Elon Musk: ప్రపంచ కుబేరుడు, టెస్లా సీఈఓ ఎలాన్ మస్క్ అమెరికా అధ్యక్షుడు డొనాల్డ్ ట్రంప్ పాలనలో చేపట్టిన డిపార్ట్మెంట్ ఆఫ్ గవర్నమెంట్ ఎఫిషియెన్సీ (డోజ్)లో తన ప్రమేయాన్ని గణనీయంగా తగ్గించనున్నట్లు ప్రకటించారు. టెస్లా, స్పేస్ఎక్స్ వంటి వ్యాపారాలపై దృష్టి సారించేందుకు వచ్చే నెల నుంచి డోజ్కు వారానికి ఒకటి లేదా రెండు రోజులు మాత్రమే కేటాయించనున్నారు. ఈ నిర్ణయంపై ట్రంప్ సానుకూలంగా స్పందిస్తూ మస్క్ తెలివితేటలు, దేశభక్తిని కొనియాడారు.
Also Read: శాంసంగ్, వీవోలకు గట్టిపోటీ..పవర్ఫుల్ ఫీచర్లతో OnePlus 13T 5G విడుదల
ఎలాన్ మస్క్ డోజ్లో తన పాత్రను తగ్గించాలని నిర్ణయించడం వెనుక టెస్లా వ్యాపారంపై దృష్టి సారించాలనే ఉద్దేశం ఉంది. 2025 మొదటి త్రైమాసికంలో టెస్లా లాభాలు 71% క్షీణించాయి, దీనికి మస్క్ రాజకీయ ప్రమేయం, ట్రంప్ ఎన్నికల ప్రచారంలో భారీ వ్యయం కారణమని విశ్లేషకులు భావిస్తున్నారు. టెస్లా షేర్లు అస్థిరత, పోటీ విద్యుత్ వాహన మార్కెట్లో ఒత్తిడి కారణంగా మస్క్ తన ప్రాధాన్యతలను వ్యాపారంపై కేంద్రీకరించాలని నిర్ణయించారు. అదే సమయంలో, స్పేస్ఎక్స్, న్యూరాలింక్, ది బోరింగ్ కంపెనీ వంటి ఇతర సంస్థల నిర్వహణ కూడా ఆయన సమయాన్ని కోరుతోంది.
ట్రంప్ ప్రశంసలు:
మస్క్ నిర్ణయంపై అధ్యక్షుడు డొనాల్డ్ ట్రంప్ సానుకూలంగా స్పందించారు. ఓవల్ కార్యాలయంలో ఎగ్జిక్యూటివ్ ఆర్డర్పై సంతకం చేసే సందర్భంలో ట్రంప్ మస్క్ను ‘నిజమైన దేశభక్తుడు’గా అభివర్ణించారు. డోజ్లో మస్క్ పాత్ర వివాదాస్పదమైనప్పటికీ, ఫెడరల్ సంస్కరణల్లో ఆయన చేసిన కషిని కొనియాడారు. స్పేస్ఎక్స్ రాకెట్లు నింగిలో దూసుకెళ్లి, తిరిగి క్షేమంగా ల్యాండ్ అవడాన్ని ‘అద్భుతం’గా పేర్కొన్న ట్రంప్, ఇది కేవలం మస్క్ సాంకేతిక తెలివితేటల వల్లే సాధ్యమైందని అన్నారు. భవిష్యత్తులో మస్క్ డోజ్కు మరింత సమయం కేటాయిస్తారని ఆశాభావం వ్యక్తం చేశారు.
డోజ్ అంటే ఏమిటి?
డిపార్ట్మెంట్ ఆఫ్ గవర్నమెంట్ ఎఫిషియెన్సీ (డోజ్) అనేది ట్రంప్ పాలనలో ప్రభుత్వ వ్యవస్థల సామర్థ్యాన్ని మెరుగుపరిచేందుకు ఏర్పాటైన సంస్థ. ఫెడరల్ ఖర్చులను తగ్గించడం, బ్యూరోక్రసీని సరళీకరించడం, ప్రభుత్వ కార్యకలాపాలను సమర్థవంతం చేయడం దీని లక్ష్యం. మస్క్, వివేక్ రామస్వామితో కలిసి డోజ్ నాయకత్వంలో కీలక పాత్ర పోషిస్తున్నారు. అయితే, మస్క్ రాజకీయ ప్రమేయం, టెస్లా, స్పేస్ఎక్స్ వంటి సంస్థలతో లాభాల సంఘర్షణ (ఛిౌnజ జీఛ్టి ౌజ జీn్ట్ఛట్ఛట్ట) ఆరోపణలు వివాదాన్ని రేకెత్తించాయి. డోజ్లో ఆయన సలహాలు, ముఖ్యంగా ఖర్చు తగ్గింపు విధానాలు, కొందరు రాజకీయ నాయకులు, ఉద్యోగ సంఘాల నుంచి వ్యతిరేకతను ఎదుర్కొన్నాయి.
టెస్లా సవాళ్లు..
2025లో టెస్లా ఎదుర్కొంటున్న సవాళ్లు మస్క్ నిర్ణయానికి కీలకం. టెస్లా లాభాలు 71% తగ్గడం, చైనీస్ విద్యుత్ వాహన తయారీదారులతో పోటీ, ఆటోనమస్ డ్రైవింగ్ సాంకేతికతలో ఆలస్యం వంటి అంశాలు ఒత్తిడి సృష్టించాయి. మస్క్ సంపదలో గణనీయ భాగం టెస్లా షేర్లపై ఆధారపడి ఉండటం, ఇటీవలి షేర్ల అస్థిరత ఆయనను వ్యాపారంపై దృష్టి పెంచేలా చేశాయి. అదనంగా, స్పేస్ఎక్స్లో మార్స్ మిషన్, స్టార్లింక్ విస్తరణ వంటి ప్రాజెక్టులు ఆయన సమయాన్ని డిమాండ్ చేస్తున్నాయి. ఈ నేపథ్యంలో, డోజ్లో పూర్తిస్థాయి బాధ్యతల నుంచి తప్పుకోవడం వ్యూహాత్మక నిర్ణయంగా కనిపిస్తోంది.
స్పేస్ఎక్స్ ఆవిష్కరణలు..
ట్రంప్ మస్క్ స్పేస్ఎక్స్ ఆవిష్కరణలను ప్రత్యేకంగా ప్రస్తావించారు. స్పేస్ఎక్స్ ఫాల్కన్ రాకెట్లు, రీయూజబుల్ లాంచ్ సిస్టమ్స్ ద్వారా అంతరిక్ష రంగంలో విప్లవాత్మక మార్పులు తీసుకొచ్చాయి. రాకెట్లు లాంచ్ అయి, తిరిగి ఖచ్చితంగా ల్యాండ్ అవడం అంతరిక్ష పరిశోధనలో ఖర్చులను గణనీయంగా తగ్గించింది. నాసాతో కలిసి అర్టెమిస్ మిషన్లు, స్టార్షిప్ అభివృద్ధి వంటి ప్రాజెక్టులు మస్క్ సాంకేతిక నైపుణ్యాన్ని ప్రపంచానికి చాటాయి. ట్రంప్ ఈ ఆవిష్కరణలను ఉదాహరణగా చూపుతూ, మస్క్ రాజకీయ విభేదాలకు అతీతంగా గౌరవించదగిన వ్యక్తిగా అభివర్ణించారు.
మస్క్ పాత్ర ఎలా ఉంటుంది?
మస్క్ డోజ్లో తన సమయాన్ని తగ్గించినప్పటికీ, పూర్తిగా వైదొలగడం అసంభవం. డోజ్ సలహాదారుగా కొనసాగుతూ, సాంకేతిక, వ్యాపార దక్కోణంతో సంస్కరణలకు సహకరించే అవకాశం ఉంది. టెస్లాలో ఆటోనమస్ డ్రైవింగ్, బ్యాటరీ టెక్నాలజీల అభివద్ధి, స్పేస్ఎక్స్లో మార్స్ మిషన్ వంటి లక్ష్యాలు ఆయన ప్రాధాన్యతలుగా కనిపిస్తున్నాయి. ట్రంప్ పాలనలో డోజ్ కార్యకలాపాలు ఎలా సాగుతాయి, మస్క్ పాత్ర ఎంతమేరకు ప్రభావం చూపుతుందనేది ఆసక్తికరంగా ఉంది. అదే సమయంలో, మస్క్ వ్యాపారాలు, రాజకీయ ప్రమేయం మధ్య సమతుల్యత ఆయన భవిష్యత్ విజయాలను నిర్ణయించనుంది.
Also Read: రూ.9,999 కడితే చాలు.. 8 ఏళ్ల వరకు మీ ఎలక్ట్రిక్ బైక్ బ్యాటరీకి నో టెన్షన్!
