన్ ధరతో కొత్త బైక్ కొనుక్కోవచ్చు.. పగిలితే అంతే!
శాంసంగ్ గెలాక్సీ ఎస్ 25ఎడ్జ్ ధర (లీక్):
జర్మనీలో ఈ రాబోయే శాంసంగ్ ఫ్లాగ్షిప్ ఫోన్ 256GB స్టోరేజ్ వేరియంట్ ధర 1249 యూరోలు (సుమారు రూ.1. 19లక్షలు), 512GB టాప్ వేరియంట్ ధర 1369 యూరోలు (సుమారు రూ.1.30లక్షలు) ఉండవచ్చు. ఈ ధరల శ్రేణిలో ఈ ఫోన్ iPhone 16 Pro కు గట్టి పోటీని ఇవ్వగలదు.
