Hurun India Rich list 2024
Hurun India Rich list 2024 : భాగ్యనగరం (హైదరాబాద్) అన్ని విధాలుగా కీర్తిని సంపాదించుకుంటుంది. నేడు దేశమే కాదు.. ప్రపంచంలో సైతం హైదరాబాద్ కు మంచి గుర్తింపు ఉంది. మెట్రో నగరాలను దాటి మరీ ఖ్యాతిని దక్కించుకుంటోంది. ఏళ్ల తరబడి బెంగళూరుతో పోటీ పడుతున్న భాగ్యనగరం రిచ్ లిస్ట్ లో సిలికాన్ వ్యాలీగా గుర్తింపు పొందిన బెంగళూర్ ను దాటి ముందకు వచ్చింది. హురున్ ఇండియా రిచ్చెస్ట్ సిటీలో మూడో స్థానంలో నిలిచింది. గురువారం (ఆగస్ట్ 29) హురున్ విడుదల చేసిన జాబితాలో రూ. 1,000 కోట్లకు పైగా సంపద కలిగిన 104 మంది వ్యక్తులతో కూడిన హైదరాబాద్ ఈ ఏడాదిలో 17 మంది ధనవంతులను చేర్చుకొని భారతదేశంలోని 386 మంది సంపన్నులను కలిగి ఉన్న ముంబై, న్యూఢిల్లీ (217) తర్వాతి స్థానం మూడో స్థానంలో నిలిచింది. దీనికి భిన్నంగా, భారతదేశ స్టార్టప్ రాజధాని బెంగళూరులో ఈ సంవత్సరం కేవలం 100 రిచ్ లిస్ట్ ఎంట్రీలు మాత్రమే ఉన్నాయి, ఇది 2023 తో సమానం. 2020లో కేవలం 50 మంది సంపన్నులు ఉండగా, గత నాలుగేళ్లలో హైదరాబాద్ సంపన్నుల సంఖ్య రెట్టింపైంది. 2023 హురున్ సంపన్నుల జాబితాలో రూ. 1,000 కోట్లకు పైగా సంపదతో 87 మంది నివాసితులు ఉన్నారు. ‘ముత్యాల నగరం’లో ఇప్పుడు సంపన్నుల జాబితాలో 18 డాలర్ల బిలియనీర్లు కూడా ఉన్నారు.
సంపన్నుల జాబితా ఇది..
* ఈ ఏడాది దేశంలోని టాప్ 100 సంపన్నుల జాబితాలో హైదరాబాద్ కు చెందిన నలుగురు సంపన్నులు చోటు దక్కించుకున్నారు.
* ‘బెంగళూరును వెనక్కి నెట్టి తొలిసారి అత్యధిక సంపద సృష్టించిన నగరాల జాబితాలో హైదరాబాద్ మూడో స్థానంలో నిలిచింది. అది చాలా పెద్దది’ అని హురున్ ఇండియా వ్యవస్థాపకుడు, ప్రధాన పరిశోధకుడు అనాస్ రెహ్మాన్ జునైద్ అన్నారు.
* ప్రతి ఏడాది మాదిరిగానే ఈ ఏడాది కూడా రూ. 76,100 కోట్ల సంపదతో ఫార్మా దిగ్గజం దివీస్ లేబొరేటరీస్ వ్యవస్థాపకుడు మురళీ దివి అండ్ ఫ్యామిలీ 26వ స్థానంలో (ఆలిండియా) హైదరాబాద్ రిచీ రిచ్ క్లబ్ లో అగ్రస్థానంలో ఉన్నారు. ఈ ఏడాది దివి సంపద 37 శాతం పెరిగినప్పటికీ ఆయన నాలుగు స్థానాలు దిగజారారు.
* మేఘా ఇంజినీరింగ్ అండ్ ఇన్ఫ్రాస్ట్రక్చర్స్ అధినేత పీపీ పిచిరెడ్డి, పీవీ కృష్ణారెడ్డి మేనమామ, మేనల్లుడు రూ.54,800 కోట్లు, రూ.52,700 కోట్ల సంపదతో తెలంగాణలో వరుసగా రెండు (41 ఆలిండియా), మూడో (జాతీయంగా 43) స్థానాల్లో నిలిచారు. వీరిద్దరి సంపద 47 శాతం పెరిగినప్పటికీ కొన్ని స్థానాలు పడిపోయాయి.
* హెటిరో ల్యాబ్స్ వ్యవస్థాపకుడు, చైర్మన్ బీ పార్థసారధి రెడ్డి అత్యంత ధనవంతుడైన ఎంపీ (రాజ్యసభ)గా గుర్తింపు పొందారు. రూ. 29,900 కోట్ల సంపదతో భారతదేశంలోని టాప్ 100 ధనవంతుల్లో 94 వ స్థానంలో నిలిచారు. ఆయన సంపదలో 37% పెరుగుదల ఉన్నప్పటికీ తన అఖిల భారత ర్యాంక్ ఒక స్థానం దిగజారి తెలంగాణలో నాలుగో ధనవంతుడు.
* సంపద పెరిగినప్పటికీ ర్యాంక్ తగ్గిందన్న విషయాన్ని జునైద్ వివరిస్తూ, ‘టాప్ 100 హురున్ ఇండియా రిచ్ లిస్ట్ 2024 లో చోటు సంపాదించడం కష్టమవుతోంది. ఇండియా టాప్ 100లో కటాఫ్ ఆరంభం నుంచి 16 రెట్లు పెరిగి రూ. 28,400 కోట్లకు చేరింది. ప్రతి ఒక్క హురున్ సంపన్నుల జాబితాలో, మేము బహుశా ఇద్దరిని కోల్పోయామని అనుకుంటే, భారతదేశంలో నేడు రూ .1,000 కోట్ల విలువైన సంపద 5,000 మంది వ్యక్తుల వద్ద ఉండవచ్చు.
* అపర్ణ కన్ స్ట్రక్షన్ అండ్ ఎస్టేట్స్ కు చెందిన రియల్టీ దిగ్గజాలు ఎస్ సుబ్రమణ్యంరెడ్డి, సీ వెంకటేశ్వరరెడ్డి రూ. 22,100 కోట్లు, రూ. 21,900 కోట్ల సంపదతో 5వ (134 ఆలిండియా), 6వ (135 ఆలిండియా) స్థానాల్లో నిలిచారు.
* తెలంగాణ టాప్ 10 ధనవంతుల జాబితాలో ఎంఎస్ఎన్ ల్యాబ్స్ వ్యవస్థాపకుడు ఎం సత్యనారాయణ రెడ్డి అండ్ ఫ్యామిలీ రూ.18,500 కోట్లతో 7వ స్థానంలో (భారతదేశంలో 151), మై హోమ్ ఇండస్ట్రీస్ వ్యవస్థాపకుడు రామేశ్వర్ రావు జూపల్లి రూ.18,400 కోట్లతో 8వ స్థానంలో (153), డాక్టర్ రెడ్డీస్ ల్యాబ్స్ చైర్మన్ కె.సతీష్ రెడ్డి అండ్ ఫ్యామిలీ రూ.18,400 కోట్లతో 9వ స్థానంలో (రూ.156 కోట్లు), బయోలాజికల్ డైరెక్టర్ దాట్ల (రూ.156 కోట్లు) ఉన్నారు. రూ.13,600 కోట్ల సంపదతో 10వ స్థానంలో (219 ఆలిండియా) తెలంగాణ టాప్ 10లో ఉన్న ఏకైక మహిళ.
* కుటుంబం నడిపే వ్యాపారాలు, స్టార్టప్ వ్యవస్థాపకుల నుంచి ప్రైవేట్ ఈక్విటీ ఇన్వెస్టర్లు, ఏంజెల్ ఇన్వెస్టర్లు, నెక్స్ట్ జనరేషన్ లీడర్లు, సినీ తారలు ఇలా వివిధ నేపథ్యాలకు చెందిన 1,539 మంది ఈ సంపన్నుల జాబితాలో చోటు దక్కించుకున్నారు.
హురున్ ఇండియా రిచ్ లిస్ట్ 2024 లో ముంబై, న్యూఢిల్లీ వంటి మెట్రో నగరాల్లో బిలియనీర్ల సంఖ్య పెరిగింది. అయితే ఈ జాబితాలో భారత్ సిలికాన్ సిటీ బెంగళూరు హైదరాబాద్ కంటే దిగువన నిలిచింది. బెంగళూరు దిగజారడాన్ని హైలైట్ చేస్తూ, ఇన్ఫోసిస్ మాజీ సీఎఫ్ఓ, బోర్డు సభ్యుడు మోహన్దాస్ పాయ్ స్పందించారు. కర్ణాటక ప్రభుత్వం సంవత్సరాలుగా నగరాన్ని అభివృద్ధి చేయడంలో విఫలమైందని విమర్శించారు.
Bengaluru has lost out to Hyderabad in the rich list for first time @DKShivakumar @siddaramaiah @CMofKarnataka @kris_sg @kiranshaw Sign of times to come with no development but grandiose projects? Very depressing-lack of governance pic.twitter.com/yC8oHywNsK
— Mohandas Pai (@TVMohandasPai) August 29, 2024
హురున్ ఇండియా రిచ్ లిస్ట్ 2024 లో బెంగళూరు ప్రదర్శనపై దృష్టి సారించిన మోహన్దాస్ పాయ్ ఎక్స్ లో ఒక పోస్ట్ ను షేర్ చేసి కర్ణాటక సీఎం సిద్దరామయ్య, కర్ణాటక ఉప ముఖ్యమంత్రి డీకే శివకుమార్, ఇన్ఫోసిస్ సహ వ్యవస్థాపకుడు క్రిస్ గోపాలకృష్ణన్, కిరణ్ మజుందార్ షాలను ట్యాగ్ చేశారు.
‘సంపన్నుల జాబితాలో హైదరాబాద్ కంటే బెంగళూరు తొలిసారి వెనుకబడిపోయిందని, భారీ ప్రాజెక్టులు తప్ప అభివృద్ధి లేని రోజులు రాబోతున్నాయా..? పాలనా లోపం చాలా బాధాకరం’ అని పాయ్ తన పోస్టులో పేర్కొన్నారు.
హురున్ ఇండియా రిచ్ లిస్టర్స్ 2024 లో నివసిస్తున్న టాప్ నగరాలు
దేశ ఆర్థిక రాజధాని ముంబైలోనే అత్యధిక మంది బిలియనీర్లు ఉన్నారు. ఈ మెట్రో నగరం చైనా రాజధాని నగరం బీజింగ్ ను కూడా అధిగమించి ఆసియా ‘బిలియనీర్ క్యాపిటల్’గా అవతరించింది. ముంబై తర్వాతి స్థానంలో న్యూఢిల్లీ.. మూడో స్థానంలో హైదరాబాద్, నాలుగో స్థానంలో బెంగళూరు, ఆ తర్వాతి స్థానాల్లో చెన్నై, కోల్ కత్తా, అహ్మదాబాద్ ఉన్నాయి.
Mahendra is a Senior Political Content writer who has very good knowledge on Business stories. He is a senior journalist with good command on writing articles with good narative.
Read More