Hyundai Suv Cars: మీరు కొత్త కారు కోసం ఎదురు చూస్తున్నారా.. కొత్త ఏడాది 2024లో కొత్త కారు కొనాలనుకుంటున్నారా.. అయితే ఈ వార్త మీకోసమే. 2024లో హ్యుందాయ్ పలు కొత్త కార్లను మార్కెట్లోకి తీసుకురాబోతోంది. క్రెటా ఫేస్లిఫ్ట్, కియా సోనెట్ ఫేస్లిఫ్ట్, టాటా కర్వ్, మహీంద్రా థార్ 5–డోర్, నిస్సాన్ ఎక్స్–ట్రైల్ ఉండనున్నాయి. భారత ఎస్యూవీ మార్కెట్లో కార్లకు డిమాండ్ పెరుగుతుండడంతో ఆటోమొబైల్ సంస్థలు కొనుగోలుదారు అభిరుచికి తగినట్లుగా కార్లు మార్కెట్లోకి తెస్తున్నాయి. 2024లో కొత్త కార్లకు పెరుగుతున్న డిమాండ్ను తీర్చడానికి అనేక కార్ల తయారీదారులు కొత్త, ఫేస్లిఫ్ట్ ఎస్యూవీ మోడళ్లను దించేందుకు సిద్ధం చేస్తున్నాయి. వాటిలో టాప్ 5 మోడళ్ల గురించి తెలుసుకుందాం.
హ్యుందాయ్ క్రెటా..
భారత మార్కెట్లో అత్యధికంగా అమ్ముడవుతున్న కార్లలో హ్యుందాయ్ మిడ్–సైజ్ ఎస్యూవీలో క్రెటా ఫేస్లిఫ్ట్ వెర్షన్ ఒకటి. దీనిని 2024, జనవరి 16న విడుదల చేయనుంది. మారుతి సుజుకి గ్రాండ్ విటారా, కియా సెల్టోస్లతో పోటీగా హ్యుందాయ్ క్రెటా రెండు ముఖ్యమైన అప్డేట్లతో వస్తుంది. అధునాతన డ్రైవర్ అసిస్టెన్స్ సిస్టమ్ని ప్రవేశపెట్టడం అనేది కీలకమైన అప్డేట్లలో ఒకటి. అదనంగా, 1.5–లీటర్ టర్బో పెట్రోల్ ఇంజన్ కలిగి ఉంటుంది. పోటీదారు కియా సెల్టోస్ మాదిరిగా పవర్ ఆప్షన్తో రానుంది.
కియా సోనెట్..
కొత్త మోడల్ కాంపాక్ట్ ఎస్యూవీలో కియా సోనెట్ కారు. దీనిని 2024, జనవరిలో విడుదలకు ఏర్పాట్లు జరుగుతున్నాయి. ఇప్పటికే దీని బుకింగ్స్ మొదలయ్యాయి. కియా సోనెట్ మారుతి సుజుకి బ్రెజ్జా, టాటా నెక్సాన్, హ్యుందాయ్ వెన్యూ, మహీంద్రా ఎక్స్యూవీ 300కు బలమైన పోటీ ఇవ్వనుంది. 6 ఎయిర్బ్యాగ్లు, ఎల్ఈడీ సౌండ్–యాంబియంట్ లైటింగ్, కనెక్ట్ చేసిన 10.25–అంగుళాల హెచ్డీ టచ్స్క్రీన్ నావిగేషన్, 10.25–అంగుళాల ఇన్స్ట్రుమెంట్ క్లస్టర్ ప్యానెల్తో సహా అనేక ఫీచర్లను కలిగి ఉంది. సరౌండ్ వ్యూ మానిటర్, 70కి పైగా కనెక్ట్ చేసిన కార్ ఫీచర్లను కలిగి ఉంది. ఇందులో హై–సేఫ్టీ ప్యాకేజీతో కూడిన 25 సెక్యూరిటీ ఫీచర్లు, 10 అడాస్ ఫీచర్లు ఉన్నాయి.
టాటా కర్వ్..
హ్యుందాయ్ క్రెటా, మారుతి సుజుకి గ్రాండ్ విటారా, కియా సెల్టోస్ వంటి పోటీదారులను లక్ష్యంగా చేసుకుని 2024లో రానున్న టాటా మోటార్స్ కర్వ్ గేమ్–ఛేంజర్గా మారుతుందని మార్కెట్ వర్గాలు అంచనా వేస్తున్నాయి. ఈ కర్వ్ మోడల్ వినియోగదారులకు ఐసీఈ, ఈవీ ఫార్మాట్లలో అందుబాటులో ఉంటుందని అంచనా. నిర్దిష్ట వివరాలు ఇంకా వెల్లడి కానప్పటికీ, ఆల్–ఎలక్ట్రిక్ వెర్షన్ 400 నుంచి 500కిలోమీటర్ల వరకు క్లెయిమ్ పరిధిని కలిగి ఉంటుందని భావిస్తున్నారు.
మహీంద్రా థార్ 5
మహీంద్రా 2024లో థార్ 5–డోర్ను లాంచ్ చేయనుంది. మారుతి సుజుకి జిమ్నీ, రాబోయే ఫోర్స్ గూర్ఖా 5–డోర్లకు పోటీగా రానుంది. భారత మార్కెట్లో స్పైడ్ టెస్టింగ్, థార్ 5–డోర్లో వృత్తాకార ఎల్ఈడీ డీఆర్ఎల్లతో కూడిన ఎల్ఈడీ హెడ్ల్యాంప్లు, కొత్తగా రూపొందించిన అల్లాయ్ వీల్స్, ఎలక్ట్రిక్ సన్రూఫ్, కొత్త ఇన్ఫోటైన్మెంట్ సిస్టమ్ వంటి ఆధునిక ఇన్స్ట్రుమెంట్ క్లస్టర్ మాదిరి ఇతర అప్డేట్లు ఉంటాయి.
నిస్సాన్ ఎక్స్–ట్రైల్..
నిస్సాన్ నుంచి మాగ్నైట్ సక్సెస్ తర్వాత నిస్సాన్ ఎక్స్–ట్రైల్ను మార్చి 2024 తర్వాత భారత మార్కెట్లోకి తిరిగి ప్రవేశపెట్టాలని కంపెనీ భావిస్తోంది. ఫోర్త్ జనరేషన్
ఎక్స్–ట్రైల్, ప్రస్తుతం భారత మార్కెట్లో ట్రయల్స్ జరుగుతున్నాయి. అలయన్స్ సీఎంఎఫ్–సి ప్లాట్ఫారమ్పై ఆధారపడింది. బలమైన హైబ్రిడ్, తేలికపాటి హైబ్రిడ్ సిస్టమ్లను అందిస్తుంది. 12.3–అంగుళాల డిజిటల్ క్లస్టర్, టచ్స్క్రీన్, అడాస్ టెక్నాలజీ, 360–డిగ్రీ కెమెరా వంటి ప్రీమియం ఫీచర్లతో ఎక్స్–ట్రయల్ విలాసవంతమైన సాంకేతికంగా అధునాతన డ్రైవింగ్ ఎక్స్పీరియన్స్ అందించడమే లక్ష్యంగా పెట్టుకుంది.
