Honda : దేశంలోనే అతిపెద్ద టూ-వీలర్ కంపెనీ అయిన హీరో మోటోకార్ప్కు ఏప్రిల్ 2025 నెల అంతగా కలిసి రాలేదు. కంపెనీ అమ్మకాలు భారీగా పడిపోయాయి. అంతేకాదు, తన నంబర్-1 స్థానాన్ని కూడా కోల్పోయింది. అయితే దెబ్బ కొట్టిన కంపెనీకి కూడా ఈ కొత్త రికార్డుతో పెద్దగా లాభం లేదు. ఆ కంపెనీ కూడా అమ్మకాల్లో నష్టపోయింది. ఏప్రిల్ నెలలో హీరో మోటోకార్ప్ను వెనక్కి నెట్టిన కంపెనీ మరెవరో కాద.. దాదాపు 15 ఏళ్ల క్రితం విభజనలో భాగంగా విడిపోయిన జపాన్కు చెందిన టూ-వీలర్ కంపెనీ హోండా మోటార్సైకిల్ అండ్ స్కూటర్స్ ఇండియానే. ఈ కొత్త రికార్డు సృష్టించినప్పటికీ హోండా అమ్మకాలు 11 శాతం పడిపోయాయి.
Also Read : కొత్త కార్ల పోటీ నుంచి తట్టుకొని నిలబడ్డ పాతకాలం.. ఈ కారు గురించి తెలుసా?
హోండా అమ్మకాల్లో 11 శాతం నష్టం
ఏప్రిల్ అమ్మకాల డేటా ప్రకారం హోండా టూ-వీలర్స్ అమ్మకాలు 4,80,896 యూనిట్లుగా ఉన్నాయి. ఇందులో దేశీయ మార్కెట్లో 4,22,931 యూనిట్ల అమ్మకాలు జరిగాయి. కంపెనీ 57,965 యూనిట్లను ఎగుమతి చేసింది. ఇది ఏప్రిల్ 2024లో నమోదైన 5,41,946 యూనిట్ల డిస్పాచ్ కంటే 11 శాతం తక్కువ. కంపెనీకి ఎగుమతుల విషయంలో నష్టం జరిగింది. గత ఏడాది ఏప్రిల్లో కంపెనీ 60,900 యూనిట్లను ఎగుమతి చేసింది. అయితే దేశీయ మార్కెట్లో కంపెనీ హోల్సేల్ అమ్మకాలు స్థిరంగా ఉన్నాయి. ఏప్రిల్ 2024లో దేశీయ మార్కెట్లో కంపెనీ అమ్మకాలు 4,81,046 యూనిట్లుగా ఉన్నాయి.
హోండా టూ-వీలర్స్ గత కొన్ని నెలలుగా ఎలక్ట్రిక్ స్కూటర్ సెగ్మెంట్లో కూడా ప్రవేశించింది. కంపెనీ తన అత్యంత ప్రజాదరణ పొందిన స్కూటర్ యాక్టివా ఎలక్ట్రిక్ వెర్షన్ను విడుదల చేసింది. దీని డెలివరీలు ఇటీవల ప్రారంభమయ్యాయి. ఏప్రిల్ 2025లో హోండా మొత్తం 4,80,896 యూనిట్లను విక్రయించింది. అయితే హీరో మోటోకార్ప్ మొత్తం అమ్మకాలు కేవలం 3,05,406 యూనిట్లు మాత్రమే ఉన్నాయి. హీరో మొత్తం అమ్మకాల్లో దేశీయ మార్కెట్లో 2,88,524 యూనిట్లు అమ్ముడయ్యాయి. కేవలం 16,882 యూనిట్లు మాత్రమే ఎగుమతి అయ్యాయి. ఈ విధంగా హోండా అమ్మకాలు 1,75,490 యూనిట్లు ఎక్కువగా ఉన్నాయి. హీరో అమ్మకాలు తగ్గడానికి ఒక పెద్ద కారణం కంపెనీ తన ధారుహేడా, గురుగ్రామ్, హరిద్వార్, నీమరాణా ప్లాంట్లలో ఏప్రిల్ 17-19 వరకు తాత్కాలికంగా ఉత్పత్తిని నిలిపివేయడమే.2010కి ముందు హీరో, హోండా ఒక ఉమ్మడి వ్యాపారంగా పనిచేసేవి. తర్వాత కంపెనీ ‘విభజన’ తర్వాత జపాన్కు చెందిన కంపెనీ తన వ్యాపారాన్ని విడిగా ప్రారంభించింది.
